Ndërsa ka folur në një townhall në Pogradec, kryeministri Berisha përmendi disa nga reformat e ndërmarra nga qeveria në ndihmë të sipërmarrësve.

“Në thelbin e filozofisë sonë mbetet iniciativa juaj e lirë, forca sipërmarrëse e njeriut dhe ne besojmë që kjo është rruga e zhillimit. Do të bëjmë gjithçka për ta lehtësuar këtë iniciativë. Ne ndërtojmë rrugë, shkolla ujësjellës, spitale në fuksion të qytetarit. Ne jemi përcaktuar dhe mbetetemi forca politike e taksave të ulta për faktin e thjeshtë pasi ne besojmë se paratë në kontot tuaja janë shumë të rëndësishme pasi ju krijon vende pune.  Dhe kjo praktikë ka funksionuar në mënyërë të fuqishme dhe me këtë politikë nga vitit 2006-2012 kemi mbledhur në arkën e shtetit 9.2 miliard dollarë më shumë se qeveria e ardhshme” tha Berisha.

Ndërsa iu përgjigj një qytetari i cili e komplimentonte se ishte gjithnjë e më i ri, kreu i qeverisë nuk la pa sulmuar edhe kreun e PS-së Edi Rama për të cilin ka theksuar se ai vuan nga fiksimet.

“Shoku Rama është shumë obsesiv dhe vuan nga fiksimet. Unë jam mjek, e mirëkuptoj atë. Së dyti, dikur më thoshte se unë fluturoj me helikopter, kur unë udhëtoja me një makinë të marrë me qera nga PD-ja, sepse kisha nxjerrë urdhër që asnjë mjet i shtetit nuk do të përdoret në fushatë. Kishte njëhërë ditëlindjen dhe i çova edhe një urim, që ia bëra me dashamirësi, por edhe i duhej ajo që i thashë: Zoti i shtoftë rini, viteve tuaja” tha kryeministri.

Gjithashtu kryeministri ka mbrojtur taksën e sheshtë të aplikuar nga qeveria ndërsa ka sulmuar taksën progresive të Partisë Socialiste.

“Pala tjetër deklaroi se “të pasurve do t’ua tregoj unë me taksat”, mirëpo kur pa se gaboi, u tha do t’i deklaroj tatim-fitimin. Ndërsa tani u thotë shqiptarëve “do t’u ul taksat 95% të shqiptarëve! Po kush e ka bërë kapitalizmin, popullor? Taksat, se të gjithë janë aksionerë në shtetin e tyre, paguajnë për rrugët, shkollat etj. po pyeteni pak: ku do t’i marrë këto para? Ai thotë do t’ua marr atij 5%-it. Por ti kështu shkakton rrënimin e tyre. Në vitin 2005 kur morëm pushtetin, me dhjetra biznesmenë unë I kam gjetur në Bullgari, kishin ikur se nuk punohej këtu. Sot shqiptarët kanë taksat më të ulta në Evropë. Është e vërtetë se një infermiere paguan 10% taksë, por para vendosjes së saj, sa e kishte pagën? Sepse sot merr 14 rroga më shumë, sepse taksa e sheshtë lehtësoi biznesin. Shumë e thjeshtë, pra, kemi të bëjmë me një qëndrim kryekëput kaotik” tha Berisha.

Shefi i mazhorancës në fjalën e tij përpara qytetarëve të Kavajës është shprehur:

Vitet e fundit ju keni ndjerë se idealet për të cilat ju luftuat dhe sakrifikuat, janë bërë realitet. Kavaja dhe shqiptarët sëbashku e bën Shqipërinë vend anëtar të NATO-s, së bashku ne ia dolëm që të firmosim marrëveshjen e MSA-së, së bashku ne ia dolëm të ecim vizat dhe të lëvizim të lirë në mbarë Europën, sëbashku ne merituam statusin e vendit kandidat. Këto vite u rritën rrogat më shumë se kurrë. Ju sot e ndjeni dhe e prekni që Kavaja sot prodhon sa kurrë në historinë e saj. Ju e dini se në vitet e krizës ekonomike, mundi dhe djersa juaj bëri të mundur që ky vend dhe kjo ekonomi të eci përpara. Ju tani udhëtoni në rrugë që nuk i kishit më parë. Pra mundi dhe djersa juaj i shndërruan këto vite në integrim të Shqipërisë” tha Berisha.

Në fjalën e tij, kryeministri Berisha premtoi se gjatë 4 viteve të ardhshme do të bëhet gjithçka për të zhvilluar jo vetëm Kavajën por edhe të gjithë Shqipërinë. Kryeministri i ftoi qytetarët e Kavajës që t’i besojnë kësaj mazhorance një tjetër mandat, për të vijuar me reformat e investimet. Kryeministri premtoi në Kavajë ndërtimin e të gjitha rrugëve, në të gjitha fshatrat e rrethit, duke i siguruar banorët se brenda katër viteve që vijnë do të përfundojë edhe rruga direkte që lidh Kavajën me Tiranën.

Shefi i qeverisë mbrëmjen e sotme nuk u ka kërkuar votat kavajasve për ato që janë bërë deri tani por për ato që do të bëhen në të ardhmen

“Vi këtu për të shpalosur para jush projektin tonë për katër vitet që vijnë, projekt që bazohet në liritë tuaja, energjitë tuaja. Për krijimin e 250 mijë vendeve pune, vendosëm të heqim çdo taksë, çdo tarifë doganore mbi çdo makineri, mbi çdo mjet që bizneseve shqiptarë do tu lypset për prodhim në Shqipëri. Votoni për Shqipërinë e zhvilluar, Shqipërinë europiane, votoni 44 . Votoni PD, përpara drejt zhvillimit, punësimit, drejt Europës”- deklaroi kryeministri Berisha.

Berisha në fjalën e tij nuk ka lënë pa përmendur dhe të gjitha pengesat që kryesocialisti Rama u ka bërë të gjitha këtyre proçeseve.

“Nuk do të doja të shprehesha se forca tjetër politike bëri gjithëçka për ti penguar këto proçese, por kjo është e vërteta. Kur Shqipëria u antarësua në Nato, shoku i autobuzit mavi organizoi protestë të nesërmen. Prandaj unë ju ftoj që në 23Qershor të votojmë integrimin dhe marrjen e statusit. Me taksat dhe mundin tuaj ne kemi ndërtuar 11 mijë km rrugë. Ne kemi projektet dhe vullnetin për të asfaltuar çdo km rrugë të Shqipërisë. Kjo është Shqipëria jonë reale, Shqipëria që po ndërton një infrastrukturë nga më modernet. Partia Demokratike është e frymëzuar nga ju, vizioni dhe energjia juaj. Fitoret janë rezultat i punës, mundit dhe djersës tuaj”, ka shtuar Berisha.

Kryeministri Berisha ka reaguar ashpër në lidhje me deklaratat e kryetarit të PS-së për heqjen nga Kavaja të monumentit simbol të “dy gishtave” kushtuar lëvizjes së parë demokratike në Shqipëri, që u zhvillua më 25 Mars 1990.

“Ky është sheshi i historisë, monumenti është historik, dhe po ta deklaroj mjerë ai që do të guxojë ta prekë. Ai do tu kalojë brezave si dëshmi e burrave dhe grave që bënë historinë e lirisë”- deklaroi kryeministri.

Berisha në fund të fjalës së tij i është drejtuar kryesocialistit Rama se me deklaratat e tij në Kavajë kundër simboleve të lirisë, ka shpallur platformën e urrejtjes ndaj demokracisë.

“Kavaja është gracka ku hoqe çdo maskë shpalle platformën e urrejtjes ndaj lirive, demokracisë, përmendores së lirisë dhe kombit shqiptar. Erdhe në Kavajë, hoqe maskën, tregove veten i biri i të atit, por Kavaja të njeh mirë. Ty që të tmerron përmendorja e heroizmit të Kavajës dhe shqiptarëve, sikur të imagjinosh një monument të bërë copa, do imagjinosh veten tënde pa këpucë i zbathur duke ecur mbi ato copa.”- deklaroi Berisha.

Vazhdon debati virtual midis dy liderve të kampeve opozitare, në rrjetet sociale përkatëse.

Menjëherë pas publikimit që kryeministri Sali berisha ka bërë në faqen e tij në “Facebook”, në lidhje me firmosjen e Kushtetutës së rregullimit të territorit të kryeqytetit, kreu i opozitës, Edi Rama ka reaguar në faqen e tij në “Twitter”:

“Kryeministri lajmëron me tam-tame firmosjen e planit më dritëshkurtër e korruptiv urbanistik që ai e quan Kushtetuta e Tiranës!

Anullohet në 23 qershor”, shkruan Rama në “Twitter”.