Kreu i PD, Lulzim Basha paralajmëroi se duke nisur nga dita e nesërme do të publikojë fakte tronditëse si Rama dhe Xhafaj kanë përdorur pushtetin politik për të ndihmuar bandat e krimit të organizuar për të shtënë në dorë lojërat e fatit.

Basha: Sot Kuvendi, foleja e krimit do të hedhë poshtë dekretin e presidentit që kthen pas një nga aktet më korruptive të Edi Ramës, ligjin fiskal për lojërat e fatit. 23% paguajnë bizneset e ndershme nga taska progresive, frymëmarrëse dhe i detyron të mbyllin dyert 45 biznese në ditë. Por për lojërat e fatit taksa e ulët 15%. Ju kujtohet si erdhën me tam tame të mëdha dhe thanë do të mbyllim lojërat e fatit. Shikni shifrat, kanë shkuar nga 928 në 4200 pika për lojëra fati. Pse?! Përgjigjia është e thjeshtë. Pyesni Agron Xhafën, pyesni Olsi Ramën dhe nëse nuk i gjeni dot, pyesni vëllezërit e tyre, kryeministrin e Shqipërisë dhe ministrin e Brendshëm. Duke nisur që nesër PD do të publikojë fakte tronditëse, që tregojnë sesi Rama dhe Fatmir Xhafaj kanë përdorur pushtetin politik për të ndihmuar bandat e krimit të organizuar për të shtënë në dorë lojërat e fatit dhe për ti përdorur ato për aktivitetin kriminal, që nuk është më mbjellja e kanabist, ndonëse vazhdon. Por është pastrimi i parave të pista të kokainës, heroinës dhe aferave korruptive të Ramës dhe bandës së hajdutëve të tij në qeveri.

Italia është e gatshme të dërgojë ekspertë për të mbështetur dhe asistuar në zbatimin e reformës në drejtësi. Kjo është bërë e ditur nga vetë ministri i Drejtësisë në Itali Alfonso Bonafede, i cili gjatë një takimi me ministren shqiptare Etilda Gjonaj në Romë vlerësoi reformat e ndërmarra nga qeveria shqiptare.

Në njoftimin e ministrisë së Drejtësisë thuhehet se dy zyrtarët e lartë konfirmuan bashkëpunimin në fushën e drejtësisë midis Shqipërisë dhe Italisë, duke theksuar se ky bashkëpunim do të forcohet më tej, si pjesë e marrëdhënieve të forta që ekzistojnë midis dy vendeve.

“Lufta kundër krimit të organizuar dhe terrorizmit, masat kundër korrupsionit si dhe bashkëpunimi në fushën e sistemit penitenciar kanë qenë temat kryesore të diskutimit midis dy ministrave”, thuhet në njoftim.

Pasi kanë shprehur vlerësimet e tyre për bashkëpunimin midis dy qeverive, ministrat janë dakordësuar për zbatimin e një plani të përbashkët masash në kuadër të zbatimit të marrëveshjes dypalëshe të nënshkruar në fund të vitit 2017.

Për këtë qëllim javën e ardhshme do të nisin nga puna në Tiranë ekipet e përbashkëta të ekspertëve të të dyja ministrive respektive.

“Zbatimi i plotë i Reformës në Drejtësi, që tashmë po jep rezultatet e para, reforma në sistemin penitenciar, drejtësia për të miturit dhe forcimin e luftës kundër korrupsionit, janë shtyllat kryesore të bashkëpunimit bilateral, të parashikuar në marrëveshjen kuadër midis dy ministrive”, thuhet në njoftimin e ministrisë së Drejtësisë.

Ministri italian ka shprehur dëshirën për të vizituar edhe personalisht Shqipërinë, në vijim të kontakteve institucionale.

Vizita dy ditore e ministres së Drejtësisë dhe Prokurores së Përgjithshme në Itali u organizua nga misioni i asistencës së Bashkimit Europian PAMECA 5, në kuadër të mbështetjes që ky mision u ofron institucioneve të drejtësisë në Shqipëri.

PD ka depozituar në Kuvend, pr/ligjin për vettingun e politikanëve, por ende nuk dihet se kush janë organet që do ta bëjnë këtë proces. Deputeti i PD, Ervin Salianji në përfundim të mbledhjes së grupeve të punës, PD-LSI tha se kryesorja është që qeveria të shprehet nëse do ta votojë apo jo këtë pr.ligj. Pas votimit, tha ai do të shpalosen të gjitha hapet e mëtejshme. Ai hodhi poshtë zërat se ky proces pengon punën e drejtësisë.

Ervin Salianji: Propaganda që bëhet nga PS dhe Rama është që t’i shmengen vettingut të politikanëve. Vettingu është një proces paralel që ecen nga drejtësia. Nuk e shmang vettingu i politikanëve hetimin nga drejtëisa, përkundrazi e ndihmon dhe largon personat e inkriminuar. Edhe sot nuk ndalohet që Spaku të hetojë familjarë të politikanëve, e pengon vetëm vullneti politik i kryeministrit.

Ne jemi duke e detajuar të gjithë platformën për largimin e personave të inkriminuar. Rama nuk e do vettingun dhe refuzon të votojë propozimin tonë të depozituar në Kuvend. Ne mund të gjejmë çdo hapësirë procedurluiale për ta kaluar sa më shpejt në komisionet kuvendore apo dhe në seancë parlamentare për ta votuar thjeshtë, po ose jo!

Gazetari: Kush janë instituicionet që do bëjnë vettingun e politikanëve?

Ervin Salianji: Të gjitha do të parashikohen hap pas hapi, sot ka një diskutimn nëse do apo nuk do. Nëse PS dhe qeveria refuzon vettingun nuk mund të diskutojmë për teknikalitete të cilat janë të parakohshme.

Ne i kemi përcaktuar të gjithë dhe i kemi sqaruar në pr/ligjin e depozituar në Kuvend. Hapet rruga për ndryshimet kushtetuese dhe të gjitha të tjerat do të pasqyrohen hap pas hapi.

Gazetari: Ju nuk keni besim te DSIK dhe SHKB, kush do ta bëjë verifikimin e pasurise?

Ervin Salianji: Ne kemi depozituar një projektligj, që parashikon të gjitha ndryshimet e nevojshme kushtetutese

Gazetari: Projektligji nuk e ka këtë, nuk parashikon ndryshimet kushtetuese

Ervin Salianji: Çdo teknikalitet është jo në shërbim të publikut. I gjithë procesi i vettingut do të nisë nga drejtuesit e institucioneve publike. Nëse flasim për vettingun e politikanëve qëndrojmë këtu. Nëse ne nuk kemi besim, dhe pavarësisht mungesës së besimit po e paraqesim… Ne edhe sot nuk kemi besim tek këto institucione. Mekanizmi është i parashikuar në ndryshimet kushtetuese.

Gazetari: Nuk është i parashikuar…

Ervin Salianji: Hap pas hapi do të shpalosim të gjitha. Vendimi i jonë i sotëm është që do të pranojmë apo diskutojmë cdo lloj hapi për të përshpejtuar votimin në kuvend. Nuk ka negociata, ka vetëm votim. PO ose JO. Nëse votohet do të shpalosen të gjitha procedurat e tjera.

Kryeministri i Greqisë, Aleksis Tsipras ka mbajtur një fjalim në Parlamentin Europian për të ardhmen e unionit. Gjatë fjalës së tij ai ka thënë se zhbllokojmë integrimin europian të fqinjeve tanë.

Tsipras: “Zhbllokojme integrimin europian te fqinjeve tane, me marreveshjen e Prespes, dhe dialogun e vazhdueshem me Shqiperine”.

Kreu i qeverisë greke tha se marrëveshja për emrin e Maqedonisë është një model se si mund të zgjidhen mosmarrvëshjet në rajonin tonë.