Shëndetësisë, Ilir Beqaj, në një koferencë për shtyp ditën e sotme tha se “në listën e barnave spitalore këtë vit, por edhe vitet e tjera ka midis tyre dhe barna të vetme, pra barna për të cilat nuk ka një alternativë të dytë apo të tretë”.

Gjatë analizës me shifra të mënyrës sesi funksionon sistemi i barnave, Ministri Beqaj u shpreh se “ka raste kur jo vetëm një barn është i vetëm, por edhe distributorët dhe depot farmaceutike janë të vetme. Pra, për këto barna në Shqipëri nuk ka prokurim. Nëse ligji i prokurimit kërkon të ketë konkurrencë, kur një barn është i vetëm dhe një distributor është i detyruar të pranojë çmimin që regjistron kompania”.

“Për barnat unuk nuk ka tendera”, bëri të ditur ministri ndërsa shtoi se gjatë vitit të kaluar, u blenë vetëm 327 barna “Por çdo vit në Shqipëri kanë hyrë edhe barna të paregjistruar”, shtoi Beqaj.

Më tej Ministri tha se “tregtimi i barnave është një proces i rregulluar tashmë. Në Shqipëri do të hynë barna në mënyrë të kontrolluar pasi do të regjistrohen me të gjitha detajet qoftë për një barë të vetëm”.

“Lejimi i importit të barnave të paregjistruara në rrethana të caktuara është kompetencë që ligji i barnave ia jep ministrit të shëndetësisë.Për më tepër, kjo gjë bëhet edhe më e domosdoshme, në kushtet kur në tenderat që po realizohen, për shumë barna të regjistruara, madje me disa alternative, nuk ëshë paraqitur asnjë ofertë. Edhe pse shumat nuk janë të vogla, kompanitë nuk ofertojnë.Gjithashtu, prej disa vjetësh të gjitha vaksinat dhe barnat antiretroviralë vijnë në Shqipëri me leje importi”, deklaroi Beqaj.

“Proçedura e barnave spitalore është nje proçedurë që zgjatet sepse ka disa kufizime praktike.Për 2014-ën po prokurojmë 525 barna.Pra, lista është rritur me 198 barna përkundrejt 327 që përfshiheshin në 2013″, deklaroi ai.

“Nuk mund të bëjmë një tender, por disa tendera. Ndaj zgjat procedura”, u shpreh Beqaj.

Ministri tha se fondi limit i barnave spitalore për vitin 2013 ishte 1,319,105,000 lekë, përkundrejt 1,520,017,000 lekë që u bë në 2014.Pra, fondi i barnave është rritur me 15.2%.

Lidhur me kriteret e procedurave tw prokurimit të barnave për përdorim spitalor për vitin 2014, ministri sqaroi se “për medikamente te paregjistruara për qarkullim në territorin e Shqipërisë, kërkohet që ato të jenë të regjistruara në një nga vendet e Bashkimit Europian, Zvicër, SHBA, Japonisë, Kanadasë, Australisë, ose barna te prodhuara dhe të regjistruara për qarkullim në vendet e Ballkanit. Për këtë ofertuesi duhet të paraqesë deklaratën me anë ne të cilës të konfirmohet regjistrimi i medikamenteve që ofron në një nga vendet e mësipërme. Në deklaratë duhet të specifikohet emir dhe adresa e plotë institucioneve të autorizuar që kanë bërë regjistrimin e barnave për qarkullim në një nga vendet e sipërcituar, data e regjistrimit si dhe periudha e vlefshmërisë së regjistrimit”.

Duke nënvizuar se përcaktimet e Pikës 6 sigurojnë që të mos cënohet siguria e barnave që vijnë në Shqipëri, Ministri Beqaj sqaroi se për specifikat e importimit të barnave në Shqipëri, pavarësisht nëse janë për nevoja spitalore apo ato të tregtimit të barnave në farmaci, çdo sasi e importuar shoqërohet me çertifikatë origjine, fletë analizash, faturë fiskaledhe listë paketimi, praktikisht, të njëjtat dokumenta që kërkohen edhe për një bar të regjistruar.

Kryetari i Partisë Demokratike gjatë mbledhjes së grupit u shpreh, se qeveria ka të njëjtat informacione nga rrugë zyrtare siç i ka edhe opozita në lidhje me implikimin e Forcave të Armatosura në trafikun e drogës.

“Ata kanë akuzuar opozitën se po shpifte. Nuk është hera e parë dhe as e fundit, që kjo qeveri është në armiqësi me transparencën dhe mirëqeverisjen. Informimi është një e drejtë e qytetarëve. Për këtë arsye deputetët tanë kanë kërkuar një seancë dëgjimore me ministren e Mbrojtjes. Kryeministri ngado që sillet dhe ngado që të përdridhet nuk i ikën dot detyrimit për t’u përgjigjur se, çfarë ka bërë me informacion që të ngre mornicat, me informacionet e policisë, me atë të partnerëve tanë”, nënvizoi gjatë fjalës së tij, kreu i PD-së, Basha.

“Nuk tërhiqemi për asnjë arsye nga kërkesa për transparencë në Kuvend. Kjo është një çështje që ka të bëjë me kapjen apo jo të qeverisë nga krimi i organizuar. Janë informacione zyrtare që posedojmë ne dhe qeveria. Ne s’kemi akuzuar dhe nuk kërkojmë përgjigje nga FA, dinjitetin e të cilëve e kemi ngritur me anëtarësimin në NATO. Nuk po vëmë njolla, por po duam të heqim njollat që kanë lënë trafikantët, sipas informacioneve që kemi të dyja palët”, tha kreu opozitës.

Ai e ka cilësuar qesharake kërkesën e mazhorancës për ngritjen e një komisioni hetimor në lidhje me akuzat për përfshirje të Forcave të Armatosura në trafikun e drogës. Basha theksoi se, mazhoranca po mban qëndrimin e dikujt “që e ka mizën nën kësulë”.

“Të enjten e kaluar u munduan të silleshin si gaztorë, këtë të enjte kanë paralajmëruar të sillen si të shkalluar. Duan të hetojnë pse e tha ai që e pa, pse nuk mbyllën sytë specialistët në ushtri apo Policinë e Shtetit, pse e panë. Duan t’i japin mësimin e heshtjes këtyre punonjësve dhe përmes tyre edhe drejtësisë”,- deklaroi Basha.

Dy ditë më parë, maxhoranca zyrtarizoi kërkesën për ngritjen e një komisioni i cili kërkon “zbardhjen e plotë të motiveve dhe arsyeve, verifikimin e plotë të fakteve dhe të provave që provojnë ose përgënjeshtrojnë akuzat e artikuluar publikisht nga përfaqësues të lartë politikë kundrejt Forcave të Armatosura për vënien në dispozicion të infrastrukturës së ushtrisë për veprimtari kriminale: transport i lëndëve narkotike”.