Pavarësisht natyrës së trazuar të zgjedhjeve të vitit të shkuar, monitoruesit ndërkombëtarë do të kenë një rol kryesor në zgjedhjet e 8 qershorit, për të siguruar zbatimin dhe respektimin e procesit demokratik.
Bashkimi Europian do të caktojë më tepër se 60 vëzhgues për monitorimin e zgjedhjeve kombëtare në Kosovë, ndërsa misione të tjera ndërkombëtare po planfikojnë të dërgojnë më tepër monitorues. Përveç BE-së, edhe Ambasada amerikane në Prishtinë ka vendosur të dërgojë disa vëzhgues në të gjithë Kosovën.
Numri i përgjithshëm i vëzhguesve kombëtarë dhe ndërkombëtarë mbetet i paqartë, pasi ka ende kohë për t’u certifikuar nga Komisioni Qendror i Zgjedhjeve në Kosovë. Pas luftës së Kosovës, zgjedhjet janë monitoruar vazhdimisht, për shkak të shqetësimeve për trazira.
Për zgjedhjet e këtij viti, Demokracia në Veprim, DnV, një OJQ në Kosovë ka bashkëpunuar me Handikos për të siguruar që individët me nevoja të veçanta do të kenë mundësinë për të marrë pjesë në zgjedhje. DnV ka trajnuar rreth 2800 vëzhgues për të ndjekur zgjedhjet dhe pritet që 350 prej tyre t’u shërbejnë njerëzve me nevoja të veçanta.
