Kreu i Partisë Demokratike, Lulzim Basha përmes rrjetit social “Facebook” ka sulmuar kryeministrin Rama duke deklaruar se po dërgon ndaj fermerëve të duhanit taksidarët.
Sipas tij kjo është bërë jo për të mbushur arkën e shtetit, por për të mbrojtur interesat e kontrabandistëve të duhanit, të cilët siç shton ai u kanë kushtuar shqiptarëve 50 milionë dollarë nga të ardhurat që mungojnë.
Statusi i Bashës
Pasi i mashtroi fermerët se do t’u rrisnin çmimin e duhanit, Edi Rama i ndërseu sot taksidarët e tij të krimbur në ryshfete, ndaj fshatarëve që shisnin aq sa për të mbajtur frymën gjallë.
