Padia e opozitës ndaj kryeministrit Edi Rama për kërcënim të ish-oficerit të policisë, Emiljano Nuhu mban datën 3 tetor 2018 dhe grupet parlamentare të PD dhe LSI përfaqësohen nga kryetarët respektivë Edmond Spaho dhe Petrit Vasili.

Opozita e akuzon kryeministrin Edi Rama për 3 vepra penale: “Kanosje për shkak të detyrës”, “veprime që pengojnë zbulimin e të vërtetës” dhe “kanosje për të mos kallëzuar”.

Pasi depozituan kallzimin në prokurorinë e Tiranës, Spaho dhe Vasili thanë se kjo është dhe një provë morali dhe e zbatimit të detyrës shtetërore për prokurorinë.

Spaho: Shpresojmë dhe insistojmë që prokuroria të hetojë seriozisht dhe të vërë kryeministrin Rama përpara përgjegjësisë penale.

Vasili: Kryeministri nuk i është kanosur dhunuesit por denoncuesit. Pas këtyre deklarimeve djali i deputetit ndodhet në burg. Jemi për të vënë në provën e moralit dhe zbatimit të detyrës shtetërore prokurorinë. Kjo është provë e madhe për zbulimin e të vërtetave dhe një provë e madhe që nuk ka dy të vërteta.

Kryeministri Rama ka bërë ironi me opozitën e cila sot dorëzoi një padi në prokurorinë e Tiranë. Padia që ka kallzues grupin parlamentar të PD-së të përfaqësuar nga Edmond Spaho dhe grupin parlamentar të LSI-së të përfaqësuar nga Petrit Vasili ka për objekt kallëzimin e veprës penale “Kanosje për shkak të detyrës”, “veprime që pengojnë zbulimin e të vërtetës” dhe “kanosje për të mos kallëzuar”.

Menjëherë sapo Spaho dhe Vasili u panë të dalin nga ambientet e prokurorisë, Rama cicëroi në twitter: Dy gjysmagjela të opozitës së shpërndarë më paskan kallëzuar në Prokurori në emër të heroit të filmit Babale 2. I falenderoj dhe plotësisht gati të hetohem, duke pritur me durim që Prokuroria t’i nxjerrë fundin të dy Babaleve, ndërkohë që puna për Paketën Antishpifje vazhdon”

Zyrtarë të lartë të qeverisë shqiptare nuk kanë mirëpritur ofertën e kompanisë serbe të telefonisë Telekom Serbia për të qenë pjesë e tregut shqiptar të telefonisë. Burime bëjnë me dije se drejtues të kësaj kompanie janë takuar me përfaqësues të ministrisë së Transporteve, të cilët i kanë sqaruar se futja e tyre në tregun shqiptar mund të sjellë probleme edhe për vetë kompaninë si pasojë e reagimeve me natyrë politike. Ndërkohë që në një deklaratë për mediat vetë ministri serb e ka përshëndetur një nismë të tillë.

Qeveria shqiptare nuk e ka mirëpitur ofertën e kompanisë serbe “Telekom Serbia” për të blerë kompaninë shqiptare “Telekom Albania”.

Burime zyrtare bëjnë me dije se drejtues të lartë të kompanisë serbe janë takuar me përfaqësues të ministrisë së Transporteve.

Gjatë këtij takimi drejtuesve të “Telekom Serbia” i është bërë i ditur edhe qëndrimi i palës shqiptare se nuk janë të mirëpritur për tu bërë pjesë e tregut të telefonisë mobile edhe pse investimet serbe janë të rëndësishme për Shqipërinë.

“Ardhja e kompanisë Telekom Serbia në Shqipëri nuk është e mirëpritur. Edhe pse vendimi është midis kompanive, përfshirja e Telekom Serbia në tregun e telefonisë celulare mund të sjellë reagime që mund të ndikojnë negativisht edhe për vetë kompaninë. Ne jemi të gatshëm të presim investimet serbe në vend, por për këtë sektor preferojmë një investitor me një tjetër profil.”

Mësohet se Telekom Serbia ka bërë ofertën më të favorshme për blerjen e Telekom Albania duke ofruar 60 mln euro.

Mundësinë e hyrjes në tregun shqiptar të kompanisë serbe të telefonisë mobile, e ka përshëndetur edhe ministri serb për Tregtinë dhe Telekomunikacionin Rasim Lajiq, i cili e konsideron një lëvizje të mirë, por edhe mjaft të logjikshme që flet vetë për fuqinë dhe potencialin e kësaj kompanie. Në një deklaratë për mediat serbe, Lajiq deklaron se po arriti të blejë “Telekom Albanian”, kompania serbe mund të kthehet në një lider të telekomunikacionit në Ballkan, ndonëse e pranon se është ende herët të flitet për rezultatin.

Partia Demokratike akuzon ministrinë e Brendshme dhe policinë e shtetit se kanë urdhëruar fshirjen e kamerave të komisariatit të Fushë Krujës të cilat kishin filmuar praninë e Rrahman Rraja, Artur Bushi në ambientet e komisiariat të Fushë Krujës.

Deputeti demokrat Enkelejd Alibeaj doli sot në një prononcim nga selia e PD-së ku akuzoi vetë drejtorin e policisë së qarkut të Durrësit, Alfred Çepe si i përfshirë personalisht në zhdukjen e provave.

Enkelejd Alibeaj: “Me urdhër të Ardi Veliut, Drejtori i Policisë së Qarkut të Durrësit, Alfred Çepe, ka ngritur një grup pune për të gjetur dhe fshirë çdo kamera që mund të provojnë praninë e Taulant Ballës, Rrahman Rrajës dhe Artur Bushit në Policinë e Fushë Krujës në 21 Korrik. Policët e zonës e dinë se ky grup pune me detyrë specifike fshirjen e kamerave dhe serverave të bizneseve pranë Policisë kanë kërcënuar me tatimorë, banditë dhe armë këdo që ka refuzuar të bashkëpunojë për shkatërrimin e provave.

Punonjësit e policisë dhe punonjësit e SHKB-së tregojnë se vetë Drejtori i Policisë se Qarkut Durrës, Alfred Çepe është përfshirë personalisht në operacionin për zhdukjen e provave që implikojnë Taualant Ballën, Artri Bushin dhe Rrahman Rrajën në kërcënimin me armë të nënkomisar Emiljano Nuhut.

Ministri i Brendshëm është në dijeni të plotë të këtij operacioni, por nuk ka ndërhyrë për ta ndaluar atë. SHKB-ja që varet direkt nga Fatmir Xhafaj, duhet t’i kishte sekuestruar dhe administruar kamerat që provojnë praninë e Taulant Ballës në Fushë Krujë, por nuk e ka bërë këtë për t’i dhënë kohë shkatërrimit të provave. ”

Alibeaj akuzon Ramen se po perdor propagandën me qëllim që të mos zbulohet e vërteta.

“Edi Rama po përdor të gjithë makinerinë e tij të propagandës që askush të mos flasë për denoncimin e oficerit të policisë, Emiljano Nuhu, i cili përmend me emra mbrojtësit politikë të bandës famëkeqe të Fushë Krujës Taulant Balla, Artur Bushi dhe Rrahman Rraja. Ata janë të përfshirë në kërcënimin me pistoletë në kokë të nënkomisar Emiljano Nuhut natën e 21 Korrikut, por Policia ka bërë gjithçka për ta fshehur ngjarjen dhe për të zhdukur çdo gjurmë që mund ta vërtetojë atë.

Nënkomisari Emiljano Nuhu dëshmoi se Taulant Balla, Rrahman Rraja dhe Artur Bushi kanë qenë në komisariatin e Fushë Krujës për ta kërcënuar pasi kishte marrë kallëzimin e shtetases Xhisiela Maloku ndaj djalit të deputetit të PS, Rrahman Rrahja, Rexhep Rraja.

Aktualisht Rexhep Rraja ndodhet ne masen e arrestit burg per akuzen e perndjekjes.

Kryetarja e LSI-së, Monika Kryemadhi, e ka cilësuar qesharak propozimin e kryeministrit Rama për një paketë antishpifje.
Duke folur në mbledhjen e Kryesisë së LSI-së, Kryemadhi tha se nëse ajo paketë miratohet i pari që dënohet është vetë Rama.
Kryemadhi: U them të gjithë shqiptarëve që të mos e besojnë kurrë atë. Jo vetëm që është një hipokrit dhe gënjeshtar, jo vetëm është një grabitës por ai është një njeri i cili është e keqja më e madhe e këtij vendi. Edi Rama është njeriu që ka grabitur dhe rrëmbyer shtetin dhe veç kësaj ndihet aq i rrezikuar sa dëgjojmë edhe propozime qesharake që kanë të bëjnë me paketën antishpifje.
Është një paketë që duhet dënuar për shpifje është Edi Rama. Mjafton të mbledhim gjithë historikun e tij dhe do të shikojmë shpifje nga më mostruozet dhe më të poshtrat. Ashtu siç quajti dhe Xhisielën përdhunuese me telenovelën e famshme që na paraqiti, ashtu do të quajë të gjithë shqiptarët trafikantë droge, kriminelë, ndërsa ai është njeriu më i ndershëm dhe më i pastër i shoqërisë shqiptare.
Rama, tha Kryemadhi, është i sinqertë vetëm kur gënjen
Kryemadhi: Të shkosh në zyrën e shtetit sot është njësoj si të dorëzohesh në gojën e ujkut: Shteti të rreh, të vret dhe varros për së gjalli. Nëse informon shtetin për një kriminel dhunohesh ti, dënohesh ti dhe nuk dënohet krimineli. Edi Rama është i sinqertë vetëm kur gënjen. Standardi i vetëm i Edi Ramës është alibia për çdo lloj krimi dhe llumi, qoftë përdhumi, krim, trafik droge dhe çdo gjë tjetër.