Publikuar Ne: 7 Prill 2014
49 shikime
AKTUALITET / Lajmet e fundit | By albaniaplus

Nis të martën proçesi i plotësimit të vakancës në AMA

amaKomisioni parlamentar i Medias pas një mbledhje disaorëshe arriti pasditen e së hënës të miratojë me konsensus kalendarin e punës për ditët në vazhdim.

Sipas këtj kalendari, nesër (e martë) komisioni do të nisë shqyrtimin e çështjes së vendeve vakante në Autoritetin e Mediave Audiovizive(AMA), enti që rregullon veprimtarinë e mediave audiovizive dhe shërbimeve mbështetëse të tyre në territorin shqiptar.

Kjo çështje javët e fundit është shoqëruar me debate të forta mes palëve në komisionin e Medias, pasi opozita e djathtë pretendon se në këtë institucion janë vetëm tre vende vakante, ndërsa kryetarja e AMA-s, Endira Bushati ka një mandat pesëvjeçar, që i përfundon në vitin 2016.

Ndërsa, mazhoranca mbështetur në memon e fundit të Shërbimit të Monitorimit të Institucioneve të Pavarura pranë Kuvendit, pretendon për katër vende vakante, ku këtu përfshin dhe vendin e kryetares Bushati. Memoja e hartuar nga parlamenti konstaton se që nga viti 2012 Endira Bushati e drejton AMA-n me një mandat të paligjshëm.

50 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

We use cookies to ensure that we give you the best experience on our website.
Ok