Kryeministri grek Antonis Samaras viziton sot zonat e dëmtuara nga tërmeti në ishullin e Kefalonias.
Kryeministri do të inspektojë nga afër situatën dhe do të shohë përmasat e katastrofës që u shkaktuan nga tërmeti i së dielës.
“Doja të shija me sytë e mi pasojat e tërmetit. Do të bëjmë një mbledhje. Duam të shohim më shumë dhe do të kemi për të thënë më shumë”, deklaroi kryeministri menjëherë pas mbërritjes së tij në ishull.
Të martën në mbrëmje Samaras mori pjesë në konsultën e zhvilluar në qendrën operative të situatave emergjente dhe u informua në mënyrë analitike për situatën aktuale në ishull.
Një tërmet i fuqishëm ka goditur pasditen e të dielës ishullin Kefalonia, po për fat nuk ka shkaktuar viktima apo dëmtime të rënda. Tërmeti u shënua në orën 15,55 dhe magnituda e tij ishte 5,9 ballë të shkallës rihter.
