Berisha: Do të heqim vizat me SHBA-në

By

-

Nga Hani i Hotit, kryeministri Berisha premtoi se gjatë mandatit të ardhshëm do të merret statusi dhe do të hapen negociatat me BE-në.

“4 vitet e ardhshme qëllimi ynë më madhor është të marrim statusin dhe të hapin negociatat me BE-në, të liberalizojmë vizat me SHBA-në. Në 4 vitet që vijnë me heqjen e taksave për çdo makineri, material e çdo gjë tjEtër që bizneseve iu nevojiten për prodhim ne jemi të sigurtë që bizneset do të zgjerohen së bashku me 40 përqind” tha Berisha.

Kryeministri Berisha përmendi edhe një sërë arritjesh të Shqipërisë gjatë këtyre viteve të qeverisjes së djathtë.

“Unë kam nder që ndaj mej u sot gëzimin e inagurimit të kësaj rruge, rrugë e cila bën çdo udhëtar që kalon nëpër të, të mendoj se ecën në një vend të zhvilluar. Rruga ndërkombëtare që lidh Shqipërinë me Malin e Zi, Malësinë e Madhe me Shkodrën është e një rëndësie shumë të madhe për zhvillimin e gjithanshëm të qarkut të Shkodrës dhe mbarë Shqipërisë. Rruga është e parametrave më të shkëlqyera, e cilësisë më të madhe, një hyrje dinjitoze e Shkodrës mijëvjeçare. Me ndërtimin e kësaj rruge qytetari shqiptar dhe miqtë e Shqipërisë nga Hani i Hotit gjer në Gjirokastër udhëtojnë në rrugë të reja të ndërtuara nga viti 2006-2013. Cdo qytetar sot që hyn në Shqipëri nga territori i Kukësit, Qafë Morinë dhe Tropojë udhëtojnë gjer në Konispol me rrugë tërësisht të reja. Kjo është arritja jonë e madhe. Ne Ndërtuam mbi 10 mijë km rrugë, qindra e qindra në Shkodër, punësuan mbi 57 mijë qytetarë shqiptar. Në këto vite ne ndërtuam mbi 13000 shkolla në mbarë vendin, punësuam mijëra qytetarë dhe nxënësit tanë ulen si shkolla të standarteve europiane. Në këto vite ne dyfishuam pensionet në fshat, rritëm rrogat e mësuesve, infermierëve dhe mjekëve. Por në këto vite me uljen e taksave ne ia dolëm që bizneset e vogla në mbarë Shqipërinë të rriten me 80 përqind, 200-300 përqind të bizneseve të mëdha. Këto vite sëbashku ne ia dolëm të bëheni anëtar i NATO-s, ia dolëm të firmosim me BE-në marrëveshjen e MSA-së, ia dolëm së bashku të heqim vizat dhe të lëvizim pa viza në mbarë Europën, ia dolëm të meritojmë statusin e vendit kandidat. Ia dolëm të bëjmë reale ëndërrat shekullore të rilindasve tanë” tha Berisha.

Një manifestim kundër udhëheqësit turk

By

Albania Plus

-

Një manifestim kundër udhëheqësit turk në qytetin e Ankarasë. (Marco Longari, Afp)

PS denoncon në Prokurorinë e Përgjithshme, abuzimet penale të fushatës

By

Albania Plus

-

Partia Socialiste ka denoncuar në Prokurorinë e Përgjithshme veprat penale të konstatuara publikisht nga opinioni publik dhe të bëra publike vazhdimisht nga emisioni investigativ Fiks Fare. Megjithëse detyra ligjore e Prokurorisë së Përgjithshme, është të fillojë procedimet penale me të vërejtur abuzimet e bëra publike, pa qenë nevoja e ndonjë denoncimi në nivel politik, ajo nuk ka ndërmarrë ndonjë hap në këtë drejtim. Partia Socialiste, ka bërë denoncim mbi veprat penale, që lidhen me presionet individuale, presionet familjare për devijimin e votës, detyrimi për të marrë pjesë në mitingjet e partisë demokratike, të studentëve të sistemit parauniversitar, nëpunësve të administratës publike, si edhe dhënie dhe marrje premtimi, për blerjen e votës.

Edhe dje, emisioni Fiks Fare denoncoi sërish abuzimin me fëmijët e fillores, të cilët ishin të detyruar të linin mësimin për t’iu bashkëngjitur mitingut të Kryeministrit Berisha. Fëmijët e pyetur në kamera dukeshin qartë, se ishin të instruktuar nga mësuesit që të komunikonin në një goje fjalët ‘është pushim sot’ dhe ‘nuk po shkojmë te Saliut’ ndërkohë që fëmijët e tjerë, që kapeshin në befasi nga gazetarja e Fiks Fare, tregonin se mësuesja i kishte thënë se ‘do shkojmë në mitingun e Saliut’. Fiks Fare denoncoi me pamje filmike edhe se, si vota e maturantëve po blihej në shkëmbim të një note të mirë në provimet e fundvitit. Pritet reagimi i Prokurorisë së Përgjithshme e cila duket qartë, se ka munguar haptazi në kryerjen e funksioneve të saj përballjeve abuzimeve penale në këtë fushatë zgjedhore.

Më poshtë do të gjeni denoncimin e plotë të depozituar në Prokurorinë e Përgjithshme, nga Partia Socialiste:

Partia Socialiste e Shqipërisë

Tiranë qershor 2013

Lënda: Kërkohet krijimi i një Task Force pranë Prokurorisë së Përgjithshme me objekt të vetëm hetimin e veprave penale në fushën e zgjedhjeve.

Drejtuar: Z. Adriatik Llalla

Prokuror i Përgjithshëm i Republikës së Shqiperisë.

I Nderuar Z. Prokuror i Përgjithshëm,

Ka më shumë se një javë që ka filluar fushata zgjedhore dhe që në fillim të kësaj periudhe janë hasur problematika të karakterit penal, të parashikuara këto edhe në ndryshimet e fundit të bëra në Kodin Penal. Partia Socialiste e Shqipërise po konstaton gjithmonë e më shpesh problematika që po pengojnë ushtrimin lirisht të të drejtave kushtetuese të shtetasve dhe subjektet zgjedhore që garojnë në këtë proces zgjedhor dhe po përpiqet ti dokumentojë ato.

Gjithashtu, kjo gjëndje shqetësuese është pasqyruar dhe vijon te pasyrohet përditë në median e shkruar, elektronike dhe atë sociale, me fakte konkrete dhe emra konkret. Fakte të tilla si presion individual apo familjar për devijimin e votës, detyrim per të marrë pjesë në aktivitete politike, të studentëve të sistemit parauniversitar, nënpunësve të administratës publike apo dhënie e marrje premtimi për tregtimin e votes, përbejne jo vetëm një shqetësim serioz per cënimin e garimit të ndershëm, por përbëjnë vepra penale të cilat duhet të evidentohen dhe ndëshkohen nga ana Juaj.

Lidhur me sa me sipër, bazuar në kompetencat Tuaja kushtetuese dhe ligjore, Ju drejtohem me kërkesën për ndërmarrjen e masave organizative, për krijimin e një Task Force, që të ketë si objekt të sajin të vetëm hetimin e veprave penale në fushën e zgjedhjeve, të parashikuara nga Kodi Zgjedhor dhe Kodi Penal, duke patur në vëmendje situatën e ngarkuar, në çdo aspekt të sajin, që është krijuar tashmë dhe pritet të theksohet më tej gjatë ditëve në vijim, për periudhën e fushatës zgjedhore.

Shpreh besimin dhe bindjen time të plotë, se kërkesa që po ju paraqes do të vlerësohet prej Jush me rëndësinë dhe emergjencën, që ajo ka dhe do të ketë si përgjigje realizimin e një pune serioze, krejtësisht të pavarur nga aktoret dhe faktoret politike, sikurse jeni zotuar për të bërë dhe sikurse unë personalisht dhe të gjithë shqiptarët kemi shpresën, që do te arrini të përmbushni.

KRYETAR I PARTISË SOCIALISTE TË SHQIPËRISË

EDI RAMA

Keqtrajtohet nga edukatorja, dëshmon 4 vjeçari

By

Albania Plus

-

“Edukatorja më gërvishti me thonj në faqe…”. Vogëlushi 4-vjeçar D.L., i cili sipas prokurorisë është bërë viktimë e një keqtrajtimi në kopsht, është përballur në Gjykatën e Tiranës me edukatoren, e cila tashmë ndodhet nën akuzë. Ndodh rrallë që një fëmijë në moshë kaq të vogël të dëshmojë në gjykatë, por këtë herë, ishte tejet e domosdoshme pyetja e 4-vjeçarit, pasi është pikërisht ai viktima e keqtrajtimit fizik. Gjykatësi Arben Micko, që po shqyrton dosjen penale ndaj edukatores A.T., ka vendosur ta pyesë të miturin, në praninë e nënës së tij dhe psikologes. Ai ka rrëfyer për momentin kur edukatorja e ka kapur prej faqesh, me thonj, pasi nuk pranonte të flinte gjumë në kopsht. Pas dëshmisë së vogëlushit, pritej të rrëfehej e ëma e tij, e cila në fakt ka bërë dhe denoncimin për keqtrajtimin e të birit. Me shumë gjasë, nëna e vogëlushit nuk do të mund të rrëfehet si dëshmitare, edhe pse është personi kyç në tërë historinë, për shkak se ishte e pranishme gjatë marrjes në pyetje të të birit.

Ambasada Amerikane apel për pjesëmarrje në zgjedhje

By

Albania Plus

-

Ambasada Amerikane në Shqipëri u bën thirrje shqiptarëve t’i drejtohen në masë qendrave të votimit më 23 Qershor për të zgjedhur Parlamentin e ri.

“Nëse nuk votojmë, nuk flasim”, është apeli që Ambasada Amerikane në Shqipëri ka bërë sot nëpërmjet një fotografie të postuar në “Facebook”.

Ky është apeli i radhës që ambasada u drejton shqiptarëve për zgjedhjet.
Më 31 Maj ishte ambasadori që po në rrjetin social, “Facebook” bëri apelin për pjesëmarrje në votime.
“Këtu është periudha e zgjedhjeve. Moment emocionues për Shqipërinë. Pse duhet të votoni? Që të bëheni pjesë e demokracisë”, postoi Arvizu ditë më parë në “Facebook”.

Berisha takon ekipin kombëtar para ndeshjes me Norvegjinë

By

Albania Plus

-

Kryeministri Berisha zhvilloi sot një takim me ekipin Kombëtare të futbollit përpara ndeshjes që ata do të zhvillojnë ditën e premte me skuadrën e Norvegjisë. Në këta takim ishte i pranishëm edhe Kreu i Federatës së Futbollit Armando Duka dhe trajneri i kombëtares shqiptare italiane Gianni de Biasi, i cili ka falenderuar kryeministrin Berisha për vizitën dhe mbështetjen. Ai theksoi se futbolli nuk është një shkencë ekzakte dhe në futboll gjithçka ndodh përsa i përket rezultatit. “Jemi të bindur se është një ndeshje shumë e vështirë, madje më e vështirë se ajo që kemi luajtur në Norvegji, por po përgatitemi për të bërë diçka të mirë për ta çuar këtë ëndërr deri në fund”, u shpreh trajneri i kombëtares Gianni de Biasi.

Nga ana e tij Kryeministri Berisha përshëndeti trajnerin, për punën e bërë në udhëheqjen e ekipit drejt nivele dhe rezultateve me te larta; “Përshëndes trajnerin tuaj, i cili ka arritur që të udhëheqë ekipin drejt niveleve më të larta, drejt rezultateve më të larta dhe në këtë kampionat keni bërë ndër lojërat më të bukura, por jeni edhe afër një momenti shumë të rëndësishëm dhe ju falenderoj për të gjitha rezultate e arritur, edhe si ekip edhe individualisht, sepse në ekipe të tjera keni shkëlqyer. Kjo ka rëndësi, sepse kjo është një botë globale. Unë po shikoja në Afrikë të Jugut kur luante Zvicra, që kishte në skuadër 3-4 shqiptarë dhe u gëzova. Sigurisht do të gëzohem shumë më tepër kur të shkojmë ne në Brazil dhe e vërteta është se nuk jemi larg atij momenti. Unë ju uroj shumë përzemërsisht suksese. E falenderoj trajnerin për punën e mirë që ka bërë dhe nuk e ka shumë të lehtë, pasi e ka me përgjegjësi të madhe dhe ju garantoj se do të përpiqem që t’ju mbështesim edhe më shumë, sepse ju e meritoni plotësisht. Keni dëshmuar talentin, aftësinë, shkallë të madhe përgatitjeje. Futbolli është një sport me një dinamizëm të paimagjinueshëm. Kur pashë spanjollët thashë se këta paskan arritur qiellin dhe kur pashë gjermanët thashë këta qenkan pak më tutje se qielli, sepse për spanjollët mendova se kishin sintetizuar të gjitha anët më të spikatura të futbollit në 30 vite dhe mu duken të jashtëzakonshëm, por gjermanët mu dukën edhe më të jashtëzakonshëm. E thash këtë për të theksuar sesa e vështirë është ta ndjekësh garën e futbollit, por ju po e ndiqni dhe po e ndiqni shumë mirë.

Unë ju uroj suksese dhe ju siguroj se qeveria do të ketë një premio për fitoren, sepse e meritoni plotësisht. Shpresoj dhe uroj që të fitoni, por natyrisht loja është lojë dhe sytë e shqiptarëve kudo që janë, janë në stadium dhe presin fitoren. Natyrisht gjakftohtësia është miku juaj numër një më shumë sesa emocioni. Nuk duhet kurrë që emocioni të mbizotërojë gjakftohtësinë në fushë. Unë erdha t’ju mbështes për gjithë përfaqësimin që ju i bëni Shqipërisë, flamurit, vendit. Ne do të vazhdojmë përpjekjen tonë për Ligën Kombëtarë, pavarësisht se mund të mos na e pranojë federata, por ne do të përpiqemi. Futbolli është sporti më popullor dhe në këtë pikë sa më shumë aktivitete aq më mirë bëjmë.”

Patozi: Do bëjmë rrugën e lumit të Vlorës

By

Albania Plus

-

Kandidati per deputet i Partise Demokratike, Astrit Patozi, gjate nje takimi me banore te fshatit Drashovice ka folur me gjeresisht per projektin e rurges se lumit te Vlores.

Patozi ka theksuar se projekti eshte i standarteve, duke shpjeguar se ai eshte drejt perfudnimit, e do te shtrihet nga Babica deri ne kuc, duke ridimensionuar zhvillimin e gjithe kesaj zone, e duke lidhur ate me tej edhe me Bregun.

Në vijimesi te arritjeve te qeverise, ai ka kerkuar angazhim nga keta banore per te cuar perpara fiore e demokrateve ne 23 qershor.

Kandidati per deputet Leonard Sinani, tha se nderitmi i ketij aksi rrugor mjaft te rendesishem do te sjelle shume zhvillim ne kete zone, jo vetem per bujqesine e blegtorine dhe futjen me te shpejte te produkteve te kesaj zone ne treg, por edhe ne zhvillimin e turizmit, duke pasur parasysh resurset e medha te zones se Lumit te Vlores.

Rama në Pogradec: Mungesa e ujit, turp i qeverisë

By

Albania Plus

-

Ndërsa zhvilloi një takim me banorë të qarkut të Pogradecit, Rama tha se sistemimi me ujë të pijshëm I gjithë vendit është një histori turpi për këtë qeveri, ndërsa premtoi se uji nuk do i mungojë asnjë familje në mënyrë që të vendi të ndahet nga mesjeta.

“160 milionë dollarë vetëm për ujë në parcelë dhe kullim do i qepemi këmba këmbës gjithë vendit për të sistemuar ujin e pijshëm se u bë një legjende turpi, 20 vjet, mua më vjen zor ta them se në 4 vitet e ardhme do kemin ujë të pijshëm se kjo duhet te jete A. Ujin e pijshëm duhet të cojmë në cdo familje të të ndahemi nga mesjeta”, tha Rama.

Marrë shkas nga papunësia dhe varfëria e kësaj zone, ndonëse ndër më të bekuarat nga resurset natyrore, Kryesocialisti Rama e cilësoi votën e 23 qershorit si historike për të dhënë hov zhvillimit të vendit.

“Në këtë zonë jemi në një zonë që është thesar natyror dhe është e pakuptueshme që njerëzit të jetojnë në varfëri dhe papunësi, si në cdo zonë të vendit. Jashtë vendit ka shtet këtej nuk ka shtet. Në zgjedhjet e 23 qershorit duhet te mendojnë për familjet e tyre jo me ke janë. Berisha jep përgjgjigje jemi të dytët pas Gjermanisë, dhe Kina po shqetësohet se po na kap.23 qershori është për të ndarë se cfarë do ti në 4 vitet e ardhshme. Do të vijosh me përrallë, sa herë skam ujë, NATO të thonë. Nuk kam bukë të thonë, BE. Nuk kam punë, të thonë rrugë, rrugë, rrugë. Në anën tjetër do të hedhësh një hap për të përmirësuar jetën tënde sadopak. Ne e kemi programin dhe skuadrën vota e njerëzve e vendos këtë punë. Kjo votë është historike, cdo njeri duhet të niset nga vetja ”, u shpreh Rama.

Shefi i opozitës u njoh edhe me shqetësimin e banorëve të kësaj zone, për pyjet dhe pronat. Kryesocialisti tha se kalimi i pyjeve nen pushtetit vendor dhe pa kornizë të qartë ka sjellë abuzime pas abuzimesh. Duke u ndalur tek problemi me pronat, Rama theksoi se ajo është një cështje që na pengon të bëhemi pjesë e BE.

Rama nga Golemi: Monumenti me dy gishta i Saliut, si lapidar mediokër komunist

By

Albania Plus

-

Kryesocialisti Rama, ka qenë në Golem, në një takim elektoral me banorët e Golemit. Rama ndër të tjera u prononcua edhe mbi polemikat e statujës me dy gishta në Kavajë, duke deklaruar, se ai monument ngjan, si ato lapidarët mediokër të sistemit komunist.

Gjatë takimit elektoral në Golem Rama, foli mbi një sërë çështjesh, që lidhen me programin politik të Partisë Socialiste.

Në lidhje me një çështje të rëndësishme si bujqësinë, Rama deklaroi : « Unë vetë do sjell gjithë pasionin dhe vullnetin tim për transformimin e këtij vendi. Ndërkohë që, PS, ne të gjithë së bashku, me programin tonë do sjellim një transformim rrënjësor të fshatit, duke qenë të vetëdijshëm se pa rilindur fshatin nuk mund ta rilindim Shqipërinë. Ne do të investojmë 160 milionë dollarë për ujin në parcelë dhe për sistemin e kullimit, duke realizuar mbulimin me ujë të të gjithë tokës që ka nevojë për ujitje. Ne do të heqim akcizën e naftës dhe do të heqim taksën e qarkullimit të naftës, duke bërë që nafta për bujqësinë të jetë me një çmim më të arsyeshëm. Besojmë shumë që në 4 vite ne do të bëjmë një transformim shumë rrënjësor në fshat.Unë besoj shumë që ju e keni provën. Prova është që me votën në 8 maj 2011 ju i dhatë Kavajës atë frymëmarrje që i kishte munguar për 20 vite rresht, e çliruat nga një çetë e vogël derdimenësh, dallkaukësh edhe injorantësh”,- deklaroi Rama.

Rama nuk la pa përmendur edhe monumentin prej dy gishtash të vendosur në Kavajë, ku vetëm disa ditë më parë kishte deklaruar se do i’a çonin Berishës në Tiranë, afër zyrave të tij. Berisha replikoi duke i thënë, se s’do guxosh t’a prekësh monumentin. Rama replikon sërish, duke i’u përgjigjur, se monumenti ngjan si lapidar mediokër i sistemit komunist.

« E provoi Kavaja vetë, dhe s’ka nevojë për shumë shembuj këtu 20 vjet deputet dhe shikoni vetë ndryshimin. Ndryshimin shoqëror, është çliruar Kavaja shpirtërisht dhe merret me atë palo monumentin atje. Lëvizjen demokratike nuk i solli ky. Sheshi “Demokracia” do të mbetet sheshi “Demokracia”, po do jetë një shesh i denjë për atë emër, nga më të bukurit e Shqipërisë i denjë për një qytet mesdhetar dhe do të nderojë Kavajën e demokracisë ashtu siç e meriton. As dy gishta nuk është ajo, as monument, është si ata lapidarët mediokër të sistemit komunist”,- deklaroi Rama.

Berisha: Unë nuk merrem me gjëra intime, por Rama e ka urryer babain e tij

By

Albania Plus

-

Kryeministri Berisha ka prezantuar në Paskuqan, kandidatët për deputetë të qarkut të Tiranës. Gjatë fjalës së tij, ai përmendi arritjet e qeverisë së tij dhe sulmoi sërish liderin opozitar Rama, duke e akuzuar për mashtrim, trillim, mallkim dhe përçmim. Berisha e ka sulmuar Ramën, duke i thënë se vuan nga Kompleksi i Edipit.

“Alternativa tjetër është alternativë mashtrimi. Në qoftë se e jona bazohet në besimin tek Zoti, besimin tek liria e individit, tek vlerat e solidariteti i familjes, tek puna e dashuria për Shqipërinë, alternativa e shokut të autobusit mavi bazohet tek shpifja, trillimi, sharja, mallkimi, përçmimi. Më lejoni që para jush t’i them dy fjalë. Zoti Rama, jeta jote personale nuk do të jetë ndonjëherë axhendë e imja”,- tha Berisha.

“Së dyti, por këtu do t’i bie shkurt, mos harro se unë jam mjek. Nuk kam dashur kurrë dhe nuk dua të merrem me probleme, por një gjë do të ta them. Në fëmijëri ke vuajtur nga kompleksi i Edipit dhe këtë e di gjithë Shqipëria. Ky kompleks është kompleks i rrallë, kompleksi i urrejtjes ndaj babait. Për këtë nuk je përgjegjës ti. Por tani që je baba vetë, ti duhet të frenosh, të bësh çdo gjë të mos shpallësh shprehjet e këtij kompleksi, sepse siç më thanë mediat, edhe në dokumentarin e vegjëlisë, pa kujtimet e bashkisë, babai mungonte, nuk ekzistonte. Zotëri, për këto gjëra intime të jetës tënde nuk mund të shprehësh ti urrejtje për baballarët dhe gjyshërit e tjerë, se ata kanë lumturinë e tyre, familjet e tyre. Unë nuk do të merrem më me ty, por me qytetarët, me hallet e dertet e tyre, me Shqipërinë dixhitale, Shqipërinë mobile, do merrem me integrimin e Shqipërisë në Bashkimin Europian”, ka deklaruar Kryeministri Berisha nga Paskuqani.