Ministri i Brendshëm, Sandër Lleshaj gjatë një takimi me struktuarat Korçë është shprehur se çdo rrënjë kanabisi në Shqipëri do asgjësohet.
Ndërsa theksoi se për çdo rrënjë kanabisi të gjetur pas datës 15 qershor do nisë procedim ndaj çdo polici për shpërdorim detyre.
Sandër Lleshaj: “Shqipëria është në rrugën e ndarjes përfundimtare me kanabisin. Lufta kundër kanabisit ende nuk është mbyllur. Gjatë këtij viti zgjedhor kërkohet një vigjilencë e shtuar e çdo pushteti. Çdo strukturë vendore ka përgjegjësi të drejtpërdrejtë me kanabis. Çdo rrënje do asgjësohet. Çdo rrënje që do zbulohet pas datës 30 qershor është turpi tuaj. Policia duhet te merret me personat që mbjellin kanabisin.
Për çdo konstatim të kanabisit pas datës 15 qershor do nisë procedim ndaj çdo polici për shpërdorim detyre. Policia e ka të ndaluar të merret me bimët. Policia ka përgjegjësi të merret me personin. Duhet ta mbysim në embrion dhe jo të shkojë puna deri në korrje të kanabisit. Ky vit duhet të shënojë një sukses përfundimtar.”
Ndërsa kishte edhe një mesazh për kultivuesit e bimës: “Kam informacione që elementë kriminalë ushqejnë iluzione se meqenëse jemi në muaj zgjedhor do tolerohen për interesa elektorale. Por kjo nuk do ndodhë.”
