Në vendin tonë perjetojme tërmete cdo ditë. Tërmet është kur lepirësi partiak të zë vëndin e punës, tërmet është edhe kur të shfrytëzojnë në punë çdo ditë, pa orar, pa të drejtë për të ngritur zërin, pa kontrata të mirëfillta.
Duke dëgjuar zonjën në ekran teksa fliste m’u kujtua ajo shprehja që shpesh ma përmendin prindërit: “Në kohen tonë bëhej shkollë, ju tani më shume talleni”.
Zonja Luljeta ka folur për më shumë se nje orë me fakte dhe të dhëna për shkaqet e dëmtimeve në banesa, per cilësine e ndërtimeve, për procedurat që duhet të ndiqeshin për ndërtimin e tyre etj. Fliste me një pasion dhe kthjellësi te frikshme për moshën e saj qe të nxiste dëshiren për të ndjekur një shkollë të dytë për inxhinieri.
Po më vinte turp që nuk kisha dëgjuar më parë për zonjën Luljeta. Me disa kërkime në internet mësova që kishte botuar më shumë se 35 libra, kishte fituar çmim nga Universiteti i Cambrige dhe së fundmi ishte larguar nga puna si pedagoge nga dekani/rektori i UPT i cili nuk kishte qoftë dhe një botim të vetëm.
Nuk kisha informacion për Luljetën sepse ndër vite jam mësuar që në televizone Lorenc Vangjeli, të bëjë analistin politik,analistin sportiv, inxhinierin, kuzhinierin , kamarierin, gjithologun. Në portalet e gazetat tona kam lexuar për Zogun e Tiranës, për promovimin e librit të Angela Martinit, për librin me receta të Arbanes ku një pjatë shkon 2000 lek të reja.
Kam lexuar per telefonin 7000$ te Kujtim Gjuzit, dhuratat qe i beri Blendi goces per ditelindje, per breket e Noizyt apo se cfare hengri Mamaqi per dreke. Jo me larg se dje nje biznesmen hajvan dilte ne ekran dhe shpjegonte duke bertitur se çfare ishte kapitalizmi dhe sesi ai donte te behej nje oligark si Mane dhe duke e mbyllur se Kastrati ishte Kastrioti modern.
Ne vendin tone perjetojme termete cdo dite. Termet eshte kur lepiresi partiak te ze vendin e punes, termet eshte edhe kur te shfrytezojne ne pune cdo dite, pa orar, pa te drejte per te ngritur zerin, pa kontrata te mirefillta.Termet eshte kur perballesh dhe me pedagoge te paafte, nepunes servile, deputete injorante. Termet eshte kur merr vesh qe shoku i ngushte eshte nisur me kamion per ne Angli, kur sheh qe vendin e lulishtes se fundit ne lagjen tende e ka zene nje gradaçele, kur vendin e Shtetit Social e ze Elvis Naçi, kur nje shtet me rreth 3 milion banore nuk ka qofte edhe nje qen te vetem per kerkim-shpetim.
Termet eshte edhe kur ushtria ende e pa formuar e Kosoves mobilizohet me shpejt, eshte me e pajisur dhe pergatitur e perseri termet do jete kur jo me larg se veren e ardhshme atyre qe sot quajme vellezer do i dyfishojme çmimet e hoteleve dhe sherbimeve.
Nuk eshte termet si ai i mengjesit te 26 Nentorit, ama te vret ngadale, çdo dite pa e kuptuar.
*Shkruar nga Ronaldo Daja
