Mediat e mëdha, namuzqare e lozonjare, kur bëhet fjalë për të vërtetat dhe zullumet e Likes, dridhen e spërdridhen, e meazallah se e hapin njërin sy e njërin vesh, e jo më të çelin njërin cep të buzëve.
Si gjithmonë janë të thjeshtit madhështorë, Gjergj Zefi, Carlo Bolino e Anri Bala, që marrin të parët përgjegjësinë, për të përcjellë në kohë reale, të vërtetat e dhimbshme për ne dhe fatale për pisat e politikës.
Deshi Zoti, që rrjetet sociale, na liruan nga pengu i medias së pështirë, zvarranikë e bashkëfajtorë, helmuese e denigruese, gjobaxhie e spekullante, bashkëfajtore e bashkëautore të katastrofës morale e materiale, të cilën po përjetojmë.
Kurrë mos folshi o zullumqarë, ortakë të Ilirit, Saliut e çdo maskarai, brenda apo jashtë politikës. Heshtja juaj, vlen për të fshehur të vërtetën e hidhur të Likes sot, aq sa vlen shosha për të mbuluar diellin.
