Hersi Matmuja sapo ka realizuar videoklipin e “Zemërimi i një nate”, me të cilin do të përfaqësojë Shqipërinë në Eurovizion. Xhirimet janë realizuar në plazhin e Divjakës. Më pas, Hersi udhëton me biçikletë nëpër rrugët kryesore të Tiranës.
Kënga me të cilën Shqipëria do të përfaqësohet në garën më të madhe të këngës evropiane do të jetë në anglisht. Aktualisht kënga është publikuar edhe në ueb-faqen zyrtare të “Eurovizionit”, por edhe në rrjetet sociale. Kënga është fituese e edicionit të 52-të në Festivalin e Radiotelevizionit Publik Shqiptar, në dhjetor të vitit të kaluar. Festivali zhvillohet në datat 6 deri në 10 maj.
