Ndërron jetë në spitalin rajonal të Fierit, i riu që mbeti i plagosur nga të shtënat me armë në autobusin e linjës Athinë- Tiranë.
23-vjeçari Laurent Tabaku nga Elbasani iu nenshtrua nderhyrjes kirurgjikale, pasi plumbat i kishin pershkruar organet e brendshme te tij, por bluzat e bardha nuk arritën ta mbanin në jetë duke u shuar pasditen e sotme.
Ngjarja e rëndë u regjistrua rreth orës 1:00 pas mesnate ne Mogila te Tepelenes, pjese e aksit Gjirokaster- Fier, ku 22 pasagjere te cilet po udhetonin me autobusin e linjes Athine-Tirane jane terrorizuar, kur persona te armatosur i kane prere rrugen automjetit me qellim grabitje.
Fillimisht autoret kane qelluar ne ajer me qellim qe drejtuesi i autobusit te ndalonte, gje e cila nuk ka ndodhur.
Kjo do te mjaftonte qe grabitesit te mos kursenin plumbat ne drejtim te automjetit, ku si pasoje dy persona kane ngelur te plagosur Laurent Tabaku dhe 19-vjeçarja Q.Dihani, ku kjo e fundit pas mjekimit te marre ka dale nga spitali.
Forcat te Nderhyrjes se Shpejte ne bashkepunim edhe me efektivet e komisariatit Gjirokaster dhe Tepelene kane bere te mundur shoqerimin e 9 personave, te cilet dyshohen te jene autoret e ngjarjes.
Ndërkohohë policia e shtetit ka vënë në dispozicion 10 mijë euro, për cilindo person që mund të ketë informacion rreth autorëve të sulmit, që mund të çojë në identifikimin dhe kapjen e tyre.
Personat që kanë dijeni mbi autorët e sulmit të autobusit mund të telefonojnë në numrin e vënë në dispozicion 0694102732.
