Edhe ish Kryeministri Berisha i është përgjigjur interesit të mediave lidhur me armët kimike duke dhënë një deklaratë përpara se të hynte në Kuvend.
“Referendumi është një rrugë demokratike, por ndërkohë nuk do të pranojmë qoftë edhe një mbushje të vetme të armëve kimike. PD ka një qëndrim të kristaltë: jemi kategorikisht kundër. Shpresojmë te të rinjtë dhe shqiptarët që janë të fyer sot”.
I pyetur lidhur me importin e mbetjeve, një nga vendimet e qeverisë së tij, që u anulua menjëherë pas formimit të qeverisë “Rama”, Berisha tha se kushdo që bën një krahasim mes importit të mbetjeve dhe armëve kimike është i çmendur.
“Ai që krahason plastikat dhe letrën me armët kimike ka një problem mendor të jashtëzakonshëm. Këtë po e refuzojnë vendet më të zhvilluara europiane dhe po e merr një njeri që mund të quhet gjithçka, por jo normal. Refuzimi nuk dëmton aspak partneritetin me vendet perëndimore”, tha Berisha.
