Vdes Mikhail Kallashnikov, shpikësi i automatikut

By

-

Shpikësi i automatikut AK 47, Mikhail Kallashnikov u nda nga jeta ditën e djeshme në moshën 94-vjeçare. Arma që ai krijoi u bë shumë shpejt një prej armëve më të përdorura në të gjithë globin.

Ai krijoi një armë, e cila prodhohet me kosto të ulët dhe mjaft të lehtë për t’u përdorur. Edhe pse arma e tij është gjerësisht e përdorur, Kallashnikovi fitoi shumë pak prej shpikjes së saj.

Ai u lind më 10 nëntor të vitit 1919 në Siberinë Perëndimore. Në vitin 1938 u rekrutua nga ushtria ruse dhe ai përdori të gjithë aftësitë që kishte për të dizajnuar armë të efektshme për ushtrinë sovjetike. Dy vjet pas përfundimit të luftës, Kallashnikovi shpiku automatikun, i cili sot njihet gjerësisht me emrin e tij.

Një prift grek ortodoks në kishën e “lindjes” në Betlehem.

By

Albania Plus

-

cisgiordania2312 — Një prift grek ortodoks në kishën e lindjes në Betlehe. (Ammar Awad, Reuters/Contrasto)

Një prift grek ortodoks në kishën e lindjes në Betlehe. (Ammar Awad, Reuters/Contrasto) — Një prift grek ortodoks në kishën e lindjes në Betlehem. (Ammar Awad, Reuters/Contrasto)

Gwyneth Paltrow: Nuk do të bëj më skena seksi

By

Albania Plus

-

Gwyneth Paltrow ka theksuar se nuk kënaqet aspak kur zhvishet në role.

Aktorja 41-vjeçe e cila kohë më parë ka luajtur rolin e stripistes që vazhdimisht zhvishet, ka deklaruar se në jetën private është një femër shumë konservative.

“Të bësh striptizëm në sy të qindra njerëzve është vërtetë turpëruese, pasi unë vij nga një familje që është shumë konservative dhe që nuk e preferon shumë lakuriqësinë. Nuk e di pse por asnjëherë nuk më ka pëlqyer të zhvishem para ekraneve televizive. Por profesioni nganjëherë kërkon sakrificë”, ka deklaruar Paltrow.

Berisha, Ramës: Je psikik. Rama, Berishës: Je si plaku te Koncert në vitin ’36

By

Albania Plus

-

Seanca parlamentare që po zhvillohet ditën e sotme ka njohur reagime dhe kundër reagime nga palët. Si ish Kreu i PD-së Berisha, po ashtu dhe Kreu i PS-së Rama i janë kundërpërgjigjur njëri-tjetrit me batuta të njëpasnjëshme.

Berisha – Paraqitja e buxhetit, llogore e pafundme e zotit Rama. Pata një mori mesazhesh që më thonë se nuk ka psikiatër që e kuron, se në mendjen e tij të sëmurë është e ngulitur një Kushtetute që i thotë atij unë dhe bota. Ajo pjesa që më neveriti më shumë ishte pjesa për trashëgiminë kulturore, kur ti i vodhe Thimos si hajdut ordiner ikonat. Korçarët më thonë se Peleshin e bëri zv/kryeministër i ndjeri Vangjush Mio me pikturat e tij. Vetëm për buxhet nuk u fol këtu. Këtu u fol për opozitën. Në mendjen e tij ekziston tmerri dhe ferri i opozitës, dhe s’foli asgjë për 1 mln të papunë për të cilët është shprehur mijëra e mijëra herë. E falënderoj zotin Rama se s’bëri gjë tjetër veçse faktoi para shqiptarëve dhe botes e ka me urgjencë mjekimin në një klinikë psikiatrike.

Rama – Sali Efendi, zotrote mua më heq mallin e Albert Verrisë te filmi “Koncert në vitin ‘36” e mban mend atë plakun që donte të prishte koncertin, shyqyr që të kemi se kujtojmë dhe Albertin e shkretë.

Berisha- Je ulur në atë vend je bërë synet politik. Ata që të bënë synet politik të hoqën dhe forcën e fundit të burrit ty. Prandaj çfarëdo që të thuash je krejtësisht bosh. Ajo që paraqite ishte mjerim, sa që edhe Caci besnik gajasej. U tregove shqiptarëve se kartolina që u çon për vit të ri është kartolina e mjerimit, mashtrimit, ndërsa buxheti që paraqite ka vdekur para se të lindë.

Rama– Sali Efendi unë nuk e dija qe je marrë me synete, e dija që je marrë me zemrën. Kjo ishte një surprizë për mua, por ndoshta e mban mend kur të kanë bërë synet para se të të merrnin në Bllok.

Berisha: Unë them synet politik, se për atë tjetrin dihet.

Meta – Ju lutemi se nuk jemi në portokalli këtu, jemi në Kuvend. Ju lutem më me etikë

Robbie Williams do i nënshtrohet kirurgjisë plastike

By

Albania Plus

-

Këngëtari Robbie Williams ka deklaruar se vitin tjetër kur të mbushë 40 vjeç, do t’i nënshtrohet kirurgjisë plastike. Williams është shprehur, se i frikësohet humbjes së pamjes së tij të bukur.

Ai ka pranuar se kriza e moshës së mesme po bën efektin e saj dhe se dëshiron të kryejë një tërheqje fytyre dhe një heqje të mundshme të dhjamërave.

Rama: Ky buxhet do të garantojë rifillimin e rrugës ekonomike të vendit

By

Albania Plus

-

Gjatë prezantimit të projektbuxhetit në Kuvend, kreu i qeverisë Edi Rama është shprehur se, sot njerëzve u duhet një qeveri që punon ditë natë, për të bërë zgjedhjet e duhura jo për pushtetin e vet, por për popullin.

“Njerëzve u duhet një shumicë parlamentare, që nuk e siguron mbijetesën duke kalëruar në kurrizin e tyre me borxhet e marra në emër të tyre, por u duhet një opozitë parlamentare që nuk e le bosh vendin në llogoren e mes gënjeshtra dhe fyerjeve. U duhet sot shqiptarëve një qeveri që nuk mendon se si do zgjidhet përsëri, por që punon ditë natë për të bërë zgjedhjet e duhura jo për pushtetin e vet por për popullin. Ne nuk jemi rizgjedhur për t’u rizgjedhur me çdo çmim, por për të zgjidhur këmbët e Shqipërisë nga borxhet, injoranca, korrupsioni ti japim mundësinë këtij vendi të qeveriset si shtet”.

Rama theksoi se ky buxhet është më i madh se buxheti i vitit të kaluar për të garantuar rifillimin e rrugës ekonomike të vendit dhe se nuk është një buxhet elektoral investimesh.

“Ky nuk është një buxhet elektoral investimesh për të prerë shirita e për të thurur rrugë, rrugë, duke e zhytur vendin në borxhe e duke e katandisur qeverinë në një “Sude Pazar”, por për shlyerjen e borxheve, është më i madh se buxheti elektoral i vitit të kaluar në investime direkte e indirekte në ekonomi duke garantuar garantojë rifillimin e rrugës ekonomike të vendit. Nuk është sa për të hedhur lumin e zgjedhjeve të ardhshme, por për të kapërcyer hendekun e madh që qeveria e ikur hapi mes vendit dhe të ardhmes. Çdo bashki e komunë do të ketë më shumë para nga buxheti se sa ku vit, arsimi e shëndetësia po ashtu, njerëzit në nevojë për të cilët do të ketë më shumë para se ky vit, por nuk do të ketë më mospagesa ndaj invalidëve dhe familjeve me ndihmë ekonomike që do të marrin çdo muaj lekët që u takojnë”, tha Rama.

Gjykata e Tiranës, “arrest me burg” kreut të Bashkisë Kamëz, Xhelal Mziu

By

Albania Plus

-

Gjykata e Tiranës, ka caktuar masën e sigurisë “arrest me burg” ndaj kreut të Bashkisë Kamëz, Xhelal Mziu. Në seancën gjyqësore të zhvilluar me dyer të mbyllura Mziu shoqërohej nga avokati i tij Genc Gjokutaj.

Gjykata ka plotësuar kërkesën e prokurorisë, për lenie në burg pa afat të Xhelal Mziut deri në fund të kryerjes së hetimeve.

Mziu u arrestua me akuzën për shpërdorim detyre. Kreu i Bashkisë së Kamzës akuzohet për abuzimin në tender në ndërtimin e rrugës Valias i ri – Laknas. Arrestimi erdhi pas një hetimi i cili kishte nisur disa muaj më parë, nga krimi ekonomik në Policinë e Tiranës.

Xhelal Mziu është zgjedhur në krye të Bashkisë Kamëz më 18 shkurt të vitit 2007 dhe në vitin 2011 ka fituar mandatin e dytë si përfaqësues i Partisë Demokratike .

BE, 178.7 milion Euro Serbisë për mbështetje të reformave kyçe

By

Albania Plus

-

Sot, Komisioni Europian ka adoptuar programin kombëtar 2013, për Serbinë nën instrumentet e IPA (Ndihmës së Para-Anëtarësimit). Programi prej 178.7 milion euro do të ndihmojë Serbinë të zbatojë reformat në fusha kyçe si sundimi i ligjit, administrata publike, përfshirja sociale, zhvillimi i sektorit privat, transporti, mjedisi, energjia dhe agrikultura. Këto reforma janë elementë të rëndësishëm të procesit të integrimit europian të vendit dhe do të përmirësojnë direkt jetën e përditshme të qytetarëve serbë. Me Marrëveshjen e sotme, ndihma e Para-Anëtarësimit e BE-së për Serbinë, ka arritur në 2.6 bilion euro.

“Ky ishte një vit historik për marrëdhëniet e Serbisë me BE-në, me vendimin për hapjen e negociatave dhe hyrjen në fuqi të Marrëveshjes së Stabilizm Asocimit. Është e rëndësishme që Serbia të mbajë ritmin dhe të vazhdojë në mënyrë dinamike përmbushjen e reformave kyçe. Fondet e Para-Anëtarësimit të BE-së, që tashmë llogariten në 2.6 bilion euro që prej 2001, do të ndihmojnë në zbatimin e këtyre reformave, duke sjellë përfitime konkrete për qytetarët serbë”,- ka deklaruar Komisioneri për Zgjerimin dhe Politikat e Fqinjësisë, Stefan Fyle.

Ky program do të ndihmojë Serbinë në fushën e sundimit të ligjit duke mbështetur zbatimin e strategjive kombëtare për luftën ndaj korrupsionit, duke përmirësuar sistemin e burgjeve dhe duke fuqizuar pavarësinë dhe kompetencën e sistemit juridik. Fondet do të përdoren gjithashtu, për të fuqizuar efikasitetin e administratës doganore serbe dhe shërbimeve të kontrollit kufitar.

Fondet do të shkojnë po ashtu edhe për përmirësimin e kapacitetit të administratës publike në nivel qendror dhe lokal, duke zhvilluar menaxhimin financiar publik të vendit dhe prokurimet publike. 34 Komuna në Jug dhe në Jug Perëndim të Serbisë, janë në fokus për zhvillim të kapaciteteve lokale të qeverisjes, zhvillim të kushteve për biznesin, zhvillimi infrastrukturor dhe mbështetje për implementimin e përfshirjes sociale dhe politikave të punësimit.

Zhvillimi i sektorit privat do të mbështetet nëpërmjet masave, që do të përmirësojnë mjedisin për bërjen e biznesit në Serbi, rritjen e konkurrencës së ndërmarrjeve serbe dhe mbështetje të investimeve në kërkim dhe inovim.

Në krye të programit kombëtar IPA të adoptuar sot, fondet e BE-së për Serbinë do të jenë të të disponueshme nëpërmjet fondeve për Shoqërinë Civile (2.5 milion Euro), programin TEMPUS (4 milion euro) dhe fondet për refugjatët nën Programin Rajonal për Strehim (12 milion Euro).

Instrumentet e Ndihmës së Para- Anëtarësimit, IPA, i ofrojnë një asistencë, vendeve të angazhuara në një proces aderimi në Bashkimin Europian. IPA, synon përmirësimin e efikasitetit dhe koherencën e ndihmës, nëpërmjet një kuadri unik për përforcimin e kapacitetit institucional, të bashkëpunimit ndërkufitar, të zhvillimit ekonomik dhe social si edhe të zhvillimit rural. Ndihmat e Para-Anëtarësimit mbështesin procesin e stabilizim asocimit të vendeve kandidate dhe potencialisht kandidate, në përputhje me specifikat konkrete të tyre./i.t/

Statusi, Panariti: Refuzimi çështje e brendshme e BE-së

By

Albania Plus

-

Ministri i Bujqësisë, Zhvillimit Rural dhe Administrimit të Ujërave, Edmond Panariti, ka deklaruar në një intervistë për NEWS 24, paraditen e sotme se, refuzimi i statusit kishte në thelb çështje të brendshme të BE-së, ishte një dimension dhe disa faktorë që ishin jashtë politikës shqiptare. Por, Panariti shprehet optimist se qershori do të jetë momenti duhur për dhënien e statusit Shqipërisë.

“Statusi pati një hezitim dhe u kërkua më shumë kohë nga vende të veçanta të BE-së. Jam i sigurt se politika zyrtare e Holandës është pro zgjerimit. Është bërë një lobim i jashtëzakonshëm. Zoti Meta vetë ka ndërmarrë një tur shumë dinamik në Gjermani dhe Francë, pa llogaritur faktin që ministrja Gjosha dhe ministri Bushati lëvizën kancelari më kancelari për të shpjeguar reformat që Shqipëria ka bërë. Por ne u futëm në një dimension dhe disa faktorë që ishin janë politikës shqiptare. Janë çështje të brendshme të BE-së. Por qershori nuk është larg, jam i bindur se do ta marrim statusin kandidat. Kur ta marrin statusin në qershor, ne me shumë probabilitet do të kemi dhe një datë për hapjen e negociatave”, u shpreh ministri Panariti.

Berisha: Rama-Meta intriga për skllavërim të të paditurve

By

Albania Plus

-

Kuvendi ka nisur sot punimet me betimin e deputetëve të rinj, të cilët kanë zëvendësuar mandatet e lëna bosh nga anëtarët e qeverisë. Deputetët e rinj që janë betuar sot në Kuvend, duke zëvendësuar Ministrat e qeverisë janë: Miranda Rira, Anduel Xhindi, Adelina Rista, Vladimir Kosta, Enkeleda Shkreli, Silva Caka, Kejdi Mehmetaj dhe Bedri Mihaj.

Por, një reagim i ashpër ka ardhur nga ish kreu i PD-së Sali Berisha, i cili e cilëson këtë lëvizje, si një pastrim politik të Kabinetit qeverisës dhe vetë Kabinetin, si më të madhin në Europë. Berisha akuzon kreun e qeverisë Rama dhe Kreun e Kuvendit Meta për intriga banale me synim përdorimin e mandateve, për të skllavëruar të paditurit dhe për të spastruar bashkëpunëtorët e tyre.

“Tragjikomedia me Kryeministrin e zgjedhur, në një kohë kur Kryeministri është i emëruar, jo i zgjedhur, vazhdon me pastrimin e plotë politik të kabinetit dhe shndërrimin e tyre thjesht në zëdhënës të kryekreut. Ky është shkelmim flagrant mbi Kushtetutën, ky kabinet është më i madh se i Francës, Spanjës, Gjermanisë, Italisë, më i madh se vendet që janë dhjetëra herë më të pasura se ne, dhe përmbi këtë rriten shpenzimet e Kuvendit nga rritja prej 32% e kabinetit, me mbi 20% shpenzimet e Kuvendit në një kohë kur nuk u jepet paga invalidëve, ndihma ekonomike atyre që numërojnë kafshatat. Krijohen pagat milionëshe të zyrtarëve. Unë do ta mbyll këtë ndërhyrje duke denoncuar marrëveshjen intrigante të dyshes Rama-Meta dhe të garantojë shqiptarët se ky kast ka në bazë një intrigë banale të dy zotërinjve, që përdorin mandatet për të skllavëruar të padituarit për të qëruar hesapet me bashkëpunëtorët e tyre”, tha Berisha.