Kryeministri Berisha inauguroi sot paradite terminalit e doganës së re të Tiranës, në Vorë – Rinas. Dogana e re, investim me vlerë 25 milionë dollarë, shtrihet në një sipërfaqe prej 75.500 m², në të hapen si fillim 400 vende të reja pune, me perspektivë shtese rreth 120 persona në vit.

Kapaciteti përpunues ditor i saj është 420 kamionë, 120 furgonë dhe aktualisht përpunohen rreth 200 kamionë në ditë. Në mjediset e saj, krahas të gjithë ambienteve sociale, janë akomoduar 44 agjenci doganore, si dhe banka, shoqëri sigurimesh, shërbime postare, shërbime të kontrollit sanitar, kimik, etj. Terminali është siguruar 100 përqind me kamera kontrolli dhe magazina doganore me sipërfaqe 10.000 m².

Avantazhet e këtij investimi janë se rrit besueshmërinë e biznesit ndaj administratës doganore dhe përmirëson ndjeshëm imazhin e saj; minimizon shfaqjet korruptive dhe rrit efektivitetin e luftës kundër kontrabandës; ulet koha e qëndrimit të subjekteve në doganë, pasi terminali i ri siguron 13 kontrolle fizike njëherësh; mundëson mbrojtjen e markës dhe patentës, shëndetit publik dhe mbrojtjen e konsumatorit.

Vendosja e terminalit jashtë qytetit të Tiranës, gjithashtu, lehtëson dhe përmirëson  ndjeshëm qarkullim e mjeteve në hyrje të Tiranës.

Lideri opozitar Rama gjatë prezantimit  të Skuadrës Kombëtare, dje në Lezhë, ka deklaruar se PS është gati t’i japë vendit të drejtën e mohuar për 8 vjet rresht, për tu qeverisur nga shumica natyrale e Shqipërisë. Ai ka theksuar, se vota duhet të jetë e lidhur vetëm me interesin e kombit, me interesin e vendit, të Lezhës, Kurbinit, Mirditës dhe me interesin e çdo familje votuesi.

‘’Socialistët dhe progresistët e Lezhës duhet t’ja tregojnë tradhtarit Gjovalin Kadeli se nuk janë siç thoshte ai delet e tij që i çonte nga të donte dhe se o do ishte ai aty ku donte ose delet do ti merrte me vete si të donte dhe për ku të donte sepse socialistët dhe progresistët, njerëzit e zakonshëm të këtij qyteti të këtij rrethi dhe këtij qarku mund të jenë të varfër mund të jenë të papunë, mund të jenë në nevojë edhe për bukën e gojës por nuk ka mëkat më të madh se sa të përpiqesh ti tërheqësh zvarrë me bukën  e gojës siç ka 4 vjet që i tërheq Sali Berisha ose siç kujton se do i tërheqë Gjovalin Kadeli’’, –  ka deklaruar Rama.

Lideri opozitar deklaroi gjithashtu përpara lezhjanëve, se nuk e hoqëm Enver Hoxhën dhe regjimin e tij për të mbajtur 25 vjet një mikro Enver Hoxha.

‘’Kush nuk do falimentimin e dyqanit duhet që në 23 qershor të votojë PS. Kush nuk do që ti shtohet ushtrisë 1 milionëshe të të papunëve duhet të votojë PS. Çdo njeri dhe çdo familje që ka dikë të sëmurë në shtëpi dhe që   Ne nuk e hoqëm Enver Hoxhën dhe regjimin tij për të mbajtur në kurriz 25 vjet një mikro Enver Hoxha. Ne u ndamë nga ai regjim për të pasur liri, për të pasur mirëqenie, për të pasur drejtësi sociale, për të qenë të gjithë të barabartë para ligjit dhe njëkohësisht për të pasur të gjithë akses të barabartë në shërbime. Për të gjitha këto arsye është dita për të votuar vetëm një drejtim, Aleancën për Shqipërinë Europiane, Partinë Socialiste të Shqipërisë’’,- ka deklaruar Rama.

Ai ka deklaruar se Berisha në këto zgjedhje do të mundet dhe bashkë me të do të munden të tërë problemet që mbizotërojnë në këtë vend.

‘’Sali Berisha është më e lehta, ne do ta mundim në 23 qershor. Por unë ju siguroj se do të mundim me radhë varfërinë, papunësinë, do të mundim analfabetizmin, do të mundim errësirën që u del përpara të gjithë të rinjve dhe që i detyron që ta shikojnë të ardhmen vetëm jashtë vendit të tyre dhe mbi të gjitha ne do të kthejmë vlerën e tokës së bukës dhe respektin për tokën e bukës, duke bërë që familjet që jetojnë në fshat të mund të jetojnë normalisht përmes tokës së tyre, përmes prodhimit, përmes punës së tyre dhe të ndjehen krenarë që prodhojnë dhe fitojnë me punë të ndershme’’,- ka deklaruar Rama.

Kryeministri Berisha inauguroi sot, Qendrën e Kontrollit dhe Menaxhimit të Trafikut Urban, në Tiranë. Ndërtimi i saj është realizuar nga një sipërmarrje e përbashkët e kompanive “Swarco Mizar” S.p.A dhe “SCAE” S.p.A Itali dhe është një investim me vlerë 2.3 milionë dollarë.

Kryeministri Berisha vlerësoi maksimalisht realizimin e këtij projekti, që synon përmirësimin e trafikut në kryeqytet, gjendja e të cilit ndikon drejtpërdrejt në shëndetin e qytetarëve. Gjithashtu, Kryeministri u shpreh se falë ndryshimeve që ka pësuar kryeqyteti në këto dy vitet e fundit, më kryesori sistemi i sheshit “Skënderbej”, është arritur të përmirësohet cilësia e ajrit.

“Ndotja e ajrit në sheshin e qytetit dhe te ‘21 Dhjetori’ e tejkalonte 2-3 herë çdo lloj limiti dhe kalonte në nivelet e rrezikut edhe kërcënimit më maksimal. Kjo nuk është më sot. Këto aparatura tregojnë se sot qytetarët e Tiranës thithin ajër të atyre standardeve dhe normave si në qytetet miqësore ndaj mjedisit”, tha Kryeministri.

Kryeministri Berisha vlerësoi punën dhe angazhimin e kryetarit të Bashkisë, Lulzim Basha, i cili po bën realitet iniciativën e shpallur prej vetë atij dhe Partisë Demokratike  – Tirana një qyteti shëndetshëm.

“Sot është kënaqësi e madhe për mua t’ju afirmoj se qeveria do të mbështesë vendosmërisht, si një interes kombëtar, çdo projekt të madh në këtë qytet”, tha Kryeministri Berisha. “Ne, – theksoi Kryeministri, – do të bëjmë gjithçka për të ngritur Tiranën në lartësinë e ëndrrës së qytetarëve të saj”/al.bl/

Numri dy i Aleancës Kuq e Zi, Myslym Pashaj ka dorëzuar sot në mesditë dorëheqjen e parevokueshme nga posti i Sekretarit të përgjithshëm të AK-së.

Koloneli, profesori i hartografisë, njeriu i cili mundi të ngrinte në këmbë Shqipërinë për të kuptuar se me paktin detar me Greqinë po i vidhej integriteti territorial, një prej themeluesve dhe një prej figurave më të shquara dhe më aktive të Aleancës Kuq e Zi konfirmoi për gazetaren e TV A1 REPORT dorëheqjen e parevokueshme.

Po ç’mund të jetë vallë ajo histeri !? “ për të ndjekur, me mallkim e kërcënim ata tradhëtorët, që mund të largohen…‘” “ T’i ndjekim hap pas hapi, në brimë të miut, t’i kapim, t’i pështyjmë…” duke keqpërdorur aq turpshëm vargun e himnit të flamurit: “ Nga Lufta veç ai largohet . Që është i lindur tradhëtor ! ” Nga cilat tribu vjen kjo histeri që nuk ka lidhje me dashurinë dhe mbrothësinë që dëshiron të sjellë Kombëtarizmi ynë ?
Kreshnik ! Ju flet Pashaj!”/ shqiptarja.com/