Haxhinasto: Qeveria liberalizim tregut të aviacionit, qytetarët udhëtime me kosto të ulëta

By

-

Ministri i Transportit dhe Infrastrukturës, Edmond Haxhinasto në një komunikim me mediat ka deklaruar se, qeveria do të hapë tregun e aviacionit ndaj operatorëve të tjerë, në mënyrë që qytetarët të kenë shërbim cilësor dhe me kosto të ulët.

“Shpreh vendosmërinë e qeverisë për ta hapur tregun e aviacionit ndaj operatorëve të tjerë në përputhje me ligjin dhe direktivat e BE, që qytetarëve t’u ofrohet shërbim cilësor dhe me kosto të ulët”- tha Haxhinasto.

Sipas Ministri Haxhinasto, ajo çfarë ka ndodhur me Belle Air nuk ka lidhje me bllokimin e llogarive, por kompania është keqmanxhuar në mungesë transparence të plotë duke mos plotësuar detyrimet.

“Nuk ka bllokim të llogarive. Ajo që ka ndodhur është situatë e krijuar nga keqmenaxhimi i kompanisë, mungesa e theksuar e transparencës dhe mos plotësimi i detyrimeve. Ndonëse është një situatë e privilegjuar duke kontrolluar 50 % të tregut të fluturimeve, Belle Air ka një detyrim të hershëm. Pavarësisht prej kësaj janë bërë përpjekje maksimale për të evituar ditën kur kjo kompani të mos ishte e aftë të realizonte detyrimet qytetarëve,”-deklaron Haxhinasto.

Gjermania ndalon përdorimin e iPhone për klasën politike

By

Albania Plus

-

Nën tronditjen e përgjimeve masive amerikane nga NSA, Gjermania vendos marrjen e masave në lidhje me aparatet telefonike që përdoren. Komunikimet profesionale duhet të kalojnë tashmë nëpërmjet një aparati të kriptuar.

Dy partitë gjermane në pushtet Partia Social Demokrate dhe Unioni Kristian Demokrat kanë vendosur përdorimin e atyre aparateve, që mundësojnë sigurinë e komunikimeve dhe kjo falë programeve të kriptimit ultra perfekt, që duhet paraprakisht të aprovohen nga Zyra Federale e Bonit, mbi sigurinë e informacionit.

“Bisedat tona dhe infrastruktura e komunikimeve duhet të jenë të sigurta”,- kishte deklaruar gjatë skandalit qeveria gjermane.

Dhe fatkeqësisht për markën e ‘Apple’ programi i zgjedhur nuk është i përputhshëm me telefonin e famshëm. Thirrjet telefonike dhe mesazhet nëpërmjet këtij aparati, do të jenë të ndaluara në gjirin e Parlamentit gjerman.

Gjermania nuk i ka përjetuar mirë zbulimet e spiunimit për një periudhë të gjatë të Anxhela Merkel, që prej vitit 2002, kur ajo nuk ishte akoma në postin e kancelares. Gjermania është dhe një nga vendet ku është diskutuar dhe një dhënie e mundshme e statusit të azilantit politik personit, që zbardhi këtë përgjim masiv, Edward Snowden. Gjermanët në 60% sipas sondazheve e shikojnë Snowden si hero, ndërsa vetëm 14% prej tyre e shikojnë si një kriminel.

Vjenë, Rama takim me Fischer: Austria mbështetje Shqipërisë për në BE

By

Albania Plus

-

Kryeministri Edi Rama ka zhvilluar ditën e sotme një takim me Presidentin e Austrisë Heinz Fischer. Sipas njoftimit të zyrës së presidencës, gjatë këtij takimi në Vjenë, Kryeministri Rama ka falënderuar Presidentin Fischer për ndihmën e vazhdueshme, që Austria i ka dhënë Shqipërisë. Kryeministri Rama e njohu gjithashtu Presidentin Austriak me reformat e ndërmarra nga Qeveria shqiptare, sidomos në luftën kundër krimit të organizuar dhe korrupsionit.

Një tjetër moment i rëndësishëm i bisedës, sipas njoftimit të presidencës, ishte edhe integrimi evropian i Shqipërisë, proces për të cilin Presidenti Fischer ofroi mbështetjen e Austrisë.

Duke folur për situatën në rajon, vazhdon njoftimi, Kryeministri Rama theksoi se viti 2014 do të jetë i pari vit me një paqe të plotë në Ballkan. Ai nënvizoi se ky moment i ri për rajonin duhet shfrytëzuar për të forcuar bashkëpunimin ekonomik mes vendeve, si edhe për të përshpejtuar proceset integruese në BE.

Presidenti Fischer përgëzoi Kryeministrin Rama për punën e deritanishme dhe njoftoi vizitën e tij në Tiranë brenda vitit 2014.

Edi Rama ndodhet në Vjenë për një vizitë njëditore, i shoqëruar nga Ministri i Zhvillimit Ekonomik Arben Ahmetaj. Ditën e sotme, Kryeministri Rama do të mbajë një fjalim edhe në Forumin Ekonomik të Vjenës.

PD: Rama me gjakftohtësi kriminale, po lë shtresat në nevojë pa festat e fundvitit

By

Albania Plus

-

Partia Demokratike ka akuzuar sot qeverinë Rama, se me një gjakftohtësi absurde kriminale ka lënë personat në nevojë, pa asistencë ekonomike, duke i lenë këto të fundit në pamundësi për të festuar festat e fund vitit.

Ndonëse skema e abuzimit nga Ministria e Punës në kohën e qeverisjes Berisha, pikërisht me fondet e ndihmave për këtë kategori në nevojë është zbardhur dhe Prokuroria ka proceduar me arrestime dhe hetime të mëtejshme, kjo nuk e ka frenuar PD-në të akuzojë qeverinë Rama, se me fondet që i ka lënë ajo, ka mjaftueshëm edhe buxhet për këtë kategori në nevojë.

“Sot, kryeministri Edi Rama konfirmoi zyrtarisht se personat me aftësi të kufizuar, të verbrit, paraplegjikët e tetraplegjiket, personat në nevojë dhe ata që marrin asistencë ekonomike për papunësinë, nuk do të festojnë as Krishtlindje, e as Vitin e Ri. Qeveria si asnjëherë më parë në këtë vend, u mohoi atyre festën duke mos u dhënë shpërblimin, që u takon e me të cilin ata jetojnë. Lajmin e dha Ministri Erion Veliaj sot, me një gjakftohtësi absurde kriminale, kur tha se pagesat e prapambetura do të merren vetëm nga janari 2014″- tha deputetja Vokshi.

Ndonëse Vokshi nuk citon arsyen se pse qeveria është detyruar të marrë borxh, ajo e akuzon atë se nga 220 milionë dollarë e marrë borxh, harroi të linte fondin prej 2-3 milionë dollarë për këtë kategori në nevojë.

“Me rishikimin që i bëri buxhetit, duke e zhytur vendin në borxhe, thjesht harroi të parashikonte vetëm 2-3 milionë dollarë për të verbrit, paraplegjikët, tetraplegjikët apo për të papunët nga plot 220 milionë dollarë që mori borxh. Qeveria harroi Personat me Aftësi të Kufizuara dhe të papunët, por nuk harroi të akordonte fonde për shpenzimet e Kryeministrit, të ministrave, për udhëtime, dieta e rregullime zyrash etj,”- tha ajo.

‘Belle Air’ pezullon fluturimet

By

Albania Plus

-

Kompania ajrore “Belle Air” bëri te ditur se pezullon përkohësisht fluturimet e saj për shkak të situatës ekonomike, ndërsa me qindra pasagjerë kanë mbetur nëpër aeroportet italiane.

“Pas tetë vjet operimesh të suksesshme nga Shqipëria drejt destinacioneve evropiane dhe anasjelltas, kompania ‘Belle Air’ është detyruar të pezullojë përkohësisht fluturimet e saj. Arsyet që na çuan në këtë pezullim janë situata e përgjithshme ekonomike, rënia e fuqisë blerëse, recesioni në tregjet kryesore ku operojmë, si edhe bllokimi prej më se 18 ditësh i të gjitha llogarive bankare të kompanisë Belle Air”, bën te ditur kompania.

Nderkohe 200 persona qe mbeten ne Verona te Italise, e kaluan naten ne nje hotel ndersa sot jane nxjerre jashte dhe shume prej tyre e kane edhe te pamundur te presin bileta me linjat e tjera per t’u kthyer ne Shqiperi. Top Channel kontaktoi me pasagjeret te cilet thane se nuk ishin njoftuar për këtë anulim.

Protestë në aeroportin ‘Nënë Tereza’

Një grup prej 500-600 personash po protestojnë në ambientet e aeroportit “Nënë Tereza” për shkak se deri të dielën në mbrëmje pas orës 20:00 ata kanë blerë biletat e kompanisë “Belle Air”, por sot nuk mundet të udhëtojnë.

Janë rreth 10 linja ajrore që janë pezulluar që shkonin drejt disa qyteteve italiane dhe greke. Sipas udhëtarëve, pas mesnatës atyre u ka mbërritur një SMS, që i ka njoftuar për pamundësinë për të udhëtuar me linjën e “Belle Air” dhe se kundrejt një pagesë shtesë prej 60 eurosh, mund të realizohej udhëtimi përmes një tjetër kompanie. Por deri në këto momente nuk ka patur asnjë reagim tjetër, në rast se këta udhëtarë do të mund të largohen nga Shqipëria apo jo.

Burime pranë aeroportit bëjnë me dije se u kanë kërkuar qytetarëve të ruajnë qetësinë, pasi shpejt do të gjendet një zgjidhje për ta./TCH/

Ish Agjenti 007 duke bërë pazar në tregun fshatar

By

Albania Plus

-

Ish agjenti 007, Pierce Brosnan është duke përshtatur paraqitjen e tij me atë të një profesori në filmin, që i duhet të luajë “Si të bësh dashuri,si një anglez”.

60-vjeçari Brosnan është fotografuar së bashku me gruan e tij Keely Shaye Smith, duke bërë pazar në tregun e fermerëve në Malibu këtë të diel. Çifti është i martuar prej 13 vitesh dhe kanë dy djem së bashku, Dylan 16 vjeç dhe Paris 12 vjeç, ndërsa Pierce ka gjithashtu edhe një djalë me ish gruan Casandra Harris, Sean 30 vjeçar.

Përplasje bandash shqiptare në Athinë, një i vdekur dhe një i plagosur

By

Albania Plus

-

Përplasja e dy bandave shqiptare në Athinë, ka sjellë si pasojë humbjen e jetës për një shqiptar dhe plagosjen e një personi të dytë.

Policia greke nuk ka bërë akoma të ditur identitetin e shqiptarit të vrarë, i cili është qëlluar me gjashtë plumba në shpinë si edhe me goditje me thikë. Personit që ka humbur jetën, i është gjetur në dorë një pistoletë dhe një armë kallashnikov si edhe një tjetër pistoletë tek këmbet e tij. Ndërsa për personin e plagosur rëndë policia greke ka njoftuar se është dërguar me urgjencë në spital.

Përplasja ka ndodhur mbrëmjen e djeshme në kryqëzimin e Themistokliut dhe Koletit në Athinë. Media greke, shkruajnë se bëhet fjalë për ish-të dënuar, të cilët janë të armatosur dhe kanë një arsenal armësh.

Reforma në administratën publike, Sequi: Brukseli i angazhuar në proces

By

Albania Plus

-

Në seminarin e organizuar ditën e sotme në Tiranë, nga Ministria e Inovacionit, me temë “Reforma në Administratën Publike” ka qenë prezent edhe Ambasadori i BE, Ettore Sequi.

Ministrja e Inovacionit Milena Harito ka deklaruar se, reforma në administratën publike do të hartohet në përputhje me ligjin dhe se deri më 30 dhjetor do të ketë mbaruar faza e konsultimeve me grupet e interesit.

“Të gjitha aktet nënligjore janë rishikuar nga ekspertët dhe do të konsultohen me grupet e interesit brenda datës 30 dhjetor. Deri në 15 janar pritet të mbyllet procedura për dërgimin e tyre në këshillin e ministrave për tu miratuar”, -tha Harito.

Ndërsa ambasadori i BE-së, Ettore Sequi ka deklaruar se reforma në administratën publike është e rëndësishme dhe se vëmendja e Brukselit do të jetë e lartë. Sequi theksoi se, administrata publike duhet të jetë e qëndrueshme e paanshme dhe e papolitizuar.

“Interesi rreth kësaj çështjeje është mjaft i madh. Kolegët në Bruksel do të jenë mjaft të angazhuar me reformën në administratën publike. Reforma ka një rëndësi shumë të madhe për cilësinë e shërbimeve para qytetarëve dhe administrata publike duhet të jetë e qëndrueshme, e paanshme dhe e papolitizuar”, tha Sequi.

“Xhihadi i Kosovës” policia zbulon origjinën e-mailit kërcënues

By

Albania Plus

-

Letra kërcënuese e 12 nëntorit në drejtim të Policisë së Kosovës nga i ashtuquajturi “Xhemati i Teuhidit dhe Xhihadit në Kosovë” dyshohet të jetë dërguar nga fshati Bresalc i komunës së Gjilanit, aty ku edhe e kanë prejardhjen tre nga gjashtë të arrestuarit për përgatitje të terrorizmit.

Gjashtë personat janë arrestuar më datën 5 nëntor të këtij viti në Prishtinë e Gjilan nën dyshimin se po përgatisnin një sulm terrorist. Siç shkruan “Zëri”, gjashtë ditë pas arrestimit janë publikuar në detaje arsyet e arrestimit të tyre dhe armatimi që të dyshuarve u është gjetur në ditën e arrestimit.

Një ditë më vonë policia ka marrë një e-mail kërcënues nga “Xhemati i Teuhidit dhe Xhihadit në Kosovë” të cilët përmes postës elektronike kanë kërkuar lirimin e gjashtë të arrestuarve. Në të kundërtën, policia do të pësonte sulme nga ky grup.

Që në ditën e marrjes së këtij e-maili, Policia e Kosovë ka nisur hetimin në disa pista për të vërtetuar se prej nga është dërguar e-maili kërcënues.

“Policia e Kosovës po heton në disa pista të dyshimta e që njëra nga to është fshati Bresalc i komunës së Gjilanit”, ka thënë një burim i gazetës Koha, teksa ka konfirmuar se deri më tani nuk ka ndonjë të arrestuar në lidhje me këtë kërcënim.

Sipas vendimit mbi të cilin është caktuar paraburgimi ndaj gjashtë personave, nga fshati Bresalc janë tre nga gjashtë të arrestuarit, Valon Shala, Genc Selimi e Musli Hyseni, derisa i arrestuari tjetër Ardian Mehmeti jeton në Gjilan, si dhe Nuredin Sylejmani e Bekim Mulolli në Prishtinë.

“Disa ditë pasi që i kanë arrestuar djemtë, policia ka qenë sërish në fshat dhe e ka kontrolluar njërën nga dy zyrat prej të cilave shpërndahet interneti në Bresalc”, ka treguar njëri nga banorët.

Gjashtë të arrestuarit e 5 nëntorit do të qëndrojnë në paraburgim së paku një muaj, ngase kështu ka vendosur Gjykata Themelore e Prishtinës në vendimin për caktimin e paraburgimit.

Ukrainë, dhunë policore ndaj manifestimeve pro-europiane

By

Albania Plus

-

Mijëra ukrainas të cilët janë mbledhur për të protestuar, duke tentuar të futen në selinë qeveritare, janë goditur me shkopinj gome dhe gaz lotues nga forcat policore të Ukrainës. Opozita raporton një shifër prej 100 mijë persona, ndërkohë që autoritetet bëjnë fjalë vetëm për 20 mijë të tillë. Por, ajo që konstatohet është se, këto janë protestat më të mëdha që prej revolucionit portokall të 2004-s.

Shkak për këto protesta, është bërë Presidenti i vendit Ianoukovicth, i cili refuzoi të nënshkruante një marrëveshje historike, që përforcon lidhjet midis kësaj ish Republike sovjetike dhe Bashkimit Europian. Ai është akuzuar, se i është dorëzuar presionit ekonomik të Moskës dhe kryesisht ‘kërcënimit mbi çmimet’ të gazit rus, për të cilën Ukraina ka nevojë.

Shumë drejtues të opozitës, ku një prej tyre është edhe ish boksieri Vitali Klitschko, kanë kërkuar që t’i rikthehen vendimit, përpara Sometit Europian të Vilnusit të enjten dhe të premten.

“Misioni ynë është të bllokojmë qeverinë deri sa qeveria të anulojë vendimin e saj të turpshëm dhe të hapi rrugën drejt Bashkimit Europian”,- ka deklaruar një nga liderët e opozitës.

Protestuesit kanë vendosur të rezistojnë, duke qëndruar nëpër sheshe edhe pse, mund t’u duhet të flenë nëpër çadra. Ukraina është e vendosur në rrugën e hapjes drejt perëndimit pavarësisht rreziqeve që mund të përballet.