Komisioneri për Zgjerim në Bashkimin Europian, Johannes Hahn ka deklaruar se Shqipëria dhe Maqedonia tani mund të jenë dy vendet të cilat po “vrapojnë” drejt Bashkimit Europian.
Gjatë një interviste për gazetën gjermane Die Welt, Hahn tha se për një kohë të gjatë ka qenë Serbia dhe Mali i Zi përparuese drejt BE, por tani mund të jenë dy vendet e tjera, Shqipëria dhe Maqedonia.
Hahn: Vendet anëtare argumentojnë se pranimi në BE i vendeve të Ballkanit Perëndimor ka kuptim vetëm nëse të gjashtë vendet mund të përfshihen. Ekziston një lloj konkurrence pozitive në Ballkan për atë se kush bën përparimin më të shpejtë. Për një kohë të gjatë, Serbia dhe Mali i Zi ishin të ashtuquajturat “vrapues” në procesin e pranimit në BE, por tani mund të jetë Shqipëria dhe Maqedonia.
Cilat probleme themelore duhet të zgjidhen përveç çështjes së emrit në rastin e Maqedonisë, përpara se vendet e Ballkanit Perëndimor të mund të bashkohen?
Hahn th se përpara se vendet e Ballkanit t’i bashkohen BE duhet të zgjidhen disa çështje, ku më kryesorja është që Serbia dhe Kosova duhet të gjejnë një zgjidhje për mosmarrëveshjen e tyre. Ndërsa Bosnjë-Hercegovina duhet të ndryshojë kushtetutën për pakicat etnike.
Hahn ka bërë thirrje që t’i jepet fund negociatave të pranimit të Turqisë në union.
“Anëtarësimi i Turqisë në BE nuk është realist në të ardhmen e afërt”, tha Hahn për gazetën Die Welt të martën.
“Do të ishte më e ndershme që Turqia dhe BE të ndjekin një drejtim të ri dhe t’i japin fund bisedimeve të pranimit”, u shpreh komisioneri Hahn.
