Publikuar Ne: 29 Janar 2014
73 shikime
Lajmet e fundit / RAJONI | By albaniaplus

Hollande i thotë “Po” Turqisë në BE

BE.1Presidenti i Francës, Francois Hollande, ka mbështetur Turqinë në lidhje me anëtarësimin e saj në Bashkimin Evropian. “Pavarësisht rezervave të fundit që presidenti Hollande ka shprehur ndaj masave që qeveria turke ka marrë ndaj policisë dhe sistemit të drejtësisë, duket se ai po përkrah idenë që Turqia të vazhdojë rrugën drejt BE-së, -shkruan “Reuters”.

Hollande ka deklaruar se Turqia duhet t’i vazhdojë negociatat me BE-në, pasi bisedimet do të ndihmojnë për të trajtuar çështje të tilla si sundimi i ligjit, pavarësia e gjyqësorit, ndarja e pushteteve dhe respektimi i të drejtave themelore të individit. “Procesi duhet të zhvillohet dhe të trajtojë të gjitha temat e vështira, tema të cilat janë të vështira por edhe të nevojshme”, -u shpreh Hollande në një konferencë të përbashkët për shtyp me presidentin turk, Abdullah Gul.

“Negociatat nuk përfshijnë anëtarësimin. Çështja e anëtarësimit do të vendoset nëpërmjet referendumit”, -ka thënë më tej presidenti Hollande. Këtë gjë e ka konfirmuar dhe presidenti i Turqisë, duke thënë se “procesi i negociatave nuk nënkupton një anëtarësim të plotë. Ne shpresojmë që të mos kemi një bllokim politik”.

74 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Optimization WordPress Plugins & Solutions by W3 EDGE
We use cookies to ensure that we give you the best experience on our website.
Ok