Rama dhe Tahiri te RENEA

Kryeministri i vendit, Edi Rama, ka marrë pjesë sot në një ceremoni të zhvilluar tek Komanda e Forcave RENEA. I shoqëruar nga Ministri i Brendshëm, Saimir Tahiri si dhe nga Drejtori i Policisë së Shtetit, Artan Didi, kreu i qeverisë Rama ka falënderuar forcat RENEA dhe Policinë e Shtetit për punën e shkëlqyer që kanë bërë përgjatë gjithë këtyre ditëve, që prej ardhjes në pushtet të qeverisë së re, por veçanërisht për punën e bërë ditët e fundit, për kapjen e shtatë të arratisurve nga burgu i Drenovës.

“Jam sot këtu në një ditë të veçantë, ditë e cila përkon edhe me festën e çlirimit të vendit. Jam këto pikërisht në këtë ditë, sepse e ndjeva për detyrë që në emër të gjithë qytetarëve t’ju përulem të gjithëve, jo vetëm me fjalë por edhe me përkushtimin tonë më të madh.

Jemi shumë të vetëdijshëm për vështirësitë që ju përballeni çdo ditë. Por pavarësisht vështirësive, pasioni juaj për t’i shërbyer detyrës që keni marrë përsipër, dhe saj ëndrre që ju ka sjellë në radhët e policisë së shtetit, është më i madh se çdo vështirësi.

Pathyeshmëria juaj dhe ajo e shtetit është përballë kujtdo që cënon shtetin dhe rendin”, -u shpreh Rama.

Duke theksuar vështirësinë e punës që kanë forcat e rendit dhe të Policisë së Shtetit, kryeministri Rama tha se ata e kanë bërë shumë mirë detyrën e tyre, edhe pse në kushte të vështira.

“Ju keni një detyrë të vështirë, e cila vë në rrezik vetë jetën tuaj. Por ju e bëni këtë detyrë shumë mirë, ashtu siç treguat ato ditë. Ju ndodheni në kushte të vështira, ekonomike, financiare edhe morale, por ne kemi detyrën që t’ju bëjmë ju të ndjeheni përditë e më mirë, jo vetëm moralisht por edhe ekonomikisht. Kushtet që ne kemi aktualisht janë shumë të vështira, por kjo nuk është e pamundur”, -tha Rama.

Duke vënë theksin tek ndihma ekonomike e financiare që duhet t’u jepet forcave blu, Rama kërkoi mirëkuptimin e gjithë shoqërisë, që ta kuptojnë se Policia e Shtetit duhet të jetë e para që do të përfitojë nga rritja financiare.

“Jam i bindur se ajo që ju bëni do të krijojë mirëkuptimin e nevojshëm brenda gjithë shoqërisë, që përmirësimi i kushteve tuaja financiare të bëhet i pari, qysh vitin e ardhshëm, dhe të tjerët duhet ta kuptojnë këtë, që policia e shtetit duhet të jetë e para, e cila duhet të përfitojë nga një rritje financiare”, -deklaroi kreu i qeverisë.

Më tej Rama shtoi: “Sot unë ju përulem me mirënjohje, në emër të të gjithë atyre që u tronditën nga largimi nga burgu të shtatë kriminelëve, por edhe të atyre që çdo ditë përballen me lloj-lloj situatash.

Ditët, javët dhe muajt në vijim, falë jush ne do t’i kthejmë në ditët e çlirimit kombëtar nga ankthet që krijojnë vrasjet, përdhunimet, dhunimet dhe grabitjet.

Edhe një herë e përsëris, ne do të bëjmë gjithçka për të përmirësuar kushtet tuaja dhe të familjeve tuaja, kushtet brenda kësaj ndërmarrjeje dhe kushtet tuaja të stërvitjes. Ne nuk do t’ju tradhtojmë kurrë, ne nuk do t’jua lëmë shpinën e pambrojtur, ne nuk do të lejojmë që të përsëritet kurrë tradhtia e së kaluarës, që e ka bërë Policinë e Shtetit humbëse, pasi ata kanë pasur avantazhin e të qenit të mbuluar politikisht karshi jush. Kjo është vetëm një kujtesë e hidhur e një të shkuare, që për sa kohë ne do të jemi në krye të detyrës sonë, nuk do të përsëritet kurrë.

Ju duke qenë në vijën e parë të frontit të krimit, dhe ne duke qenë në mbështetjen tuaj më të plotë dhe të pa lëkundur, do t’ia dalim mbanë”, -tha kryeministri Rama.

Më tej Rama uroi 29 nëntorin, ditën më të bekuar, siç e quajti ai, ditën kur ne nderojmë të rënët në këtë vend.

“Qofshin gjithnjë mirë, paçi gjithnjë shëndet në familjet tuaja dhe qofshin gjithnjë krenarë prindërit dhe fëmijët tuaj”, -ka përfunduar Rama.

“Fiks Fare”: Pazaret në Gjykatën e Lartë

Albania Plus

“Fiks Fare” zbardh strukturën e funksionimit të korrupsionit në Gjyqësorin shqiptar. Me zë dhe figurë u treguan të gjithë personat, që merrnin parà dhe premtonin lirimin e të pandehurit. Një strukturë kjo, që funksionon më së miri dhe që finalizohet me lirimin e të arrestuarit të pestë, për ngjarjen e 19 prillit në Fushë Arrëz.

Pas daljes nga burgu të një prej 6 të arrestuarve, të cilin e keni ndjekur këto ditë me figurë e audio në “Fiks Fare”, mbrëmë u transmetuan të tjera detaje dhe pazare për një tjetër të arrestuar.

Risi, e kalvarit të gjatë dyerve të drejtësisë për drejtësi, ishte dalja në skenë e pagesës prej 6 mijë eurosh, apo 840 mijë lekëve (të reja), e kërkuar nga sekseri Dëfrim Premçi dhe avokati Fran Dashi, në emër të gjyqtarëve të Gjykatës së Lartë.

Këta dy persona premtojnë lirimin e të pandehurit A. Ndoka, i cili kishte bërë rekurs për ndryshimin e masës së sigurisë në Gjykatën e Lartë. Shuma prej 6 mijë eurosh kërkohet nga këta dy persona, për pesë anëtarët e trupit gjykues të Gjykatës së Lartë.

Gjatë kësaj bisede, babai i të pandehurit këmbëngul të dijë emrin e gjyqtarit, që do t’i garantojë lirinë për djalin e tij.

Dëfrim Prençi dhe avokati Fran Dashi i garantojnë daljen e djalit nga burgu, duke folur ne emër të kryetarit të Gjykatës së Lartë, z. Xhezair Zaganjorit. Për të justifikuar shumën e madhe të parave që marrin, ata tregojnë edhe skemën se si do të shpërndahen këto parà tek anëtarët e trupit gjykues të Gjykatës së Lartë. Sipas sekserit Prençi, 2 mijë euro do t’i marrë kryesuesi i trupit gjykues, pra z. Zaganjori, dhe nga 1 mijë euro, katër anëtarët e tjerë të trupit gjykues.

Më pas, Dëfrim Prençi e lidh babain e të pandehurit me një tjetër avokat, Fariz Xhuxhin. Edhe prej këtij avokati, ai merr premtimin e lirimit të djalit nga burgu, por më parë – sipas Xhuxhit – gjyqtarët kërkojnë garancinë, që nuk do të ndodhë më asnjë konflikt mes të pandehurit dhe përfaqësuesve të kompanisë “Beralb”.

Pas sorollatjes nëpër sekserë, babai i të pandehurit drejtohet për në Sekretarinë e Gjykatës së Lartë, ku mëson se rekursi për ndryshimin e masës së sigurisë nuk ishte pranuar nga Gjykata e Lartë dhe se në Pukë filloi procesi gjyqësor për djalin e tij.

Ndërkohë, gjatë kësaj periudhe, në Gjykatën e Shkallës së Parë të Pukës, nga po i njëjti gjyqtar, Shtjefën Lleshi, është zhvilluar seancë gjyqësore për lirimin e të arrestuarit të pestë të ngjarjes së 19 prillit në Fushë Arrëz.

Pas pagesës së 500 000 lekëve, më në fund, edhe i arrestuari i pestë sheh dritën e diellit. Shuma e kërkuar nga gjykatësi dhe nga prokurori, tashmë kalojnë nëpër të tjera hallka, deri në dorëzimin e fundit. Nuk dalin nga skena sekretarja dhe kancelarja, të cilat kanë kërkuar në emër të shefit të tyre 250 000 dhe 50 000 për veten e tyre. Por, paratë për gjyqtarin, kësaj radhe në euro, 1800 euro, janë dorëzuar nga bashkëshortja dhe djali i të pandehurit.

Kurse për prokurorin Pëllumb Prençi është futur në lojë miku i tij nga Lezha, Nard Mardoda, jurist në burgun e Shën Kollit. Në bisedën me familjarët e të arrestuarit të pestë, juristi Mardoda garanton ata, se pas pagesës që ata duhet të bënin, së shpejti do ta kishin në shtëpi të afërmin e tyre. Vetë djali i të arrestuarit ka bërë pagesën, ku ka dhënë 250 000 lekë të tjera te juristi i burgut të Shën Kollit, kjo pjesa e prokurorit. Pas marrjes së lekëve është caktuar dita e gjyqit. Më 1 tetor 2013 është gjyqtari Shtjefën Lleshi, ai që ka ndryshuar masën e sigurisë për të pandehurin D. Ndoka, nga arrest në burg pa afat, në detyrim për paraqitje.

Investigimi i “Fiks Fare” ka vazhduar me dëshminë e dy të arrestuarëve të tjerë, në protestën kundër veprimeve të kompanisë “Beralb”, në Fushë Arrëz. Ata kanë pohuar me gojën e tyre, se kanë paguar njëri 600 mijë lek dhe tjetri 500 mijë lek, për të rifituar lirinë. Gjyqtari dhe prokurori, ku ata kanë dorëzuar paratë për të fituar lirinë, ishin të njëjtët, kryetari i Gjykatës së Shkallës së Parë të Pukës, Shtjefën Lleshi, dhe prokurori Pëllumb Prençi.

“Nuk do të më korruptojnë asnjëherë”
Zaganjori: Nuk i njoh personat, s’ndikohem nga mashtrues, krimba apo sekserë

Pas transmetimit të pamjeve dhe bisedave të regjistruara në “Fiks Fare”, reagoi kryetari i Gjykatës së Lartë, Xhezair Zaganjori.

Ai thotë se vlerëson shumë përpjekjet e emisionit “Fiks Fare” për të luftuar korrupsionin në drejtësi, por shpreh indinjatën e thellë për përmendjen e emrit të tij nga dy persona, që jo vetëm nuk i ka takuar kurrë ndonjëherë, por që për herë të parë ua dëgjoi edhe emrin.

Zoti Zaganjori thekson se, siguron çdo qytetar, se në të gjithë punën dhe veprimtarinë e tij si Kryetar i Gjykatës së Lartë nuk do të mund të ndikohet asnjëherë nga mashtrues, krimba apo sekserë, të cilët nuk do të kenë rastin kurrë ta korruptojnë, edhe për problemin më të vogël, në ushtrimin e funksioneve të tij kushtetuese dhe ligjore.

Kryetari i Gjykatës së Lartë i kërkon Prokurorisë të nisë menjëherë hetimet për zbulimin dhe dënimin e të gjithë personave të përfshirë në aktet korruptive të përmendura në programet në fjalë. Ai fton median dhe çdo qytetar, që të denoncojnë me forcë çdo akt korruptiv në fushën e drejtësisë.

Kryetari i Gjykatës së Lartë shpreh angazhimin e tij maksimal për të luftuar me forcë këtë fenomen të shëmtuar dhe shumë të dëmshëm për shtetin dhe shoqërinë shqiptare.

Biseda me Dëfrim Prençin dhe avokatin Fran Dashi

Sekseri – Më tha mua, unë dua kaq lek për ta mbyllur punën. Më caktoi afat. Më tha janë pesë gjyqtarë. Kryetari i seancës don 2 mijë euro, katër të tjerët duan nga 1000 euro, ose unë nuk merrem me këtë punë. Ose unë më tha ta mbaroj punën brenda javës, ta nxjerr djalin jashtë. Duan kaq lekë. I thashë unë do bëj llafe menjëherë me të në darkë, të sjell përgjigjen në mëngjes.
Qytetari – Për sot, për sonte?
Sekseri – I thashë ta sjell llafin me të sonte, nesër në mëngjes vij e të them, po ose jo. Si t’i thosha?
Qytetari – Fiks të kërkuan?
Sekseri – 6000 euro. Kryetari i seancës donte 2000 euro, katër të tjerët nga 1000 euro, për zotin. Ta mbaroi, prandaj të thashë ty se…
Qytetari – E bisedove ti sot këtë punë, mirë.
Sekseri – Tani në darkë më ka kthyer përgjigje, se a të thashë se më rrejti ai i Shkodrës. Ai shkodrani, që më tha e kam kushëri, më rrejti.
Qytetari – Gjyqtarin?
Qytetari – Shiko se unë kam bërë 5 milionë lek, sipas llafit domethënë.
Sekseri – Ata më kanë kërkuar 6000 euro fiks, me mbaruar punë. Ose unë a të thashë, të sjellë lekët dhe të merret tjetër kush me atë punë. Më kanë kërkuar 6000 euro. 2000 euro drejtuesi i seancës dhe nga 1000 euro gjyqtarët. Pesë gjyqtarë e gjykokan.
Avokati – Dihet se gjykohet me pesë.
Sekseri – 2000 euro kërkonte drejtuesi i seancës.
Avokati – Eshtë Tiranë këtu.
Sekseri – Për zotin. As nuk u bënte llaf, llafi i parë.
Qytetari – Po tani kush e ka çeshtjen?
Avokati – Xhezair Zaganjori, ai është kryetar i Gjykatës Lartë.
…
Sekseri – Xhezairi mo burrë, ai është kryetar i Gjykatës së Lartë. Kam fol me të.
Avokati – I gjen njeri atij?
Qytetari – Ke fol me të sot.
Sekseri – Po si more, me të, tani më ka kthyer përgjigjen.
…
Sekseri – Unë nesër me sjell lekët, brënda javës ai e nxjerr çunin
Qytetari – Iku ajo punë, unë sonte të dorëzoj 5 milionshin. Megjithëse 2 milionë e 700 000 t’i kam dhënë.
Sekseri – Po, po, i kam unë ato.
Qytetari – Ashtu de, megjithë 2 milionë e 700 000, 500 000 janë të tuat.
Avokati – A ban me më dëgjue mua?
Qytetari – Po.
Avokati – Çfarë do me i lën këtij, leja në fund.
Qytetari – Një 500 000-she jam duke ia dhënë, i kam premtuar 700 000 mos harro.
Avokati – 500 000 ke për t’ia dhënë.
Sekseri – Me atë pazar, që më kanë thënë ata, unë nuk dua edhe pesë lekë. Për mik, me makinën time do ja fus naftë, dhe do shkojmë një natë te shtëpia… I kam 2 700 000 lek te shtëpia, janë 400 dollarë e lekë të tjera, të shkoj e t’i marr në çantë e t’i sjell këtu?
Qytetari – Nuk më duhet gjë mua.

Avokati – Sa lek ke sjellë o Pal sonte?
Qytetari – Sonte kam sjellë 2 milionë e 800 000. 800 000 kam nejt duke i mbledh, e 2 milionë e 700 bëjnë pesë milionë e pesëqind.
Sekseri – Ia lashë ato aty, i thashë mbaji këtu i rashë, nesër vij e të them po ose jo.
Qytetari – Iku ajo punë.
Avokati – Shiko tani, shiko tani një sekondë. Sa lekë the se i ke lënë, the 2 milionë…?
Qytetari – 2 milionë e 700 000.
Avokati – Hiqja 500 000. Dy milionë e dyqind mijë.
Qytetari – 2 milion e 700 000 i kam dhënë dhe 2 milion e 800 000 i kam sonte, bëjnë 5 milionë e 500 000.
Avokati – 500 000 lekshin që do me i dhënë këtij, e ke llogaritur këtu?
Qytetari – Po, Po, tash e kam llogaritur, do marr lekët e avokatit e do i kaloj këtej.
Sekseri – Nuk dua asnjë lek. Jam duke të thënë këtu, para këtij burrit.
Avokati – Edhe sa ke me i dhënë me bërë 6 000 euro? Nuk je i pa shkollë, je inxhinier me shkollë të lartë.
Qytetari – Gjashtë mijë euro, 6 X 4 = 24, tash unë kam me dhënë. Domethënë 8 milionë e 400 000 lek. Unë 5 milionë e 500 000 i kam plotësuar. Tani plotësoj edhe… i takon 3 milionë lek.
Sekseri – 2 milionë e 700 000 lek i kam te shtëpia.
Qytetari – Po dhe 2 milionë e 800 000 me t’i dhënë sonte, bëjnë 5 milionë e 500
Sekseri – 5 milionë e 500
Qytetari – Po shkoj t’i marr te makina.
Sekseri – Bukur.
Qytetari – Shkoj t’i marr te makina t’i sjell. Dhe mbyllet ajo punë.
Sekseri – 5 milionë e 500 000 dhe sa duhen?
Avokati – Edhe 3.
Qytetari – Edhe 3 fiks. Edhe me kry pazarin, mbrapa të kam borxh ty unë.
Sekseri – Mo të kryej pazarin…
Avokati – Ik shko e merri te makina.
…
Qytetari – Numëroi se kam lëvizur me to. Numëroi amanet.
Avokati – A i ke numëruar?
Qytetari – Nore tënden, lekët numërohen.
Sekseri – Hë mor burrë numëroi në tavolinë.
Avokati – 1, 2, 3, 4, 5, 6, 7, 8, 9, 10, …, 15, 16, 17 (vazhdon të numërojë lekët).
Avokati – Na e numëroi vet. Numëroi vet nuk di me i numëru.
Qytetari – Unë e di se janë 50 eee…
Avokati – Ke edhe do pesëdhjetëshe e do dhjetëshe.
Qytetari – Janë 50 more
Avokati – Ke edhe do dhjetëshe.
Qytetari – Jo or ti.
Avokati – aaa.
Sekseri – Numëron lekët , 1, 2, 3, 4, 5, 6, 7, 8, 9, 10, …, 58, … dy milionë e tetëqind mijë.
Qytetari – 2 800 000.
Sekseri – Po, po
Qytetari – 2 800 000 dhe 2 700 000, a bëjn 5 500 000. Tani të kam borxh edhe sa thua ti
Avokati – 3 milionë.
Qyetari – Fiks 3 milionë. Jo e lamë sa është 1 pikë…
Avokati – Jo 3 milionë jo, po ke 1 900 000 lek fiks
Sekseri – Kush mo.
Avokati – 2 900 000.
Sekseri – Po, 2 900 000.
Avokati – Dhe bëjnë 8 milionë e 400 000 lek, shkojmë e thyejmë eurot
Qytetari – E shumta pasnesër t’i sjell unë, e shumta nesër ia dërgon t’i.
Avokati – I di vet punët e veta.
Qytetari – Po të jetë i garantuar mor burrë.
Avokati – Ne dona mu liri, a shkon sot a shkon nesër nuk duam t’i dimë, ne duam të na lirohet me vendim të Gjykatës së Lartë. Autorizimin e kemi, si nuk ka nevojë me u paraqit djali
…

Dita e dytë me sekserin për plotësimin e 8,4 milionë lekëve.

Qytetari – Numëroi më mirë vet. Numëroi më mirë vet. Një njëqind përqind mendoj se e ke të hequr mesa di unë. Jo 99% e ke një të hequr, i kam hedhur naftë makinës.
Qytetari – Sa janë?
Sekseri – 2 milionë e 950 000.
Qytetari – Sa?
Sekseri – 2 950 000 lek.
Avokati – Dy milionë e 950 000.
Qytetari – 2, 4, 6.
Sekseri – Ke të më thyesh një, dy, dhjetëmijshe?
Qytetari – Jo lëre 10 000 lekëshin.
Avokati – S’kam.
Sekseri – S’kam as unë.
Qytetari – Pi një kafe, sikurse i takon.

Avokati – Ti e ke mbaruar punën tënde.
Qytetari – Domethënë 5 milionë e 500 000 të kam dhënë radhën e parë.
Sekseri – Tetë milionë e gjysmë.
Qytetari – 100 000 lekë t’i bëftë zoti hallall, të kam borxh prap për ty, atyre të tjerëve nuk u kam borxh më.
Sekseri – Ishalla.

Qytetari – Se vë në dyshim. Ai njëri nga gjyqtarët është, mos qoftë…
Avokati – Kryetari.
Qytetari – Vet.
Avokati – Kryetari gjykatës.
Sekseri – A të mos futemi në atë punë?
Sekseri – Më vjen keq, u shpenzove nuk kam se ç’të bëj.
Avukati – O ky është duke shpenzuar në vend të vet, jo në Tiranë.
Qytetari – Unë isha përgatitur për 5, kur më tha se më duhen këtë treshin, e kam nxjerr si me zor, po m’u treguan burra njerëzit. Unë njërit ia kam marrë për dy muaj, tjetrit për gjashtë muaj.

Biseda me juristin e burgut të Shën Kollit, Nard Mardoda

Juristi – Ai më tha Pëllumbin e ke 100%, si me qenë ti, prokurori më tha mua. Se ç’ka bërë ai muhabet me këtë, me këta, me ata, mua s’më intereson fare. Mua t’më thojë Pali, që ku është Pali me ndal, unë e kam lodh, e kam lodh fort, vim e vim e vim ai të lodh. Ai më ka marrë në telefon, Zoti ta falt, që du me të taku
Qytetari – Sot
Juristi – Nji tash mor, shkoj gjysmë ore që e kam taku, një gjysmë ore për Kish të Laçit, një gjysmë ore s’ka. Unë kam qenë 5 e gjysmë jashtë, sa jam futur në shtëpi, jam zhveshur, më ke marrë ti në telefon. E më tha mua, kjo nuk do shkojë në asnji vend tjetër 100%. Do letra i kam unë në dosje, do letra i ka avokati, ame ajo si e ka emrin çertifikatë familjare, do letra t’i bie unë i thashë për sjellje të mirë e njëra tjetra i përpunon Saimiri atje tek unë dhe mu në kapi t’i, Pëllumbin e ke 100% tha, për situatën më ke thënë se është dakord.
Qytetari – Po
Juristi – Kaq më tha. Tash kur të duash fol me Bardhën
Qytetari – Me Bardhën flasim, se kemi për me nda punën e lekëve… A t’i marri… Lekët t’ia çojmë gjykatësit, a më dëgjon, unë i kam dhënë djalit 5 milionë (të vjetra)
Juristi – Ai më tha mu që, Pllumbi më tha se mua më pati thënë ai, që gjyqtari është ok, dmth ka thënë gjyqtari që i kam liru tre vet, këta do i merren Pëllumbit unë ia liroj. Tash merri vet masat ti, se kush është gjyqtari.
Qytetari – Tashi unë kam pru djalin e vogël me lekët
Juristi – Jo mor burrë, s’ke nevojë, unë i kam të garantuara si të vllait
Qytetari – Po shumë bukur
Juristi – Po nuk merr lekët atje pa dalë jashtë.
Qytetari – Jam tu ia dhënë, jam tu ia dhënë para
Juristi – Më dëgjo mua re burr, me mua e ke të garantume këtë, fshije nga memoria. E bën kërkesën qysh nesër në orën 8, ia plas në gjykatë. Nga vendimi gjyqtarit, që kena bërë dje, ke për t’ia hequr
…
Juristi – Po, e di, e di
Qytetari – Vetëm se gjyqtarët janë ble tash
Juristi – E di, e di
Juristi – Si do me e nda këtë punë, do me e mbaru krejt vet dhe këtë 5-shen në dorë dhe ta bëftë Zoti mbarë, edhe me e dit vetëm unë e Zoti në qiell, apo don me mbaru gjysmë për gjysmë me gjyqtarin. Gjysmë për gjysmë. Hajde bujrum ta marrsha të keqen, nxirreni përjashta, hajde liroje. Ti iu the gjysmë për gjysmë , gjusmë ti e gjysmë prap ti, me ia dhënë Palit në dorë, e ti jep Pali me kredi.
Juristi – Palin, Palin… Hajde me këtë kërkesën e prokurorisë, gjykatës, top aty. Të hënën nxirret për short ai prokurori dhe brenda asaj dite, një javë më vonë, me ardh te shtëpia burri i huaj.
Juristi – …Pllumbin e ke 100% or ti…
Djali i të pandehurit – Çfarë kemi me fol më.
Juristi – Unë kam nevojë me më sqaru këtë, do e marrësh krejt për sipër, apo do e marrësh gjysmë për gjysmë? Gjysmë këtej e gjysmë prokurori, ai gjyqtari. Më thua gjysmë për gjysmë, je shok i imi, po m’ke inat
Qytetari – Iku
Juristi – Unë shkoj e i them, ja ku i ke paret, bëhet gjë

Biseda me bashkëshorten e të arrestuarit, që u lirua pasi u paguan 500 mijë lekë

Qytetarja – Për të rregulluar këtë punë, kanë kërkuar nga 500 000 lekë, 250 000 njëra, 250 000 tjetra, për person (sekretarja dhe kancelarja). Pesë i ka marrë ai, për tre që ia kam dhënë unë, jam në gjendje si i thonë… Liljana ka bërë be në kryet e fëmijëve dhe në kryet e djalit të vet. Ja kam dhënë në dorë. O mua më ka futur brenda. Më ka thënë Bardha te Shtjefni. Më ka thënë hyr, jepi dorën Shtjefnit, thuaji falemnderit, pesë milionë i ke marrë. Kam qënë vet kur ka marrë pesë milionshin dhe ka hyrë direkt. Atë ditë, që ka dal Dedë Ndoka prej burgut, kam qenë me Julin, kanë marrë nga 150 euro për shoqe dhe më kanë kthyer mua 10 000 lekë, mi kanë kthyer në dorë. S’e kanë marrë 500 000 lekshin për Dedën (bëhet fjalë për lekët që merrnin kancelarja dhe sekretarja). Pese milionshi ka ikur te vendi.

Biseda me djalin e të arrestuarit

Djali i të arrestuarit – Kërkesën e futi, e fut të premten jo sot. Me e ba sot, i bie për të dielën, të dielën nuk mundet ta bëjë. E fut të premten, ndoshta për të martën.
Qytetari – Tash për punën e lekëve?
Djali i të arrestuarit – Duhet halla se nuk bën robt.
Qytetari – Kujt do ia dërgojë halla lekët.
Djali i të arrestuarit – Vet Shtjefnit.
Qytetari – Vetë.
Djali i të arrestuarit – Po, vet Shtjefnit
Qytetari – Kështu tha sekretarja, me ia dërguar vet Shtjefnit ë?
Djali i të arrestuarit – Po, Po
Qytetari – Po tani Nardi?
Djali i të arrestuarit – Kur të vijë në Lezhë, më tha të bëj telefon vet. Veç në telefon, më tha vet, ma ndaj gjysmën a dëgjon.
Qytetari – Tha ndaj gjysmën e lekëve?
Djali i të arrestuarit – Po. Ma ndaj gjysmën më tha, i thashë po, po. Hajd tha nuk mundet të flas më, kaq.
Qytetari – Tani lekët e Nardit a i ke? A ke dy e gjysmë, a sa ke?
Djali i të arrestuarit – Jo unë kam lekët e Shtjefnit e më duhen edhe 20 000 lek, se i pata marr për punët e fëmijëve të shkollës.
Qytetari – Me ba dy milionë e gjysmë.
Djali i të arrestuarit – Po, po fiks. 20 000 më duhen po.
Qytatri – Po tani a don me ia dhënë Nardit, të iki për Shkodër, t’ia dërgojë (prokurori me banim në Shkodër)
Djali i të arrestuarit – Jam duke ia dhënë lekët Nardit. Po, po Nardit jam duke i thënë ditën e premte futet kërkesa, jam duke i thënë ja ku i ke lekët babush, dërgoja kur të duash ti. Ditën e premte futen letrat për të martën ke gjyqin.
Qytetari – Me e nxjerr të pafajshëm?
Djali i të arrestuarit – Fjalët ashtu i kena
Qytetari – A të ka thënë Nardi?
Djali i të arrestuarit – Aaa?
Qytetari – A të ka thënë Nardi?
Djali i të arrestuarit – Jo, Pëllumbi. Pëllumbi, ne nuk dimë gjë…
Qytetarët – Lekët këtyre, sekretares?
Djali i të arrestuarit – Jua kam ndarë
Qytetari – 25 000 njërës, 25 000 tjetrës.
Djali i të arrestuarit – Po, po. Ma Shtjefnit i kam ndarë 1800 euro, Shtjefnit 1 800 euro.
Qytetari – Tash sa ke mangët ti?
Djali i të arrestuarit – 20 000 lek.
Qytetari – Edhe 20 000 lek, në rregull. Na atë, ta plotësoj unë.
Djali i të arrestuarit – Për atë të thashë.
Qytetari – Urdhëro 5000, 10 000, 15 000, 20 000. Lekët jepja sonte.
Qytetari – Lekët jepja sonte.
Djali i të arrestuarit – Po ishalla
Djali i të arrestuarit – Mbaroi.

Biseda me dy të arrestuar në protestën e Fushë Arrëzit, të cilët kanë paguar parà për t’u liruar

Qytetari 1 – Mua më ka shkuar si tepër.
Qytetari – Pse sa të shkoi ty?
Qytetari 1 – 6 milionë prandaj dola për dy muaj. Dy muaj e pesë ditë… Dëgjo mua, sa të kanë kërkuar për Arjanin.
Qytetari – Më kanë kërkuar 5,5 milionë… Sa fiks (lek të kanë marrë)
Qytetari 1 – 6
Qytetari – 6 milionë
Qytetari 1 – Po
Qytetari – Shumë
Qytetari 1 – Po kam qenë një unë… Ty ndoshta të kanë marrë më pak, po ke qenë veti i pestë, veti i gjashtë.
Qytetari – Pesë e gjysmë.
Qytetari 1 – Jo mo, nuk të kanë marrë shumë.
Qytetari – A të kanë marrë 6 ty?
Qytetari 1 – Po.
Qytetari – Prokurori 3, e Shtjefni 3
Qytetari 1 – I kanë nda, ku di gjë unë.
Qyetari – Kë pate gjetur për t’ua dërguar?
Qytetari 1 – Unë nuk e pata gjetut, e pati gjetutt tjetër kush. E pati gjetur Jetmiri, a të pata thënë një herë more burrë.
Qytetari – A, Jetmir Çafa. Me prokurorin ëëë?
Qytetari 1 – Jo, me gjykatësin.
Qytetari – Me Shtjefnin?
Qytetari 1 – Bën me shenjë me kokë, duke pohuar.
…
Qytetari – Sa ke dhënë ti fiks?
Qytetari 2 – Kaq, fiks pesë.
Qytetari – 5 milionë?
Qytetari 2 – Po. Për Kish të Laçit, na pin gjakun o Pal. Për Kishë të Shën Ndout, komplet borxh. Kam pesë milionë lek borxh, ku kam me i marrë. / Top Channel/

Shqipëria, 100 vjet më pas!

Albania Plus

Nga Alfred Peza

Duke perifrazuar titullin e librit të famshëm të George Friedman “The next 100 years”, sot në përvjetorin e parë të shekullit të dytë të pavarësisë së Shqipërisë, mar guximin që të shkruaj se si e fantazoj unë Shqipërinë në 100 vitet e ardhëshme. Atëherë kur nipërit, mbesat, stërnipërit dhe pasaardhësit tanë të tjerë, do të festojnë me madhështinë që meriton 200 vjetorin e shpalljes së Pavarësisë së Shqipërisë. Si sot e 99 vjet më pas, në 28 nëntorin e vitit të largët 2112.
Shqiperia u shkeput e fundit nga Perandoria Osmane pas 500 vjetesh pushtimi. Procesi i Rilindjes sone Kombetare kulmoi me shpalljen e pavaresise 101 vjet me pare. Dhe dje, me propozim te opozites, Parlamenti miratoi me unanimitet te plote rezoluten per integrimin e Shqiperise ne BE. Kryeministri Edi Rama pas fitores se zgjedhjeve me 23 qershor 2013 permes nje programi “Per Rilindjen Shqiptare”, ne mbledhjen e pare te qeverise se re, miratoi aktin e vendosjes se fotos se themeluesit te shtetit Ismail Bej Vlores, ne te gjitha zyrat e administrates.
Pas anetaresimit te plote ne NATO, Shqiperia pritet qe te marre pas dy javesh, edhe statusin e vendit kandidat per ne BE. Kosova u çlirua me 1999 nga pushtimi serb dhe 5 vjet me pas, fitoi pavaresine. Duke realizuar profecine e simbolit tone kombetar te shqiponjes me dy koka, duke krijuar dy shtete shqiptare ne Ballkan. Presidenti i SHBA Obama, uroi shqiptaret sot per feste, ndersa pak dite me pare, Kryeministri Rama u takua me Kryeministrin e Kines. Shekulli i XX konsiderohet si shekulli i SHBA. Shekulli qe po jetojme, thuhet se mund te jete i Kines, qe me ritmet e zhvillimit, mendohet te tjekaloje fuqine ekonomike te SHBA. Ndersa une mendoj se pas 100 vjetesh, tendenca mund te jete drejt nje bote multicentriste. Ne skenen e ekonomise globale ndryshe nga tani, do te ngrihen akoma edhe me shume Rusia, India, Meksika, Brazili, Argjentina, Turqia, Polonia. Azia, Lindja e Mesme por mbi te gjitha Afrika. Pa llogaritur ruajtjen e ritmeve te Gjermanise, Italise, Frances, Anglise dhe Japonise.
Ne 2020 pritet boom-i i pare i madh i Kines e Rusise. Ne 2030 SHBA me gjithe veshtiresite, do vazhdoje ta dominoje skenen, ecuria e metejshme e se ciles do te varet nga kriza ekonomike globale qe parashikohet ate periudhe. Ne 2040 Friedman skicon preludin e nje lufte te re te perboteshme per dominimin e shekullit XXI. Skenarin e se ciles mes SHBA dhe Kines ai e sheh ne 2050. Turqia parashikon te luaje rol kyç per shkak te pozites gjeografike e dominimit te detrave. Njerezimi sigurisht qe nuk do te zhduket. E nese vazhdojme ti besojme ketij skenari, 2060 do te jete dekada e arte e zhvillimit ekonomik per planetin tone deri ne 2070. Per te rikthyer krizen ekonomike ne 2080 dhe per te vijuar ne 2100 e tutje me te tjera skenare qe mendja e sotme njerezore, per shkak edhe te ritmeve te zhvillimit teknologjik e shoqeror, me fantazi sado te ndezur qe te jete, nuk arrin qe ti rroke dot.
Per Shqiperine po mundohem qe te skicoj nje skenar te ngjashem ne 100 vitet e ardheshme. Ne 2015 Kosoves i liberalizohen vizat me BE, ne 2018 pas vijimit te procesit te njohjeve pranohet ne OKB. Ne 2020 mer statusin e vendit kandidat per ne BE. Ne 2023 bashkohet me Shqiperine. Ne 2025 shqiptaret pranohen me te drejta te plota ne BE. Ne 2030 Shqiperia goditet nga nje krize ekonomike. Rimer veten ne 2035 dhe deri ne 2045 behet nje vend i zhvilluar, me te ardhura per fryme te popullsise me mbi 9000 dollare me indeksin e sotem, me demokraci te konsoliduar dhe nje nga tri shtetet me te zhvilluara ne rajon krahas Greqise e Serbise. Ne 2050, Shqiperia ne aleance me Turqine, luan rol ne luften mes SHBA dhe Kines per dominimin e botes. Ne 2060 realizohet endrra e Sami Frasherit tek “Shqiperia çka qene, çeshte e çdo te behet”, per tu bere pjese e rrjeteve kryesore rajonale dhe euro-aziatike te hekurudhave. Por edhe autostradave, gaz e naftesjellesave. Duke i shtuar kesaj edhe portet, aeroportet, rrjetet e transmetimeve satelitore dhe teknologjive te tjera te nderlidhjes virtuale e te tjera te panjohura sot. Boom-i ekonomik boteror 2060- 2070 do ta beje Shqiperine per here te pare ne histori, nje superfuqi ekonomike rajonale. Per shkak te ritmeve te rritjes se popullsise, Shqiperia e bashkuar do te kete 13- 15 milione banore dhe Kryeqyteti i saj Tirana do te jete bashkuar me Durresin dhe Kavajen me nje popullsi prej 6-7 milione banoresh. Porti i Durresit, per shkak edhe te tregetise me Beogradin e Shkupin, do te jete me i rendesishem se i Selanikut. Ne 2080 kufijte e Ballkanit dhe te Europes do jene shkrire dhe te gjithe popujt, shtetet e kombet e saj, perfshi Turqine e Rusine, do jene pjese e nje shteti te vetem e te perbashket. Duke realizuar ne kete menyre, endrren e vjeter disa shekullore te shkenctareve, stydiuesve, perandoreve, careve, mbreterve e strategeve te shquar te kontinentit te vjeter. Dhe themelues se Europes se sotme moderne. Ne 2100 shqiptaret do te kuptojne me ne fund se projekti i eterve tane themelues eshte realizuar. Ne 2112, ne oren 12.00 ne qytetin e Vlores, kur te ngrihet flamuri per 200 vjetorin e pavaresise, ne vendin ku Ismail Bej Vlora ngriti flamurin me 1912, do te kendohet Himni i Flamurit. Ne te do te jete shtuar edhe strofa qe eshte hequr e qe nuk kendohet sot:
“Se Zoti vetë e tha me gojë
Që kombet shuhen përmbi dhé,
Po Shqipëria do të rrojë;
Për të, për të luftojmë ne!”

Të premten “Nata e Bardhë”, policia masa për mbarëvajtjen e aktiviteteve

Albania Plus

Drejtoria e Policisë së Qarkut Tiranë ka hartuar Planin e Masave “Për Sigurimin e rendit e qetësisë, menaxhimin e trafikut rrugor dhe zhvillimin normal të aktiviteteve të planifikuara me rastin e Natës së Bardhë e Festës së 29-Nentorit në kryeqytet.

Me qëllim garantimin e zhvillimit normal të këtyre aktiviteteve, janë marrë dhe një sërë masash për drejtimin e qarkullimit të mjeteve në rrugë, kështu:

Nga ora 17.30 deri në orën 22.00 të datës 29.11.2013 do të ndalohet qarkullimi i mjeteve dhe nuk do të lejohet parkimi i tyre, në bulevardin “Deshmoret e Kombit” nga kryqëzimi i bulevardit “Bajram Curri” (nga Ura e Madhe e Lanes) deri tek kryqezimi i rruges “Ismail Qemali”.

Nga ora 20.00 e datës 29.11.2013 deri në orën 04.00 të datës 30.11.2013 do behet ndalimi i qarkullimit të mjeteve dhe nuk do të lejohet parkimi i tyre në bulevardin “Deshmoret e Kombit” nga kryqëzimi me rrugën “Myslym Shyri” deri tek kryqezimi i Presidencës, si dhe në rrugën “Ibrahim Rrugova” nga Kryqëzimi i bulevardit “Bajram Curri” (nga Ura e Taiëanit) deri në kryqezim me rrugën “Abdyl Frasheri” (libri universitar).

Berisha: Këtij i thonë deputet – kryeministër – kryetar bashkie

Albania Plus

Ish-kryeministri, Sali Berisha, akuzoi sot kreun e qeverisë, Edi Ramën, që nuk lejoi mediat që të transmetonin drejtpërsëdrejti ceremoninë e ngritjes së flamurit në Vlorë.

Nëpërmjet një postimi në rrjetin social, “Facebook”, Berisha tha se Rama abuzoi me pushtetin e tij, duke marrë edhe kompetencat e kryetarit të bashkisë së Vlorës, duke e shpallur kështu veten “de fakto” kryetar të bashkisë së qytetit të flamurit.

Ja se çfarë shkruan Berisha në “Facebook”:

Ndalimi i transmetimit direkt të ceremonisë nga sheshi i Flamurit, ishte urimi i z.Rama për vlonjatet dhe shqiptaret për ditën e Pavarësisë.

Të dashur miq, sot në një akt të paprecedent, së paku 70 vitet e fundit, shqiptarët që prisnin para ekraneve të televizionit të ndiqnin live transmetimin e ceremonisë së ngritjes së flamurit kombëtar në sheshin e Flamurit në Vlorë, nga Presidenti i Republikës dhe festime të tjera, mbetën të zhgënjyer.

Kjo ceremoni, që është shndërruar tashmë në një rit thuaj të shenjtë për mbarë kombin, këtë vit me urdhër të Edi Ramës nuk u lejua të transmetohej direkt nga mediat e vendit. Ky ishte urimi për Vlorën dhe shqiptarët nga sheshi i tyre i Flamurit i z.Edi Rama.

Ndërkohë u transmetua direkt fjala e z.Rama në një takim, në të cilin ai de fakto u inaugurua si kryetar i bashkisë së Vlorës. Në këtë takim, në kundërshtim me nenin 13 të kushtetutës dhe disa vendimeve të gjykatës Kushtetuese, në dhunim të ligjit të pushtetit vendor dhe Kartës Evropiane të Autonomisë Vendore, Rama mori kompetencat e kryetarit të bashkisë Vlorë, këshillit bashkiak të Vlorës dhe shpalli konkursin për Lungomaren e qytetit. Ky konkurs, sipas ligjeve të mësipërme, është e drejtë ekskluzive e bashkisë së Vlorës, por deputeti i Vlorës duke abuzuar me pushtetin e tij ekzekutiv shpalli veten de fakto edhe kryetar të bashkisë së qytetit që e votoi për deputet.

Këtij i thonë deputet – kryeministër – kryetar bashkie = gaz i dheut!! sb

Presidenti Nishani uron shqiptarët për 101 vjetorin

Albania Plus

Presidenti Bujar Nishani, ka uruar të gjithë shqiptarët për festën e 101 vjetorit të shpalljes së pavarësisë së Shqipërisë.

Në urimin e tij, përveç të tjerave, Nishani i ka bërë apel klasës politike shqiptare që të zbusin klimën politike ndërpartiake dhe të vazhdohet me reformat e vendit.

Duke theksuar historinë e kombit tonë dhe vlerat që ai mbart, presidenti tha se, pavarësisht se jemi një komb i vjetër me gjuhë e tradita, në fund të fundit jemi si të gjithë kombet e tjerë.

I parnishëm në ceremoninë e mbajtur në Pallatin e Brigadave, në Tiranë, ka qenë edhe kryeministri i vendit, Edi Rama, si dhe një sërë personalitetesh nga vendi dhe bota.

Urimi i presidentit:

101 vjet më parë, burra të mençur, të cilët e kishin mendjen vetëm të jepnin e jo të merrnin, shpallën pavarësinë e shtetit shqiptar. Arritëm këtu me apo pa gabime, shpejtë apo ngadalë. Shtetin e bëmë, shtetin e kemi dhe që ta mbajmë duhet t’i shërbejmë. Ndaj duhet të vijojmë reformat që duhen, të fillojmë reformën arsimore, që të dalin në të ardhmen njerëz të ndritur që do t’i shërbejnë këtij kombi. Të bëjmë çmos që ta zbusim klimën politikë ndërpartiake.Të vazhdojmë të punojmë më tepër për sa na ka mbetur për Evropën.

Kultura mbetet, të gjitha të tjerat ikin. Ndaj duhet të punojmë më shumë në këtë aspekt, që të shtojmë vlerat kombëtare, por pa e tepruar, më mënurë që demokracitë të funksionojnë më mirë edhe me të tjerët.

Me fqinjët duhet të jemi më mirëkuptues dhe bashkëpunuesë, sepse fundja sado që jemi një komb me tradita të vjetra dhe me një gjuhë të vjetër, jemi njëlloj si të gjitha kombet e tjera.

Gëzuar dhe gjithmonë qofshim bashkë!

Policia kërkon të paguhet në stadium, klubet kundër

Albania Plus

Nuk është ende zyrtare, por një projekt-ide që në një të ardhme të afërt mund të bëhet i detyrueshëm. Bëhet fjalë për një iniciativë që po diskutohet në Policinë e Shtetit në lidhje me sigurinë në stadiume. Drejtoria e Përgjithshme e Policisë ka ngritur shqetësimet se forca të shumta policore angazhohen në aktivitetet sportive, duke krijuar vakum në detyrat ligjore që i takojnë kësaj force. Në këtë këndvështrim, duke qenë se siguria në stadiume është thuajse e detyrueshme, atëherë është hedhur ideja që klubet të paguajnë për ta pasur këtë shërbim. Drejtuesit e Policisë së Shtetit u janë referuar homologëve europianë, të cilët në pjesën më të madhe nuk merren me sigurinë në stadiume dhe kjo gjë realizohet nga polici private. Prandaj, Ministria e Brendshme mendon të tërhiqet nga ruajtja e tyre pa pagesë. Duke qenë se një pjesë e madhe e klubeve dhe stadiumeve menaxhohen privatisht, ministria po mendon që të hyjë në bisedime me Federatën Shqiptare të Futbollit, me qëllim që të mund të gjejnë një të mesme të përbashkët, ku nga njëra anë të sigurohet qetësia, por nga ana tjetër edhe policët të shpërblehen për punën, në mjaft raste ekstra, që bëjnë karshi klubeve të futbollit. Mësohet se një shërbim i tillë, sikundër ka vijuar deri tani, nuk do të ekzistojë më (gjithnjë nëse arrihet një akord), teksa pritet që bisedimet polici-federatë të caktojnë edhe tarifat, apo gjetjen e ndonjë mënyre për mosangazhimin e forcave të shumta policore. Sakaq, mësohet se bisedime priten të bëhen gjatë muajit të ardhshëm dhe nëse do ketë një dakordësi, implementimi i kësaj ideje të nisë vitin e ardhshëm. Siç dihet, stadiumet shqiptare në mjaft raste janë kthyer në arena të ashpra mes tifozëve të dhunshëm, ku policisë i është dashur që të ndërhyjë për të vënë qetësinë. Por, ka pasur edhe shumë raste të tjera, kur për shkak të njohjeve, sidomos nga ana e drejtuesve të klubeve (kryesisht në rastet kur kanë qenë edhe kryetarë bashkie) me policët kanë ndodhur edhe gjakosje të zyrtarëve të federatës, teksa Policia e Shtetit ka qenë totalisht e paaftë për të menaxhuar situatën. Së fundi ia vlen të kujtohet dhuna që plasi në fushën e Mamurrasit gjatë ndeshjes Mamurrasi-Albpetrol (1-1), ku gjyqtarët e takimit u dhunuan nga tifozët. Gjatë këtij sulmi u rrah arbitri kryesor Endrit Zhuli, i cili më pas përfundoi në spital. Në vendngjarje ndodheshin shumë pak forca policie dhe është dashur njëfarë kohe për të qetësuar situatën. Sakaq, policët që ishin në stadium në ato momente dhe që kishim si detyrë specifike ruajtjen e rendit dhe mbrojtjen e zyrtarëve të ndeshjes, jo vetëm që nuk ndërhynë në kohë, por nuk pranuan as të shoqëronin makinën e arbitrave përtej Mamurrasit. Për këtë arsye atë u pezulluan menjëherë nga një urdhër i Ministrit të Brendshëm, Saimir Tahiri. Por, duhet thënë se të tilla incidente ka pasur thuajse çdo javë në të gjitha kategoritë e kampionatit shqiptar, ndaj edhe Policia e Shtetit kërkon që të vendosë me këtë iniciativë një lloj rregulli të ri.

Burimi: http://www.panorama-sport.com/kategoria-superiore/police-me-pagese-ne-stadiume-klubet-jane-kunder/#ixzz2lxwo5CoF

Manifestim në Indi për dy elefantë, të cilët humbën jetën nga kontakti me kavën e tensionit të lartë.

Albania Plus

india2811 — Një manifestim në Indi për dy elefantë, të cilët humbën jetën nga kontakti me kavën e tensionit të lartë. (Reuters/Contrasto)

Një manifestim në Indi për dy elefantë, të cilët humbën jetën nga kontakti me kavën e tensionit të lartë. (Reuters/Contrasto)

101-vjetori i pavarësisë, Lugina e Preshevës vishet kuq e zi

Albania Plus

Shqiptarët e Luginës së Preshevës kanë festuar sot 101-vjetorin e pavarësisë së Shqipërisë. Në Preshevë, Bujanoc, Medvegjë dhe vendbanimet e tjera janë shpalosur flamujt kombëtar. Para komunave sot është mbajtur edhe një protestë e qetë paqësore kundër diskriminimit nga ana e pushtetit serb ndaj këtyre komunave, por edhe është bërë thirrje për zgjidhjen e çështjes shqiptare në këtë rajon.

Shqiptarët e Luginës bëjnë thirrje për miratimin e të gjitha kërkesave të palës shqiptare nga ana e Qeverisë së Serbisë si parakusht për vazhdimin e bisedimeve të mëtejme për zgjidhjen e problemeve në Luginë të Preshevës.

Zv.kryetari i Preshevës, Skendër Destani thotë se në Preshevë , Bujanoc dhe Medvegjë ka 50,0000 deri në 60.000 mijë njerëz të pakicës shqiptarë.

Humbin jetën në aksident tre shqiptarë

Albania Plus

Tre të rinj shqiptarë kanë humbur jetën, ndërsa dy të tjerë kanë përfunduar me plagë të rënda, si pasojë e një aksidenti të rëndë automobilistik të ndodhur në qytetin e Kërçovës.

Aksidenti ka ndodhur herët në mëngjes në rrugën në pjesën qendrore të qytetit. Siç bëhet e ditur të rinjtë që kanë ndërruar jetë janë: Admir B. (25), Jeton E. (25) dhe Murat A. (15), të gjithë nga Kërçova, ndërsa të plagosurit janë shtetasit me inicialet G.S. (27) dhe R.S. (26) nga Kërçova, që janë dërguar në spitalin “Sh. Erazmo” në Ohër, për shkak të plagëve të rënda.

Aksidenti ka ndodhur në momentin kur automjeti “Golf”, duke kaluar nga rruga e stacionit hekurudhor për te rruga lokale për në Krushinë, ka kaluar në anën e majtë të rrugës dhe me pjesën e parme ka goditur trotuarin dhe shtyllën elektrike prej betoni, që ka bërë që automjeti të rrotullohet dhe më pas ka goditur një shtëpi.

1...317318319...550 Page 318 of 550