Kryeministri Rama ndodhet në Universitetin e Vlorës dhe po mban një takim me studentët të cilat po ia përplasin në sy gjëndjen e vështirë ku ata studiojnë.

Takimi po mbahet në aula Magna të Universitetit Ismail Qemali” por ndryshe nga auditore ku bëjnë studim studentët që janë tepër të ftohta, tek kjo aulë ka ngrohtë.

Studenti: Sot jemi këtu është ngrohtë. Por hajde në klasë ku studiojmë. Është shumë ftohtë.

Takimi nisi me kundërshti të studentëve por dhe me nje atmosfere nervozizem.

Studentët e Vlorës ia përplasin Ramës në sy i këndojnë: Lindita e shefit t’vet mesatarja 5.8

Edi Rama: “Turp nuk është ti thuash tjetrit hajde të flasim. Asnjë vend nuk e ka përfaqësinë në bordin e administrimit. Turp është ky që të tjerët duan të flasin dhe ti ti vësh ulërimën e të mos e lësh të flasin. Këta që flasin duket se po kërkojnë komunizëm. Ajo vajza thotë se e kam keqkuptuar protestën. Si e kam keqkuptuar?! E kam keqkuptuar protestën duke thënë se kjo protestë ishte një shuplakë për qeverinë?! Që do të thotë jo vetëm nuk e kam keqkuptuar, por e kam kuptuar më mirë se ajo vajza që bërtet, sepse e kam analizuar shumë thellë “Pse-në” e këtij shpërthimi. Ishte një shuplakë për qeverinë sepse qeveria ka përgjegjësi. Ai djali çohet dhe thotë do tja lësh fajin të tjerëve. Unë nuk dua tja lë fajin askujt

Kryeministri Edi Rama sot ka vendosur që diskutimin me studentët ta bëjë në Vlorë, me studentët e Universitetit “Ismail Qemali”.

Prej dy ditësh kreu i qeverisë ka nisur atë që ai e quan dialog me studentët, ndërkohë që shumica prej tyre nuk pranojnë diskutim me kryeministrin, por kërkojnë vetëm plotësimin e 8 pikave.

Ditën e djeshme, Rama zhvilloi një bashkëbisedim me studentët e Universitetit Bujqësor të Tiranës, ku këta të fundit ia thanë në sy shqetësimet kryeministrit.

Po dje, Rama njoftoi se duke filluar nga janari studentët e ciklit Bachelor do të paguajnë 50 % më pak tarifë studimi.

Ambasadori i OSBE në Shqipëri, Bernd Borchardt nga Shkodra ka folur për protestën e studentëve, duke u shprehur për dialog mes palëve.

“Kemi kërkuar që mes paleve të ketë dialog. Ne mbështesim çdo të drejtë për protestë, por ajo duhet të jetë paqësore”, ka thënë ambasadori Borchardt.

Deklarata e ambasadorit u bë gjatë në çeljen e ekspozitës  “Krimi mjedisor”organizuar nga Prezenca e OSBE-së dhe Universiteti i Arteve.

Ambasadori Borchardt u shpreh se krimi mjedisor është një shqetësim për Shqipërinë pavarësisht reformave që janë bërë. Janë vetëm 32 raste që kanë shkuar në gjykatë.

Kryetari i grupit parlamentar të PS, Taulant Balla thotë se bashkëqeverisja mes studentëve dhe qeverisë është mënyra më e mirë për të zgjidhur problemet që studentët i kanë parashtruar kryeministrit.

Balla  u shpreh: Ajo që është e rëndësishme sot dialog dialog dialog me studentët për të tejkaluar 8 pikat. Sepse 8 pikat nuk e zgjidhin problematikën e arsimit të lartë.

Dialogu dhe bashkëqeverisja e mirëfilltë mes qeverisë dhe studentëve është mënyra më e mirë. Ne kemi dhënë modelin më të mirë. Unë i bëj thirrje studentëve anembanë Shqipërisë të vijnë në sallën e Kuvendit, ballë për ballë me kryeministrin për të dialoguar dhe të jeni të sigurtë, të pranuara të gjitha pikat.

Ligji për arsimin e lartë është një moment historik për ti dhënë atë që kanë kërkuar universitetet publike shqiptare.

Ligji i arsimit të lartë është themeli i ngritjes së një arsimi cilësor. Implementimi nuk është i plotë dhe për këtë kemi përgjegjësi.

Autonomia e universiteteve është një hap i rëndësishëm dhe për ta filluar reformën duhet që përmes 8 pikave të identifikojmë edhe problematika të tjera.