Kishim dëgjuar për librin më të vogël në botë, por disa botues në Portugali kanë rivalizuar gazetën më të vogël në planet. Ajo është përjavshmja “Terra Nostra”, e cila me përmasat e saj është bërë zyrtarisht gazeta më e vogël në botë. Ajo ka një gjatësi prej 2.5 cm dhe gjerësi 1.8 cm, e cila është një kopje e përkryer e homologes së saj më të madhe. Ka 32 faqe dhe informacioni që ajo përmban ka lidhje me arqipelagun e Azoreve në Portugali.
Vlera e saj është 2.5 euro, ndërsa për herë të parë është hedhur në shkurt të këtij viti. Rekordi i mëparsham mbahej nga një revistë për fëmijë në Londër e cila kishte një dimension prej 3.2cm X 2.2 cm.
Gazeta më e vogël në botë është portugeze
Të biesh në peshë duke ngrënë akulloren e preferuar të David Gandy
Modeli britanik David Gandy është investuar në botën e reklamave, kryesisht në kompanitë e ëmbëlsirave. Një model joshës, i cili preferon ëmbëlsirat dhe sidomos akulloret. Por, a të dobësojnë akulloret siç edhe parashtron reklama që modeli përfaqëson?
Thuhet, se është e vërtetë, që kjo lloj akullore Wheyhey ( me luleshtrydhe, çokollatë dhe vanilje) të dobëson. Akullorja është pa sheqer, pa gluten dhe ka 66% më pak yndyrë se sa një akullore normale duke lejuar vetëm marrjen e 125 kalorive për 100 ml dhe përmban 22 gr proteina për njësi, e njëjtë me 70 gr të mishit të bardhë të pulës.
Modeli britanik shumë i kërkuar në botën e reklamës, duket se ka krijuar një investim të mirë financiar në botën e ëmbëlsirave.
Forca të RENEA-s sërish në Lazarat
Aksioni i nisur prej disa ditësh në Lazarat vijon edhe sot. Në mbështetje të Policisë së Gjirokastrës, kanë vajtur edhe forca të RENEA-së, që patrullojnë që prej mesnatës së ditës së djeshme në aksin nacional Gjirokastër-Kakavijë. Gjatë ditës së djeshme policia deklaroi se ka shkatërruar një tjetër impiant në të dalë të Lazaratit.
Gjatë ditës së djeshme policia ndaloi 49 punëtorë që shkojnë në Lazarat për kultivimin dhe kujdesen për rritjen e rrënjëve të kanabisit. Vetëm pak ditë pas rikonfirmimit të Lazaratit si prodhuesin më të madh të bimëve narkotike në Shqipëri, policia e Gjirokastrës ka nisur zbatimin e një plani masash që ka për synim bllokimin e mjeteve ndihmëse për kultivimin e kanabis sativa.
Pak ditë parë, raporti i monitorimit të vendit nga ajri tregoi se Lazarati është kryeqendra e kultivimit të bimëve narkotike në Shqipëri ,e një prodhim prej 900 kilogramësh në vit me vlerë 4.5 miliard euro.
Çfarë po ndodh me Lady Gaga?
Këngëtarja e cila kësaj here ka pozuar për Revistën V, është shfaqur tepër e dobët, duke alarmuar fansat e saj. Fotot e realizuara për revistën V, tregojnë një Lady Gaga të dobësuar nga kilet e tepërta që kishte marrë kohët e fundit.
Përgjaket Karaburuni, një i vrarë dhe një i plagosur rëndë
Mediat shqiptare raportuan mëngjesin e sotëm (e enjte) se 60 vjeçari Shedat Vangjeli, nga fshati Dukat i Vlorës ka gjetur vdekjen pasi është qëlluar me armë zjarri nga bariu të cilin e kishte punësuar. I plagosur rëndë ka ngelur edhe baxhanaku i viktimës, i cili ka qenë në ato momente. Sipas informacioneve të para që ka shpërnarë për mediat policia e Vlorës shkaku i sherrit ka qenë pagesa e pretenduar nga bariu dhe që sipas tij nuk ishte shlyer nga punëdhënësi.Paraprakisht mendohet se I riu nga Elbasani vuan nga çrregullime të theksuara mendore. Policia e Vlorës po punon për zbardhjen e plotë të ngjarjes.
Zyrtarët egjiptianë: Rivendoset qetësia në vend
VOA
Zyrtarët egjiptianë thonë se në vend është rivendosur qetësia. Vazhdon të jetë në fuqi gjendja e jashtëzakonshme për orët e natës, e vendosur pasi policia përdori mjetet e blinduara dhe bulldozerët për të shkatërruar dy kampe protestuesish në Kairo.
Qeveria e përkohëshme thotë se 278 vetë, përfshirë 43 policë gjetën vdekjen dje.
Por një zëdhënës për Vëllazërinë Myslimane, e cila kërkon rikthimin në post të ish-presidentit Mohamed Morsi, thotë se 2600 vetë gjetën vdekjen kur policia qëlloi mbi turmën e demonstruesve me armë automatike.
Dëshmitarët dhe gazetarët njoftojnë se trupat e të vrarëve janë dërguar në mjedise të shndërruara në morg të përkohëshme dhe në spitale fushore. Islamistët organizuan protesta edhe në Aleksandri, Minia, Asiut dhe Suez ndërkohë që revoltimi po përhapet.
Qeveria ka paralajmëruar prej ditësh se do të ndërhynte kundër protestuesve, pjesa më e madhe e të cilëve mbështesin zotin Morsi.
Ministri i Brendshëm Mohamed Ibrahim thotë se policia përdori masa minimale force kundër kampeve të protestuesve, duke shfrytëzuar vetëm gazin lotësjellës. Ai fajëson Vëllazërinë Myslimane për atë që e cilësoi si status kaosi në të gjithë vendin. Ai akuzoi anëtarët e kësaj organizate se kishte qëlluar në drejtim të policisë, kishte sulmuar ndërtesat qeveritare dhe kishte djegur kisha.
Vlorë, vritet një person dhe plagoset një tjetër
Tjetër vrasje në Vlorë. Një person ka gjetur vdekjen pasi është qëlluar me armë zjarri, ndërsa baxhanaku i tij është i plagosur.
Sipas të dhënave të para të policisë, ngjarja ka ndodhur në një stan në Karaburun, ku ka mbetur i vdekur shtetasi Sedat Angjeli.
I dyshuar për këtë vrasje raportohet të jetë një bari nga Elbasani dhe pista e parë e hetimit është grindja e krijuar për shkak të një pagese te munguar. Policia po heton për zbardhjen e plotë të shkaqeve të vrasjes.
Arvizu: Qeveria e re ka një mbështetje masive popullore
Ambasdori i SHBA-ve në Tiranë Aleksandër Arvizu ka zhvilluar ditën e djeshme një takim special së bashku me ekipin e tij, me Ministrin e Brendshëm të qeverisë së re Sajmir Tahiri.
Takimi është zhvilluar në ambientet e Partisë Socialiste dhe ka zgjatur rreth 90 minuta.
Gjatë takimit është diskutuar mbi situatën e sigurisë dhe rendit publik në vend.
Ambasadori Arvizu pohoi pas takimit se pritshmëritë për qeverinë e re janë të larta dhe në betejën për rend e siguri, kabineti i Edi Ramës do të ketë mbështetjen e vazhdueshme të SHBA-ve.
“Ne po vazhdojmë të kemi konsultime me njerëzit që do të jenë pjesë e Qeverisë. Natyrisht që Ministria e Brendshme është një aktor kyç. Siç e shihni kemi një staf shumë të madh të Ambasadës këtu. Ne folëm për përparësitë programatike, në përpjekje për të përforcuar sukseset që janë arritur, por gjithashtu Qeveria e re ka një mandat të fortë, të mbështetur masivisht nga populli. Ka disa pritshmëri në fushën e reformave. Ne duam të jemi plotësisht mbështetës për axhendën e integrimit europian të Shqipërisë. Ka disa aspekte strategjike por edhe çështje operacionale të ditës. Natyrisht varet nga Qeveria e re, ata janë të ngarkuar, ne jemi këtu për të qenë një partnerë shumë bashkëpunues. Kjo është ajo që do bëjmë, po këshillojmë”,- tha Arvizu.
Ambasadori Arvizu i është përgjigjur edhe një pyetje të Top Channel në lidhje me trafiqet ilegale apo me aspekte të rendit publik, të evidentuara edhe në raportet e Departamentit të Shtetit.
“Kemi biseduar për disa çështje specifike, sepse natyrisht në çdo demokraci ka disa çështje që prekin qytetarët, siç janë nivelet e krimit, korrupsioni. Kemi biseduar për mënyra se si mund të shkëmbejmë eksperiencat dhe ajo që është më e efektshme është parandalimi i krimit. Krimi është një çështje shumë e vështirë. Ne ndeshemi me të, gjatë gjithë kohës në Shtetet e Bashkuara. Nuk ka një formulë magjike, por gjëja më e rëndësishme është që zoti Tahiri dhe Qeveria e re ta kuptojnë që kjo është një çështje që shqetëson qytetarët shqiptarë, është një çështje për ne, sepse ne duam ta ndihmojmë Qeverinë dhe qytetarët shqiptarë në axhendën e integrimin europian. Pra, për këtë jemi këtu, për të ndihmuar”,- ka deklaruar Arvizu pas takimit.
Gjendje e jashtëzakonshme në Egjipt, Vëllazëria Myslimane: Masakër, 2200 të vrarë
Të paktën 149 manifestues mbetën të vdekur sot, pas një operacioni policor, që filloi për të shpërndarë dy manifestime të përkrahësve të presidentit islamik të larguar, Mohamed Morsi, në Kajro, bënë të ditur burime mediatike vendase.
Ky bilanc, në sheshin “Al-Adawija”, ku manifestuesit janë vendosur për më tepër se një muaj, nuk merr në konsideratë numrin e të vdekurve gjatë protestave të tjera në Kajro, në sheshin “Nahda” dhe as ato gjatë përleshjeve të tjera në vend.
Ndërkohë Vëllazëria Myslimane pretendon se ka të dhëna për të paktën 2200 protestues të vrarë dhe rreth 10 mijë të plagosur.
Zyrtarisht Ministria e Shëndetësisë ka konfirmuar 149 viktima dhe 1403 të plagosur, ndërsa autoritetet kanë shpallur gjendjen e emergjencës për një muaj.
Vëllazëria Myslimane në Egjipt ka kërkuar nga shtetasit e këtij vendi që të dalin në rrugë për “ta ndalur masakrën”, pasi forcat e sigurisë depërtuan në dy kampe islamiste të protestuesve në kryeqytetin Kajro. Kampet janë ngritur nga mbështetësit e presidentit të përmbysur nga ushtria, Muhammad Morsi.
ELBARADEI DORËHIQET NGA POSTI I ZËVENDËS/PRESIDENTIT
Zëvendës/presidenti egjiptian, fitues i çmimit Nobel për paqen, Mohamed ElBaradei, njoftoi se i kishte paraqitur dorëheqjen presidentit të përkohshëm, pas ndërhyrjes së përgjakshme të forcave të rendit për shpërndarjen e manifestuesve mbështetës të Morsit në Kajro.
“U bë shumë e vështirë për mua të vazhdoja të merrja përgjegjësinë e vendimeve me të cilat nuk isha dakord”,- citonte letra e tij drejtuar presidentit të përkohshëm, Adly Mansour.
SHPALLET GJENDJE E JASHTEZAKONSHME PER NJE MUAJ
Presidenca egjiptiane shpalli gjendjen e jashtëzakonshme për një muaj në të gjithë vendin dhe urdhëroi forcat e armatosura që të ndihmojnë Ministrinë e Brendshme për të garantuar sigurinë në vend.
SHTETRRETHIM NË KAJRO DHE 11 PROVINCA TË TJERA
Qeveria egjiptiane vendosi sot shtetrrethim në Kajro dhe 11 provinca të tjera, pas dhunës së ushtruar gjatë ndërhyrjes së përgjakshme të forcave të rendit për largimin e mbështetësve të presidentit të rrëzuar, Mohamed Morsi në Kajro.
“Pasi presidenca shpalli gjendjen e jashtëzakonshme, u vendos shtetrrethim nga ora 19:00 në orën 06:00 deri në një urdhër të ri”, u shpreh një zëdhënës i qeverisë. Këto masa do të zbatohen në Kajro dhe provincat Guizeh, Aleksandri, Beni Sueif, Minya, Assiout, Sohag, Beheira, në Sinain Jugor dhe Verior, Suez dhe Ismailia.
VRITEN NJE KAMERAMAN DHE NJE GAZETARE
Kameramani i “SkyneWs” Mick Deane 61 vjeç, u vra sot në Kajro gjatë përleshjeve mes protestuesve dhe forcave të policisë. Mediat bëjnë të ditur se gazetarja 26-vjeçare e “Gulf News”, Habiba Ahmed Abd Elaziz, ka mbetur gjithashtu e vdekur.
VRITEN VAJZAT E DY LIDERËVE TË LËVIZJES ”VËLLAZËRIA MYSLIMANE”
Asma El Beltagui, vajza e sekretarit të përgjithshëm të partisë ”Drejtësi dhe Liri”, të lëvizjes ”Vëllazëria Myslimane” dhe Hasfa Shater, së bashku me bashkëshortin e saj, vajza e numrit dy të kësaj vëllazërie fetare, Khairaht Shater, aktualisht në burg, kanë mbetur të vdekura në përleshjet e ndodhura në sheshin ”Rabaa el Adaëiya”, njoftuan burime nga ”Vëllazëria Myslimane”.
SHBA SHPREHET KUNDER GJENDJES SE JASHTEZAKONSHME
Shtëpia e Bardhë dënoi sot ashpër përdorimin e dhunës nga ushtria ndaj manifestuesve në Egjipt, duke u shprehur kundër rikthimit të gjendjes së jashtëzakonshme. “SHBA dënon ashpër përdorimin e dhunës ndaj manifestuesve në Egjipt”, – deklaroi zëdhënësi i Shtëpisë së Bardhë, Josh Earnest, duke i bërë thirrje ushtrisë për vetëpërmbajtje.
IMAMI I LARTË I AL AZHAR BËN THIRRJE PËR FUNDIN E GJAKDERDHJES
Imami i Lartë i Al Azhar, Ahmed Al-Tayeb ka bërë thirrje për fundin e dhunës dhe gjakderdhjes, ku u kërkoi të gjitha palëve të shkojnë në rrugën e moderuar dhe dialogun.
Dje, imami u ofrua për të ndërmjetësuar bisedimet mes dy palëve dhe Vëllazëria Myslimane ka deklaruar se do të ishin të hapur për bisedime, por pa Al-Tayeb, pasi imami mbështeti largimin e presidentit Mohamed Morsi nga forcat e armatosura.
ASHTON U BËN THIRRJE FORCAVE TË RENDIT PËR VETËPËRMBAJTJE
Shefja e diplomacisë evropiane, Catherine Ashton, shprehu sot shqetësimin e saj të madh pas ndërhyrjes së përgjakshme të autoriteteve egjiptiane ndaj mbështetësve të presidentit të rrëzuar, Mohamed Morsi duke u bërë thirrje forcave të rendit për vetëpërmbajtje.
“U bëj thirrje forcave të rendit të vetëpërmbahen si dhe të gjithë qytetarëve egjiptianë të mos bien pre e provokimeve të përsëritura dhe të shmangin përshkallëzimin e dhunës”, citon komunikata e Ashton.
“Përleshjet dhe dhuna nuk janë rruga drejt zgjidhjes së çështjeve kyçe politike”, theksoi përfaqësuesja e BE-së për Punët e Jashtme.
Duke theksuar rëndësinë e dialogut mes të gjitha palëve të përfshira, ajo rikujtoi domosdoshmërinë e krijimit të një qeverie civile dhe sigurisë së funksionimit të institucioneve demokratike.
“Në të njëjtën kohë, të gjitha palët duhet të pranojnë përgjegjësinë e tyre në mënyrë që manifestimet të jenë më paqësore dhe t’i jepet fund nxitjes së dhunës”, shtoi ajo.
ERDOGAN: OKB-ja DHE LIDHJA ARABE TË NDALIN MASAKRËN NË EGJIPT
Qeveria turke ka nxitur komunitetin ndërkombëtar të ndërhyjë menjëherë ”për të ndalur masakrën në Egjipt”, theksohej në një komunikatë të kryeministrisë turke, të bërë sot.
”Këshilli i Sigurimit në OKB dhe Lidhja Arabe duhet të ndërhyjnë në mënyrë emergjente për të ndalur masakrën në Egjipt”, deklaroi pak më parë kryeministri turk, Recep Tayyip Erdogan.
“ Penicilina ”, bashkëpunëtor i Sigurimit të Shtetit dhe agjent i UDB – së
Nga Marjan GrykaSali Berisha është një agjent i vërtetuar i UDB – së, që ka hartuar strategjinë e shkatërrimit të kombit shqiptar dhe po e bën atë realitet. Ai ka kohë që është bërë emisar i Serbisë, sëbashku me disa bashkëpunëtorë të tij. Ai po e mban situatën destruktive dhe gjëndjen të tensionuar në Shqipëri, për të sabotuar pavarësinë e Kosovës dhe zgjidhjen e çështjes çame e pronave të shqiptarëve në tërësi.
Kush është Sali Berisha :
Në të kaluarën e hershme, familja e tij është shpërngulur nga zonat e Detit Kaspik, në Rusi, gjatë shpërnguljeve të shekullit 19-të. Atëhere, shumë aradha u larguan nga Rusia duke u dyndur në Europë e sidomos në Serbi. Më pas, shumica e tyre u zhvendosën në Francë.
Në këtë kuadër, nga mbeturinat e mësipërme, mbetën edhe në Shqipëri disa familje të rusëve të emigruar, njëra prej të cilave është familja e Sali Berishës ( mbiemri i së cilës është i huazuar si më i përdorshmi në Kosovë dhe në Shqipëri, duke zëvëndësuar mbiemrin e tyre sllav ).
Mbas vendosjes dhe sistemimit në fshatin Vuçidol të Tropojës, fillon edhe veprimtaria e tyre. Të parët e Sali Berishës i kanë vënë dy herë zjarrin Malësisë së Gjakovës, fakt ky që njihet në Tropojë. Që në atë kohë, persona të kësaj familjeje kanë qenë të lidhur me serbët dhe kanë vepruar historikisht kundër interesave të asaj zone.
Në vitin 1962, Sali Berisha erdhi në Universitetin e Tiranës, në Fakultetin e Mjeksisë. Pasi mbaroi studimet u mbajt në spitalin e Tiranës si mjek kardiolog dhe më vonë si kardiokirurg. Në këtë kohë ai pregatit dokumentat për t’u futur në Parti. Një vëlla i tij, me emrin Selim, kishte mik kryetarin e Degës së Punëve të Brendëshme të Tropojës, Idriz Shehun. Ai i kërkoi Idrizit ta ndihmonte të vëllanë për t’u pranuar në Parti. Idrizi i përgjigjet se në kushtet e Sali Berishës ( me probleme në biografinë e familjes – red ), për t’u pranuar në Parti, duhej që edhe ai ta ndihmonte shtetin me shërbime të veçanta, prandaj ai duhej takuar dhe t’i merrej mendimi nëse ishte dakord kështu. Pas takimit me Saliun në Tiranë dhe pasi mori miratimin e tij, i vëllai ( i cili sot nuk jeton, pasi ka vdekur nga zemra, dhe që ishte i vetmi person pozitiv në fisin e tyre ) u kthye në Tropojë.
Pas kësaj, bashkë me kryetarin e Degës, u nisën me makinën e tij për në Tiranë dhe u takuan me persona të Ministrisë së Punëve të Brendëshme, të cilët e tërhoqën Saliun në bashkëpunim, me pseudonimin “ penicilina ” dhe, pas kësaj, iu miratua edhe kërkesa për të hyrë në Parti.
Në atë kohë ishte rregull që dosja e kuadrit që bashkëpunonte me Sigurimin e Shtetit nuk ruhej në Komitetin Egzekutiv të Rrethit por nga Drejtori në Drejtorinë e Punëve të Brendëshme në Ministri. Kur erdhi në pushtet, jo më kot, Sali Berisha e futi në burg ish Drejtorin në Ministri, Zef Luka, një burrë i ndershëm që e kishte ndihmuar shumë Sali Berishën në zgjidhjen e çdo problemi familjar.
Me këtë rrethanë spjegohet edhe fakti që i nipi i Idriz Shehut ( ish kryetarit të Tropojës ), Baki Shehu, ish gjeneral në kohën e PPSH-së dhe drejtues në PS, një ditë të bukur bëhet deputet i PD-së.
Gjatë kësaj kohe ( para viteve ’90 pra ), Sali Berishës i ishte rritur ndjeshëm temperatura e etheve për pushtet dhe zbatonte me përpikmëri mësimet e PPSH, deri sa u bë sekretar i Byrosë i spitalit. Në këtë kohë filluan t’i shfaqen edhe simptomat e sëmundjes psiqike si deliri i madhështisë, hakmarrjes, etj. Për shkak të kësaj sëmundjeje ai është dërguar nga Partia për mjekim edhe në Austri. Sëmundja mbikqyrej dhe kurohej nga kolegu i tij psikiatër Ylvi Vehbiu.
Në kohën kur Partia merrte nisma për të ndihmuar zonat veriore me mjekë, në një mbledhje të zhvilluar me kolektivin e spitalit, Sekretari i Partisë, Ilir Gjylbegu, kërkoi që kandidatura e Ylviut të mos përfshihej në transferim. Kur u kërkuan sqarime për shkakun e këtij rekomandimi, Iliri spjegoi se Ylviu duhej të qëndronte pasi nuk kishte se kush të mbikqyrte Sali Berishën në sëmundjen e tij. Ky “ sqarim ”, i kushtoi shumë pas 25 vjetësh Gjylbegut, kur Sali Berisha u bë kryetar i PD dhe President i vendit. Presidenti e largoi Gjylbegun nga profesioni për 3 vjet dhe u desh ndërhyrja e miqve që ky mjek, specialisti më i mirë në Shqipëri për profesionin e tij, të rikthehej në punë. Ylvi Vehbiu, me ardhjen e Berishës në pushtet, u largua pa u ndjerë për në SH.B.A. pasi, siç u tha disa shokëve, duke e ditur sëmundjen e Sali Berishës, do të bëhej kurbani i tij i parë. “ Mjerë Shqipëria ” u shpreh Ylviu dhe Sali Berisha bëri çmos për ta gjetur !
Gjatë kësaj kohe, Sali Ram Berisha martohet me Liri Rexhep Ramën. Rexhepin, mbas çlirimit të vendit, bashkë me disa studentë të tjerë i dërguan për studime në Jugosllavi, në Institutin e Fiskulturës. Kur u prishën marrëdhëniet me ish Jugosllavinë, të gjithë studentët u kthyen menjëherë në Shqipëri, ndërsa Rexhepi është kthyer pas disa vjetësh, kur ai u martua me Milicën në Kosovë dhe lindën një vajzë, Sllobodankën. Kur u kthyen në Shqipëri, Sllobodankës ja ndërruan emrin në Liri.
Në Jugosllavi, vjehrri i Sali Berishës, Rexhepi, u tërhoq në bashkëpunim nga UDB-ja. Për këtë ndikoi fakti se motra e Milicës ( e shoqja e Rexhepit, tezja e Lirisë dhe vjehrra e ardhëshme e Saliut ), ka qenë gjatë luftës oficere e OZNA-s ( paraardhësja e UDB-së ) dhe pas çlirimit të Jugosllavisë, kolonele e UDB-së, mbështetëse e Rankoviçit dhe e operacioneve të tij për shfarosjen e shqiptarëve. Djali i saj ( djali i tezes së Lirisë ), gjatë luftës në Bosnje, ishte këshilltar ekonomik i Milosheviçit.
Me këtë spjegohet edhe fakti që krahas detyrave të tjera të ngarkuara, Sali Berisha ngriti edhe shqërinë “ Shqiponja”, për furnizimin me naftë të makinës ushtarake vrastare të Milosheviçit.
Nga operacionet e Sigurimit të Shtetit është zbuluar veprimtaria agjenturore e Rexhep dhe Milica Ramës në shërbim të UDB-së, gjë që vërtetohet nga dosja prej 1200 faqesh e Rexhepit dhe prej 700 faqesh e Milicës, dosje këto që ndodhen në arkivin e SHISH.
Kur erdhi në pushtet, Sali Berisha nuk arriti t’i zhdukte por me anë të Gazidedes mundi të zhdukte dosjen e tij. Edhe Gazidede ishte i rekrutuar nga UDB-ja, i tërhequr në bashkëpunim kur ishte mësues në Peshkopi. Jo më kot Berisha i dha këtij personi pushtet të pakufishëm më 1997-tën. Ai dinte shumë për të. Bashkë me Gazideden, Sali Berisha ka zhdukur edhe shumë dosje të tjera, të cilat i janë dorëzuar UDB-së.
Fatmirësisht, të dhënat e mësipërme për lidhjet familjare të Sali Berishës dhe gruas së tij, janë botuar edhe në gazetën kosovare “ Koha Ditore” në vitet 97-98.
Të kthehemi para viteve ’90, në kohën kur Sali Berisha ka qenë mjek. Në rrethanat që ndodhej, për të arritur pikësynimet e tij, kuptoi se e vetmja rrugë ishte puna këmbëngulëse, aktivizimi intensiv në mbështetje të detyrave të ngarkuara nga Partia dhe bashkëpunimi me organet e Sigurimit. Sa e sa herë, Sali Berisha ka përgatitur ambjentet e spitalit dhe ka zbatuar me përpikmëri operacionet e brendëshme që kryente Sigurimi i Shtetit, duke vendosur teknikën operative përgjuese ndaj kosavarëve arratisur nga Kosova si grupe irredentiste. Në një rast, kur një djalë kosovar i shtruar në spital, që rridhte nga një familje patriotike dhe fisi i tij kishin vuajtur në burgjet e Goli Otokut, u bënë veprime operative për të zbuluar dhe identifikuar personalitetin e tij, me anë të Sali Berishës. Ky e “ identifikoi ” atë si serb ! Kur ai djalë do t’i dorzohej autoriteteve jugosllave në kufi, para se të arrinte atje, u hodh nga një urë dhe theu këmbë e brinjë, vetëm për të mos rënë në dorë të UDB-së. Kosovari nuk u dorzua dhe u verifikua më vonë se ishte vërtet ndryshe dhe u mbajt në Shqipëri.
Nuk janë të paktë mjekët që ka spiunuar Sali Berisha, gjoja për veprimtari të dyshimtë dhe armiqësore. Që nga kjo hë filluan dyshimet ndaj Sali Berishës si agjent i UDB jugosllave.
Në vitet 1991 – 1992 në Shqipëri u dyndën serbë të Kosovës që e njihnin mirë gjuhën shqipe. Ata ishin udhëzuar nga UDB që, duke u hequr si kosovarë dhe na bashkëpunim me agjentët serbë në Tiranë, të kryenin veprime për të ndikuar në popullin shqiptar kundër kosovarëve dhe në fakt, deri në një farë mase, UDB ja arriti qëllimit me anë të seksit, hapjes së lokaleve, shitjes së mallrave me çmime të shtrenjta në një kohë kur në Shqipëri kishte varfëri. Në atë kohë, Sali Berisha dhe mehmet Elezi kanë marrë kontakt me disa prej tyre.
Sado që të flasë pëe ndershmëri, Sali Berisha e di se akoma jetojnë persona që e njohin shumë mirë. Në bazën e filozofisë së tij ka qenë mashtrimi, ves të cilin e përdori dhe po e përdor edhe në politikë. Kjo e rrëzoi nga pushteti në ’97 –tën por ky mashtrim e solli përsëri në pushtet, i mbështetur nga mediat dhe agjenturat e jashtëme.
Me këto ngarkesa në biografi, Sali Berisha e dinte se nuk mund të ecte përpara duke punuar në mjeksi dhe për këtë hodhi hapin e parë duke e rregulluar që stërvitjen ushtarake ta kryente në Brigadën Rezerviste të Gardës. Pas këtij hapi, duke shfrytëzuar Dine Abazin që ishte mjeku i Hysni Kapos, arriti t’a zëvëndësonte atë kur mungonte. Kur ishte provizor tek Hysni Kapua, filloi t’i thoshte djalit të tij, Besnikut, që ta hiqnin Dinen dhe të merrnin Sali Berishën si mjek të familjes. Këtë bisedë Besniku ja thotë Dines dhe pas kësaj, Sali Berishën e vunë në dispozicion të familjes së Simon Stefanit. Gjatë kësaj kohe, Sali Berisha shkonte jashtë shtetit për të bërë analizat e anëtarëve të Byrosë Politike dhe, më vonë, edhe me kurse specializimi 6 e 12 mujore.
Duke ditur edhe lidhjet e mësipërme, UDB filloi në këtë kohë përpunimin e tij në Francë dhe më 30 dhjetor 1974 tërhiqet në bashkëpunim nga shërbimi i fshehtë jugosllav me pseudonimin e dosjes “ Bisturia”, pseudonim ky që duhet të jetë ndryshuar më vonë. “ Bisturia ” është dosja personale e Sali Berishës në arkivat e UDB-së, ku janë depozituar tërë kontributet e tij në interes të UDB – së.
Më vonë, zbulimi shqiptar i dërgon informacion kundërzbulimit ( sigurimit ) se në Shqipëri veprojnë dy kanale të UDB – së : Një kanal kalon nga fshati Vuçidol dhe drejtohet nga një mjek kardiolog ndërsa jë kanal tjetër vepron në Shkodër. Ky dokument firmoset nga zv/drejtori i Sigurimit të Shtetit, Sulejman Abazi. Jo më kot, me të marrë pushtetin, Sali Berisha urdhëroi arrestimin e tij.
Me ardhjen e Demokracisë, Sali Berisha filloi të shkruajë dhe të botojë disa artikuj për demokracinë dhe shoqërohej shumë me Mehmet Elezin, i cili kishte lidhje të ngushta me Elez Biberajn. Në këto rrethana, perëndimit i duhej të zgjidhte një kandidaturë të besueshme që kishte lidhje të forta që më përpara me vëndet perëndimore dhe të ishte nga veriu ( meqë emigracioni më i madh ishte nga veriu, Kosova, Mali i zi dhe Maqedonia ). Në këtë kohë perëndimi kishte paraqitur tre kandidatura që ishin : Ylli Vejsiu, me lidhje familjare në SH.B.A, Aleksandër Meksi, me lidhje në Greqi ( ku gjyshi i tij prift ishte kolonel i Asfalisë greke ) dhe Neritan Ceka me mbështetje gjermane. Por amerikanët, me anë të Rajersonit, i cili ishte komandant i grupeve të emigracionit në Beograd, rekomandoi Sali Berishën për kryetar të Partisë Demokratike, të cilin e mbajtën si të besuarin e tyre dhe e përkrahën më shumë se të gjithë udhëheqësit e Ballkanit, por që në fund ky i tradhëtoi.
Sipas informatave, UDB –ja përdori të gjitha metodat dhe format që Sali Berisha të zgjidhej kryetar i PD –së ( duke përdorur Rajersonin ), për shkak se atëhere CIA financonte Jugosllavinë me fonde për të ushtruar propogandë për të tërhequr bashkëpunëtorë në vëndet e Ballkanit. UDB – ja ka rekomanduar edhe Sali Berishën.
Në garën për kryetar partie midis Meksit, Vejsiut, Cekës dhe Sali Berishës, u ndërhy që të fitonte Berisha por në fakt si kryetar u zgjodh Meksi. Është dashur këmbëngulja e Eduart Selamit që zgjedhjet të përsëriteshin duke dhënë dorëheqjen Meksi dhe për të dalë në krye Berisha. Meksit i premtuan postin e kryeministrit dhe zëvëndës të bëhej Pashko në Qeverinë e Stabilitetit. Pashko ishte ai që gjatë vizitës në Greqi, në takimin me Micotaqisin, tha se Qeveria Shqiptare nuk ka pretendime për Çamërinë.
Sali Berisha ishte beniamin i Amerikës ndër udhëheqësit e lindjes, por ai nuk e justifikoi këtë, për shkak se ai drejtohej nga UDB-ja dhe, pas ardhjes në pushtet, e ktheu Shqipërinë në një vend ku strehohej fondamentalizmi islamik dhe në bashkëpunim me Gazideden strehoi terroristë shumë të rrezikshëm. Për këtë Ai e lejoi atë ( Gazideden ) të krijojnte shoqatën islamike dhe të bëhej kryetar i saj si dhe e anëtarësoi Shqipërinë në Konferencën Islamike. Nga fondamentalizmi islamik ai ka marrë qindra mijra dollarë bakshishe e shumë dhurata të çmuara për gruan e tij, që i mbajnë vetëm gratë e sheikëve dhe që shkojnë me miliona dollarë. Këto probleme i di ish ambasadori ynë në Malajzi, Ferit Hoti.
Sali Berisha ka marrë miliona dollarë për t’u çuar armë palestinezëve më 1996. Ai i nisi avionët me armë, të cilët zbritën me detyrim në Çad dhe u ndaluan të vazhdonin më tej. Urgjentisht ka ardhur në mënyrë sekrete në aeroportin e Rinasit Arafati dhe ka biseduar për gati 1 orë me Sali Berishën, ku e ka kërcënuar se në rast të mos mbrritjes së armëve ose parave të paguara, do ta likuidonte fizikisht. Në këtë kohë dollarët ishin përdorur për qëllime të tjëra. Për të larë këtë borxh ai ndërtoi strategjinë për t’i gjetur këto para. Në shtator 1996 Saliu jep konferencë për shtyp ku deklaron se paratë e shqiptarëve në firma janë më të pastrat, ndërsa disa ditë më parë, FMN kishte dhënë sinjalin për mbylljen e tyre. Pas kësaj pati një vërshim të parave të popullit në firmat piramidale, lekët e të cilave u morën nga qeveria për të shlyer Arafatin. Të tjerat u grabitën nga brenda oborrit të Saliut.
Sali Berisha dha urdhër të arrestohej Sudja, iu morën lëkët, pjesa më e madhe e të cilave u fut në bodrumet e Presidencës, një pjesë u bllokua dhe një pjesë tjetër u grabit nga funksionarë të tjerë.
Mbas disa ditësh, ndërhyn tek Meksi ( kryeministër ) në emër të Sali Berishës, Tritan Shehu, ish Ministër i Jashtëm dhe kryetar i PD, për ta liruar Suden, pr meksi u përgjigj se nuk e kishte futur ai në atë burg.
Sali Berisha është krijues i firmës piramidale Gjallica, me Shemsije Kadrinë, e cila ka qenë shoqe e ngushtë me motrën e Liri Berishës. Ndërsa Gani Kadrija ka qenë oficer i zbulimit dhe përfaqësues tregëtar në Split të Jugosllavisë, mik i ngushtë i Sokrat Plakës ( ish ambasador në ish Jugosllavi dhe ish zv/ministër i jashtëm ) dhe ka të dhëna se ishte tërhequr në bashkëpunim nga UDB-ja. Pikërisht me këtë lidhet fakti që motra e Liri Berishës ( në Jugosllavi ) ishte shoqe e ngushtë me Shemsije Kadrinë, e cila, pas një udhëtimi në Jugosllavi e më pas në Gjermani, si dhe lidhja me ish veliun e Stambollit, të cilit i kishin falimentuar bizneset e tij, bëri të mundur krijimin e firmës piramidale Gjallica. I gjithë ky operacion u iniciua dhe u kamuflua nga UDB-ja.
Ndaj Sali Berishës ka vepruar dhe vepron me intensitet UDB-ja. Zbulimi serb dhe ai grek, në bashkëpunim me njëri tjetrin dhe ndihmën e Sali Berishës, kanë shkatërruar dhe po shkatërrojnë Shqipërinë. Ata nuk shkatërruan vetëm ekonominë nga veriu në jug, por krahas kësaj duan të shkatërrojnë edhe kombin shqiptar. Serbët nga veriu dhe grekët nga jugu filluan zbatimin e planit të tyre.
UDB-ja pregatiti 2 Prillin 1991 dhe vrau në Shkodër, në bashkëpunim me politikanë të PD ( Pjetër Arbnori, Ali Spahia, , z,Ali Kazazi ), Arben Brocin. Arbnori.. këmbënguli dhe e detyroi Brocin të shkonte në protestë. Përpara se të niste protesta, kur sheshi para Komitetit të Partisë së Punës ishte ende bosh, ishin vendosur aty në gadishmëri aparatet e filmimit dhe të televizionit, çka tregonte se diçka do të ndodhte. Gjatë protestës, kur Broci është qëlluar me një pistoletë, një person i quajtur Islam, që ishte afër më Arben Brocin, dëgjoi këto fjalë : “ Zef(igjate sot mik i Agron Kuliqit), pse ma bëre këtë ?” Kur ky person pa që Broci ra në tokë i mbuluar me gjak, e mori në krah dhe e çoi në spital, ku mjek roje ishte bashkëpunëtori i Sigurimit, Ali Spahia. Sipas Islamit ….. deri në spital Broci nuk kishte vdekur, por ishte gjallë. Ai dyshoi se Spahia realizoi vdekjen e Brocit, sepse Spahia tha “ vdiq, çojeni trupin në shesh”! Të gjitha këto fakte flasin për një plan të parapregatitur në mënyrë të hollësishme. Jo më kot, pas disa ditësh, në të gjitha muret e Shkodrës u shkruajtën parrulla se Arben Brocin e vranë Pjetër Arbnori dhe , si përfaqësues të Berishës.
Sali Berisha futi hasmërinë dhe gjakmarrjen midis fiseve të cilat, për dhjetra vjet, UDB-ja nuk kishte mundur t’i bënte agjentë të saj. Të vrarët në Tropojë nga kjo armiqësi janë me dhjetra. Pse nuk shkon Sali Berisha në vendlindjen e tij ? Ndërsa grekët në jug filluan të shkatërrojnë ekonominë dhe të bëjnë gjithçka sipas synimeve të tyre aneksioniste.
Plani i tyre për shkatërrimin e kombit shqiptar ishte konflikti veri – jug. Për këtë u ngritën firmat piramidale dhe u lejua fondamentalizmi islamik. Kunati i Sali Berishës, Agim Rama, Drejtor prej shumë vitesh në Bankën e Shtetit, është pronar pallatesh nga të cilat fiton qera të majme, pronar i teleferikut në malin e Dajtit, pronar i telesportit ( i fshehur pas Met Sulajt ). Po kush është ai që e bëri kaq të fuqishme këtë familje ? Mbështetja e tyre ka qenë UDB-ja.
Berisha, , Pjetri dhe Ali Spahia kanë shkuar në Francë në vitin 1994 dhe ilegalisht janë futur në Ambasadën Jugosllave, ku janë takuar me oficerë të UDB-së. Në aeroport ata janë përcjellë vetëm nga shoferi i Ambasadës i cili nuk ishte serb por shqiptar. Ky person, i cili nuk i njihte ata, kur i ka parë në televizion, ka thënë se i njeh dhe se kanë marrë në ambasadën Jugosllave 17 milion dollarë dhe se janë tradhëtarë të kombit shqiptar. Këtë e vërteton edhe diskutimi që është bërë në parlamentin Jogosllav ku Shesheli i kërkoi sqarime Milosheviçit se ku kanë shkuar 17 milion dollarë dhe ky i fundit iu përgjigj : “ Shikoje Shqipërinë si është djegur dhe se si vriten me njëri tjetrin dhe ne mund t’i pushtojmë vetëm me shoqatën e gjuetarëve të Serbisë. Po të jepnin dorëheqjen Sali Berisha dhe Meksi më 1997 –ën dhe të dorëzohej pushteti në mënyrë institucionale, nuk do të kishin ndodhur ngjarjet që shkatërruan Shqipërinë. Kjo kërkon analizë të hollësishme në të ardhmen.
Berisha, për të marrë pushtetin ka bashkëpunuar me përfaqësues të zbulimit grek dhe vëndeve arabe duke bërë për këtë çdo lëshim. Ai i ka paguar 28 milion dollarë një shoqërie amerikane, për t’ bërë fushatën elektorale dhe ndërmjetës ka qenë Mero Baze.
Sipas një burimi shumë të besuar, shumë shpejt, lobi shqiptar në Amerikë do ta hedhë në gjyq këtë firmë.
Me rikthimin në pushtet më 2005, ai me bashkëpunëtorët e tij po vazhdon të sabotojë çështjen shqiptare, po shkatërron më tej shtetin. Këta janë kundër pavarësisë së Kosovës dhe do të përpiqen ta pengojnë këtë zhvillim, me çdo kusht.