LRI anëtarësohet në Internacionalen e të Rinjve Socialistë

63

ilir-meta-ne-jaleLëvizja Rinore për Integrim nga sot është anëtare me të drejta të plota në Internacionalen e të Rinjve Socialistë (International Union of Socialist Youth-IUSY). Në ditën e dytë të punimeve të Kongresit Ndërkombëtar të Organizatës së të rinjve socialistë që po zhvillohet në Copenhagen të Danimarkës, Lëvizja Rinore për Integrim u zgjodh anëtare me të drejta të plota në IUSY. Prej gjashtë vitesh, Lëvizja Rinore për Integrim është pjesëmarrëse në organizatën e të rinjve socialistë si anëtare me statusin e vëzhguesit. Gjatë kësaj kohe, LRI ka lidhur ura bashkë bashkëpunimi të vazhdueshme me të rinjtë në të gjithë botën.Delegacioni i LRI-së në këtë aktivitet përbëhej nga Kejdi Mehmetaj (N/kryetare e LRI-së dhe deputete e LSI-së në Parlamentin shqiptar), Eriol Braimllari (koordinatori ndërkombëtar), Ira Vejsiu (koordinatorja e strukturës së shkollave të mesme), Eriona Bixha (koordinatorja e strukturës së studenteve), Florian Gjini (përgjegjësi i rrjeteve sociale), Arbër Kaçi (koordinator i studentëve që studiojnë jashtë vendit).

Para pjesëmarrësve nga e gjithë bota, në fjalën e saj të falënderimit në Kongres, deputetja Kejdi Mehmetaj, theksoi nevojën e rritjes së bashkëpunimit midis të rinjve, me qëllim zgjidhjen e problematikave që ata i shqetësojnë, ndërsa nënvizoi dhe rëndësinë e vijimit të punës që po bëhet për të ndihmuar Shqipërinë për të përshpejtuar reformat në rrugën e integrimit europian dhe të bashkëpunimit edhe me vendet e tjera të botës. Deputetja më e re e parlamentit shqiptar, u shpreh se për Lëvizjen Rinore për Integrim, është shumë e rëndësishme që të bëhet më e mira për rininë shqiptare. “Për ne, bashkëpunimi me të rinjtë nga e gjithë bota, është shumë i rëndësishëm. Ne si LRI do të bëjmë më të mirën për rininë shqiptare, për të ndihmuar vendin të ‘ecë më shpejt drejt integrimit’ me pjesën tjetër të botës”, tha Mehmetaj.LRI

Midis të tjerave, përfaqësuesja e Lëvizjes Rinore për Integrim dhe njëkohësisht deputete e Lëvizjes Socialiste për Integrim , deklaroi se për forcën ku ajo aderon, do të mbetet një objektiv parësor mbrojtja e të drejta të të rinjve dhe përfaqësimi i të rinjve shqiptarë në organizatat ndërkombëtare ku LR merr pjesë.

“Besimi për LRI-në është besim për rininë shqiptare. LRI do të punojë gjithmonë për të mbrojtur të drejtat e të rinjve që ato të ndihen të përfaqësuar në organizatat ndërkombëtare ku LRI tashmë është anëtare me të drejtë vote”, deklaroi deputetja Kejdi Mehmetaj.Qëllimi kryesor i këtij Kongresi ka qenë bashkëpunimi midis të rinjve socialistë, për të zhvilluar 15 veprime, ku secila organizatë do të mund që të japë kontributin e saj për të eliminuar varfërinë gjatë 15 viteve të ardhshme. Në kongresin që po mbahet në Danimarkë, pritet gjithashtu që të zhvillohen edhe zgjedhjet për Presidencën e re të IUSY-it.

Objekti i punës së IUSY-t është të nxisë bashkëpunimin global të të rinjve socialiste, për të ndikuar në të ardhmen, për një botë me mundësi të barabarta, të drejtë dhe më demokratike. Përparimi i të drejtave dhe lirive individuale të njeriut në shumë vende është një shqetësim i veçantë për IUSY-in.