PD për zgjedhjet në Korçë: FRD patericë e PS-së

29

silvibardhiPartia Demokratike nëpërmjet një deklarate për shtyp ka komentuar sot zgjedhjet që po zhvillohen në Korçë. PD ka akuzuar PS për bashkëpunim zgjedhor me frymën e Re Demokratike duke e konsideruar atë si frikë përballë qytetarisë korçare e cila do të votojë kandidatin demokrat.

Dje, e frikësuar nga mbështetja e fuqishme e qytetarisë korçare për kandidatin e Partisë Demokratike dhe opozitës, zotin Sotiraq Stratobërdha, Partia Socialiste hodhi në lojë aleancën me ish-presidentin Bamir Topi, të cilin e kishte mbajtur rezervë dhe të pashpallur publikisht deri dje. Në shkëmbim, siç njoftohet gjerësisht në mediat e sotme, kryeministri Rama po bën gati thërrimet dhe kockat e mbetura nga gostia e klaneve dhe kioskave socialiste për të shpërblyer shërbimet e paskrupullta”, deklaroi Bardhi.

PD i ka rikujtuar kreyt të FRD-së Topi se i ngjiti majat e shtetit falë saj dhe sot po përdoret si patericë lokale për PS-në.

Partia Demokratike shpreh sërish keqardhjen e saj për katandisjen në këtë shkallë të ish – Presidentit të Republikës, i cili u ngjit në postin më të lartë të shtetit me votat e kësaj partie, dhe sot e ka bërë veten të përdoret si patericë lokale e Partisë Socialiste. FRD u krijua si opozitë e qeverisë së Partisë Demokratike, por nuk rezistoi asnjë ditë në opozitë me Partinë Socialiste. Ky është një moment qartësie për çdo zgjedhës që mund të ketë patur ndonjë iluzion apo të jetë mashtruar nga pseudo-djathtizmi i saj”, tha Bardhi.