Sot të gjithë vlonjatë

Nga Ilir Meta

Në mbrëmjen e djeshme, në prag të 101 vjetorit të shpalljes së Pavarësisë së vendit, Kuvendi i Shqipërisë kreu një akt të rëndësishëm politik. Ai miratoi me unanimitet një rezolutë për integrimin evropian të Shqipërisë. Një inisiativë e opozitës, e cila u përkrah pa asnjë mëdyshje nga shumica qeverisëse.

Të mërkurën në mbrëmje shqiptarët patën një rast të lumtur, fatkeqësisht jo fort të shpeshtë deri më tani, të një dëshmie që klasa politike ka arritur një pjekuri të qenësishme. Respektimin pa kushte të kushtit bazë të politikëbërjes lokale: pavarësisht diferencave të thella në pikpamje, pavarësisht luftës shpesh të ekzagjeruar politike, të gjithë aktorët dhe faktorët e rëndësishëm në Tiranë, janë në një mendje për objektivin madhor të Shqipërisë dhe axhendën e saj kombëtare, integrimin e vendit në Evropë.

Ky është një nga ato momente kur çdo shqiptar, pavarësisht nga bindjet dhe pa diferencë në bindje politike, beson fort se Evropa është destinacioni ynë politik, ekonomik, social, kulturor dhe historik. Ne jemi në Evropë dhe Evropën duam ta kemi edhe këtu.

Procesi i integrimit është para së gjithash një garë me vetveten që shoqëria shqiptare e ka pranuar si sfidën e saj kryesore. Eshtë një garë që nuk përjashton askënd, por përkundrazi, është ftesë që kërkon gjithkënd të japë një kontribut. Qoftë dhe një faktor t’i mungojë kësaj gare, ajo do të ishte e paplotë. Ajo është një garë me ambicjen dhe të drejtën tonë për një jetë më të mirë, për një shoqëri më të emancipuar, për më shumë qytetari e respektim të drejtash qytetarësh, për më shumë punë dhe më shumë mundësi për punë të ndershme, për një qeverisje të drejtë e shërbenjëse, është garë që thërret në apel gjithpërfshirës gjithkënd e ku askush nuk është i tepërt. Eshtë nevojë dhe domosdoshmëri. Eshtë shans dhe detyrim. Politika zyrtare, në shumicë e pakicë, në të majtë e të djathtë, është refleks edhe i domosdoshmërisë, edhe i nevojës emergjente që Tirana ka për Brukselin.

Në këto ditë të para të qeverisjes së shumicës së re, Kuvendi i Shqipërisë ka hedhur disa hapa simbolikë, edhe në funksion të kësaj gare me vetveten dhe kohën. Ato do të pasohen dhe nga të tjerë hapa të të njëjtit drejtim. Kuvendi është tashmë një arenë e debatit gjithmonë e më konstruktiv, komisioni i ligjeve dhe ai i çështjeve sociale, miratuan një rezolutë të përbashkët për të drejtat e fëmijëve; gratë e politikës shqiptare për herë të parë krijuan një aleancë të tyre dhe në krye është zgjedhur një demokrate; kryetari i Gjykatës Kushtetuese u zgjodh me një proces transparent dhe gjithëpërfshirës; Kuvendi së shpejti do të miratojë një kod të ri etike. Pavarësisht debateve që janë ushqimi çdo parlamenti nga Londra në Berlin, nga Roma, në Paris e gjetkë, edhe në Tiranë, kam bindjen e thellë se Kuvendi do të nis të përdorë me vendosmëri e pa kthim pas gjuhën evropiane të komunikimit. Ky është vullnet politik. Ky është sërish një kusht që e sheh të ardhmen edhe duke qortuar të shkuarën.

Në 28 nëntor, ne shqiptarët nga Shkodra apo Korça, nga Tropoja apo Saranda, jemi të gjithë vlonjatë!

Në nëntor ne kujtojmë figurat që na bashkojnë.

Kujtojmë Kapitenin e madh evropian Gjergj Kastriot Skënderbeu, që Shqipëria dhe Evropa ende i jep bronx në këmbim të çelikut me të cilin ai e mbrojti.

Kujtojmë Ismail Qemalin që e shihte Shqipërinë evropiane dhe pjesë të Perëndimit.

Kujtojmë Nënën Terezën, Shenjtoren që i përket gjithë botës, por me gjak shqiptar. Vërtet Shqipëria është edhe vend i dhembjes, vuajtjes e varfërisë, por është dhe atdhe i Nënë Terezës që kuronte dhembje, ngushëllonte vuajtjen dhe ushqente të uriturit.

Ky trekëndësh burrash shteti me një Shenjtore në mes është kufiri ku ne duhet të vendosim jetën tonë të përditshme për ta pasur të nesërmen më të mirë: për ta jetuar atë me guxim e kurajo, me urtësi dhe largpamësi dhe për ta jetuar atë me krenarinë e kokës së ulur që mbron më të dobtin përmes përfshirjes dhe solidaritetit.

Si Kryetar i Kuvendit të Shqipërisë, kam nderin dhe privilegjin të uroj sot të gjithë shqiptarët, kudo ku ata jetojnë dhe kudo gjetkë ku kanë ndërtuar jetën e tyre me sakrificë dhe i thonë bukës bukë, për festën e Pavarësisë.

Uroj dhe jam i bindur, se nëntorët e tjerë shqiptarë do të na gjejnë më evropianë. Qytetarë të hapësirës së madhe të lirisë dhe të demokracisë, aty ku të gjithë së bashku meritojmë të kemi vendin tone me dinjitet, nën hijen e flamurit tone Kuq e Zi.

Kapet i arratisuri i fundit nga burgu i Drenovës, Gëzim Toma

Albania Plus

Lokalizohen në stanet e fshatrave kufitarë grekë 3 të arratisurit e tjerë nga Burgu i Drenovës në Korçë mbrëmjen e 23 nëntorit. Pas një beteje të armatosur me policinë kufitare greke në fshatin Elaptora të Kosturit, u bë e mundur të arrestohej mes një zone të pyllëzuar Gëzim Toma, i dënuar me 25 vite burgim, ndërsa u sekuestrua arma automatike që mbante.

Kapja e Tomës

Toma u gjet i plagosur lehtë nga shkëmbimi i zjarrit dhe u dërgua në qelitë e rajonit të Kosturit, ndërsa u njoftua policia shqiptare. Dy të tjerët, Reiz Haxhiraj, nga Vlora, i dënuar me 13 vite burg për pengmarrje dhe Eduart Lulo, nga Përmeti, i dënuar me 12 vite burg, kanë arritur të shpëtojnë nga ndjekja e parë. Policia greke tha se i ka lokalizuar afër Kosturit dhe kapja është vetëm çështje orësh. Gazeta “Ta Nea” shkruante dje se Toma është plagosur në përleshje me policinë, por pa rrezik jete. Gjithashtu pritet edhe deportimi i Tomës, nëse autoritetet greke nuk do e mbajnë për ta proceduar për sulm me armë ndaj policisë, kalim i paligjshëm i kufirit. Policia shqiptare kishte arrestuar më parë 4 të arratisurit më të rrezikshëm, të dënuar me burg përjetë për vrasje, Admir Tafili, Fran Marashi, Gëzim Guri dhe Artur Gora.

Arrestohen edhe Lulo dhe Haxhiraj

Policia greke ka arrestuar në orët e para të mëngjesit të sotëm edhe të arratisurin tjetër nga burgu i Drenovës, Eduard Lulon. Ai është kapur në të njëjtën zonë ku e arrestua mbrëmë Gëzim Toma.

Lulo nuk ka qenë i armatosur në momentin e arrestimit, sapo ka parë policinë greke që e kishte rrethuar është vetëdorëzuar. Lulo ka qenë bashkë me Reis Haxhiraj dhe pasi kanë parë policinë greke janë larguar në drejtime të ndryshme.

Pak ore me pas, policia ka mundur te vere ne pranga edhe te arratisurin e fundit, Reis Haxhiraj, duke i dhene fund aventures disaditore te te arratisurve nga burgu i Drenoves.

Korrupsioni, “Fiks Fare”: Si merren Paratë për Prokurorin dhe Gjykatësin

Albania Plus

Këto para, të numëruara në zyrën e Kancelares së Gjykatës së Shkallës së Parë të Rrethit Gjyqësor Pukë, bënë të mundur ndryshimin e masës së sigurisë për të riun nga Fushë Kruja, i arrestuar pas një proteste ndaj kompanisë, ku ai dhe 5 familjarë të tij ishin punësuar.

“Fiks Fare” ka vijuar në këtë pjesë të dytë të investigimit të këtij rasti. Sekretarja e kryetarit të Gjykatës së Pukës, Liliana Shkjau, dhe Kancelarja e kësaj gjykate, Meliha Kuka, marrin në emër të gjyqtarit të çështjes, Shtjefën Lleshi, dhe prokurorit, Pëllumb Prençi, 5 milionë e gjysmë për të ndryshuar masën e sigurisë për të pandehurin, nga arrest në burg pa afat, në detyrim për paraqitje, ashtu si edhe shihet me zë dhe figurë në këto pamje.

Në ditën e dytë të transmetimit të një cikli emisionesh, për denoncimin e korrupsionit në Gjyqësor, “Fiks Fare” tregoi me pamje se si bëhen pazaret për lirinë e një të riu. Një bakshish prej 50 000 lekësh (të reja) kanë marrë edhe Sekretarja me Kancelaren.

Në pritje të seancës gjyqësore për ndryshimin e masës së sigurisë, një nga prindërit e të pandehurit ka shkuar përsëri në zyrën e Kancelares së Gjykatës së Pukës, së cilës i kërkon informacion nëse prokurori dhe gjyqtari i ka marrë paratë. Në këtë bisedë, Kancelarja e gjykatës i pranon familjarit të të arrestuarit se, shuma prej 5 milionë lekësh të vjetra ka shkuar në tavolinat e gjyqtarit Lleshi dhe prokurorit Prençi.

Menjëherë pas kësaj, vendimi i gjykatës ishte lirimi i të arrestuarit nga Burgu i Shën Kollit në Lezhë. Kjo pjesë e dytë, ku denoncohet korrupsioni në institucionet e drejtësisë, do vijojë në ditët e ardhshme, për fenomenin që politikanë e ndërkombëtarë, qytetarë e gazetarë, kishin folur, ndërsa emisioni investigativ “Fiks Fare” sjell në këtë cikël përmes pamjeve, atë që quhet pazari me drejtësinë.

*** NGJARJA E PLOTE E DITES SE DYTE ***

Emisioni “Fiks Fare” në edicionin e së mërkurës vazhdon të investigimin e tij duke konkretizuar me fakte korrupsionin që ka mbuluar gjyqësorin dhe prokurorinë.

Pas kalvarit të gjatë me sekserët dhe bisedimeve të shumta midis sekretares dhe kancelares së kreut të gjykatës së Pukës, bëhet dhe dorëzimi i parave për llogari të shefit të tyre.

Kancelarja dhe gjyqtarja numërojnë paratë që japin familjarët e të pandehurit për ndryshimin e masës së sigurisë nga “arrest në burg pa afat” në “detyrim për paraqitje”. Lekët dorëzohen dhe numërohen në zyrat e gjykatës së shkallës së parë të Pukës.

Në emsionin e sotëm, “Fiks Fare” tregon me të gjitha detajet sesi ka vijuar procesi gjyqësor për këtë të pandehur deri në momentin e daljes së tij nga burgu i Shënkollit.

Numërimi i parave:

Qytetari – Dëgjo tani njëra numëroni, numëroni njëna lekët. Se tani se di sa janë kam qëndruar duke luajtur.

Kancelarja – Ishalla në emrër të zotit dhe të tuajen.

Qytetarja – Ka dalë, ka dalë ( numorni leket ).

Sekretarja – Sa janë ?

Qytetari – Për Kishtë të Laçit nuk e di sa janë me më vra në plumb pushke. Sem kam lëviz me ta nga Shkodra në Tiranë. Ndaj 50 në vete.

(Fillon numërimi i lekëve 1,2,3,4, …. )

Sekretarja – Dy e gjysëm ( 2 500 000).

Qytatari – A janë dy e gjysëm? Ndajeni 5 00 në vete të tuajn.

Sekretarja vijon edhe numerimin e dollarëve: 100. 200. 300. 400, 500……………. 1000 dollarë sa janë?

Kancelarja – 1000 lekë

Qytetari – 1050 është.

Sekretarja – O Pal dëgjoje Liljanën, sa janë ? Ti shkruaj në një letër këtu… Dollarë sa janë… 1. 2. 3. 4. 5. ………. 15, pesëmbëdhjetë janë dollarë.

Qytetari – 15 ëëë?

Sekretarja – 15,16, 17, 18, 19,21, ……………………. 28.

Qytetari – 28.

Sekretarja – 28. 28 herë 100. Shkruaje 28 herë 100.

Qytetari – Shkruasje vetë dhe futi në një zarf. ……………

Sekretarja – (I drejtohet kunatës së qytetarit dhe i thotë) Jo, shkruaj vetë sikurse i ka shkruajtur Bardhja herë të tjera.. Shkruaje 28 herë 100 dollarë. Sa lekë i takon o Palë ?

Qytatari – Po tash i takon 28 i takon 2 800 000. A kupton, 28 shumëzoje për 5

Kancelarja – Po 28 llogarite 3 800 000. Po tamam.

Qytetari – Prit do ta kem edhe një, prit një sekond, një sekond .

Kancelarja – Edhe 2 200 ke për të dhënë.

Qytatari – Qe doli 29 kam pasur, prit 29. (e shkruan numrin mbi zarf kunata e Palit).

Sekretarja (i numërion nga e para dollarët – prit se më dolën dolën 30, …………29 sa i bjen 2 miljon e sa i bjen ? ( pyet kancelaren ).

Qytetari – 2 miljon e 150 000 lekë, jo mo më fal një sekond.

Qytetarja – Jo e 150 , 2 miljon e 900 lenë 150.

Kancelarja – Jo a the se është me 100, 2 900 000. ………….

Sekretarja – O Pal a po shkoi një herë i thyej këto dollarë e pastaj hajde këtu.

Qytetari – Pasha Kishën e Laçit, humbin 100 000 lekë me i thy këtu, më mirë ja jap. Ma mirë i lëm kështu të japë edhe 100 000 lekë.

Kancelarja – Do me shtuar prapë këtu?

Qytetari – Po.

Kancelarja – 2 900 janë këtu ke me dhën edhe 100 000 t’i shoku.

Qytetari – Urdhëro pesë edhe 1.2.3.4.5. tani a jemi në rregull.

Sekretarja – Ti shkruaje 29 herë 100 dollarë, këtu bëjnë 2 miljon e 900.

Kancelarja – Plus 100 000 lekë shqiptare.

Sekretarja – Tani mendoni se janë tepër më mirë shkruan i me shkrimin tuaj. Shkuaj posjtë se jam duke e vën komplet bashkë, plus dy miljon e gjysëm shqiptare.

Qytetari – 2 miljon se 500 000 është i juaj.

Sekretarja – Jo mangut jo tepër më mirë me shkrimin tuaj.Pluis se jam duke e vën komplet bashkë pluz dy miljonj e gjysëm shqiptare, mbrapsh.

Qytetari – 2 miljon se 500 jatë të tuajat.

Sekretarja – Më fal se kam harruar pash zotin, plus 2 miljon shkruaje kështu 200 000.

Kancelarja – A i numërove ?

Qytetari – Jo, jo amanet numëroi mirrë.

Sekretarja – Shruaje mirë se me pa me korigjim më thptë mua i kam lëviz.

Qytetari – Ndërro zarfin.

Kancelarja – E shkreta kjo i bën gjithçka.

Qytetarja – Nuk ka problem sa jën se ka me i dorzua edhe kjo.

Qytetari – Prit një herë dollarë sa janë?

Kancelarja – 2 100 000 lekë shqiptare dhe 29 00 000 dolarë, tamam?

Sekretarja – Po.

Kancelarja – Je në rregull? ………….. Shkruaje dy milon e njëqind.

Sekretarja – 2 miljon e 100 shqiptare.

Qytetari – Thashë unë ty.

Kunata e qytetarit – E ku, ku për ty.

Kancelarja – Hiqja 100 000 këti dhe jepja 3000 dollrë.

Qytetari – I takon prokurorit një miljon e gjysëm, dy miljon e gjysëm.pokurorit. A i shkojnë prokurorit dy miljon e gjysëm?

Sekretarja – Pse kuj do i shkojnë!? Unë ja kamë dhën e ati ai e din vetë se kujt ja ka dhën atij gjysëm përgjysëm.

Kancelarja – Shkruaje zemër këtu 3000 dollarë. Shkruaj 2 miljon lekë shqiptare.

Qytetari – Shuma 5 miljon.

Kancelarja – Futi aty në zarf. Futi të tana lekët këtu mo shport. 500 hiqe.

Sekretarja – e Kam hequr.

Qytetari – 500 hiqe, po jua dërgon atyre.

Sekretarja – ( Numëron distinën ) 5 500 000.

Qytetari – A po shkruaje gjykata plusprokuroria se kujton Shtjefni (kryetari i gjykatës ) se mos i ka vetëm.

Sekretarja – Tani kena punët tona ne, tani ju me vazhdu.

Kancelarja – ( I drejtohet kunatës së qytetarit ) Gjygjtari plus prokurori.

Qytetari – Për të parat nuk kemi vrejtje a më dëgjon ti Lili, sikurse kemi biseduar. 5 miljon i ke dërguar për Florindin, 5 miljon për Andin djalin e kësaj ( kunates ) .

(Tani a thua më ke vën ndonjë iniçizues?)

Qytetari – Tani për Kishë të Laçit ma mirë nuk ka.

Më vonë vjen procesi gjyqësor:

Prokurori: Gjykata ka caktuar ndaj këtij shtetasi arrest me burg, pas arrestimit në flagracë, për veprat penale të shkatërrimi të pronës në bashkëpunim, kundështim të forcave të policisë. Nga veprimet e para hetimore nuk është provuar për momentin se shtetasi A.P. ka tentuar apo ka goditur punonjësin e policisë T.U. Në dokumentat që kemi bashkangjitur ne nuki provohet se ai ka tentuar të ketë goditur punonjës policie. Momenti i arrestimit dhe sot ka rrethana favorizuese.

Kryetari i Gjykatës – Avokati i tij kishte kërkuar ndryshimine masës së arrestit, nga arrest më burg, me detyrim për tu paraqitur. Prokurori e pranoi ndryshimine kërkesës, për ndryshimine masës së sigurimit me një masë tjetër. Atë të qëndrimit larg fabrikës së bakrit … në Fushë Arrës, si dhe parashtrimit të gjendjes së procedimit penal shoqërohet me aktet procedurjale.

Me shkresë të datësn 4.9.2012 . Pranon të ndryshojë masën e arrestit nga burg, në detyrim parqitje, tek aficeri i policisë gjygjësore një herë në dy javë ditën e mërkurë ora 12.00.Kundër këtij vendimi lejohet ankimi brënda pesë ditëve.

Sekretarja – Unë për dy minuta me ta bërë vendimin.

Më vonë kamerat e “Fiks Fare” kanë filmuar të pandehurin që ka dalë nga qelia e burgimit. / Top Channel/

7 vendet më të mistershme të botës

Albania Plus

Që nga antikiteti, historia na ka rrëfyer për vende të frikshme dhe misterioze të fshehura në qytetet më të mëdha të botës apo në vende të humbura të tokës. Ja klasifikimi i 7 vendeve më të mistershme të botës:

Kështjella Bran në RUMANI
Ndodhet në Brasov te Rumanise. Legjenda tregon se në këtë vend ka jetuar Vladi i përgjakshëm.Libri “Drakula”i Bram Stokerit ne vitet 1800 eshte bazuar mbi kete legjende.Vladi ishte nje princ i tmerrshem, i vriste armiqte e tij dhe tradhetaret ne menyra nga me c’njerezoret. Sot, keshtjella eshte kthyer ne muze, por kjo gje nuk ia ka zbehur aspak misterin qe e rrethon prej kohesh.

Kulla e Londrës
Ne vend te dyte eshte Kulla e Londres. Ndertuar me 1078 nga Vilhelm Pushtuesi, pershkruhet si nje vend shpirtrash prej qindra vitesh.Nje histori sot nga rrefen se edhe sot, naten fantazma e Anna Bolenes, gruaja e 2 e Henrikut VIII qe u vra brenda mureve te saj shetit ne dhomat e kulles me koken e prere ne duar, ne kerkim te bashkeshortit te saj tradhetar, qe e vrau sepse donte te martohej me nje grua tjeter.

Katakombet e Parisit
Fantazmat vazhdojen te qendrojne ne Europe. Vendi i trete misterioz ne bote jane katakombet e Parisit, gjenden prane qendres se qytetit, aty ku ndodhen skeletet e parisieneve qe kane jetuar ne shekujt e kaluar. Ne shek XX jane te shumte vizitoret qe thone se ne disa raste kane pare fantazma, ose kane degjuar britmat e njerezve te vdekur.

Zona 51 në Nevada
Territor i SHBA, zone “top secret” ku askush pervec anetareve te ushtrise nuk mund te hyje. Sipas legjendes, pikerisht ketu qeveria amerikane ka patur ose ka kontakte me jashtetokesore, gjera qe opinionit publik i mbahen te fshehta.

Westchester County, USA
Westchester County, ne shtetin e New York-ut, ku shkrimtari Washington Irving vendosi krijimin e tij ” Legjenda e Sleepy Hollow”. Thuhet se ne keto territore endet ende nje kavalier gjate nates duke kerkuar kohen e humbur ne luftime. Cdo vit nga 26-28 tetor ne kete vend ka nje eveniment aktrimi, ku krijohet nje histori e mistershme.

Përbindeshi Skocez
Liqeni Inverness ne Skoci, i njohur per pranine e perbindeshit Loch Ness. Shfaqja e perbindeshit daton ne shek. VI para Krishtit. Tregohet qe edhe ne ditet e sotme jane pare shenja te pranise se tij ne liqen. Kjo gje i ka bere turistet te frikesohen e te mbeten me fiksime.

Montercristo Australian
Montercristo Australian ne qytetin Junee ne Australi, eshte nje vend ne te cilin sipas legjendes ndodhen dhjete fantazmat e personave qe jetuan e vdiqen ne kete vend…

SHBA përgjonte myslimanët, shihnin filma pornografikë

Albania Plus

Edward Snowden ka zbuluar një fakt të ri mëngjesin e sotëm, ku ka thënë se Agjencia Kombëtare e Sigurimit në SHBA, përgjonte myslimanët.

Agjencia e sigurisë amerikane “National Security” ka mbledhur të dhënat personale të disa personave, që frekuentonin shpesh webfaqet pornografike.

Sipas këtij dokumenti, agjencia ka spiunuar 6 liderë islamikë, të konsideruar si persona që kanë “dobësi personale”. Të dhënat e siguruara ruhen për t’u përdorur si fakt që mund të ndikojë në besueshmërinë e besimtarëve ndaj tyre dhe të vendosë në diskutim përkushtimin ndaj kauzës xhihadiste.

Shkrimi është publikuar në “Huffington Post”. Gazeta nuk ka publikuar emrat e myslimanëve që janë spiunuar, por thekson se ata nuk kanë qenë pjesë e ndonjë sulmi terrorist.

Zëdhënësi i drejtorit të agjencisë amerikane të sigurimit, Shawn Turner reagoi ndaj publikimit të lajmit, duke thënë se nuk ka asgjë për t’u çuditur, që qeveria amerikane të përdorë të gjitha mënyrat, për të bllokuar planet e personave që synojnë të vendosin në rrezik Amerikën.

Amerikanët: Shtetet e Ballkanit janë në luftë

Albania Plus

Portali amerikan “Buzzfeed” u ka vënë lexuesve të tyre një detyrë të vështirë. Administratorët e faqes kanë kërkuar që lexuesit të plotësojnë emra e shteteve në hartën e kontinentit të Europës dhe të një pjese të Azisë.

Shumica e të anketuarve nuk e dinë se, cilat janë shtetet e Ballkanit. Disa në vend të emrit të tyre kanë shënuar thjeshtë IDK (Unë nuk e di), ca të tjerë thjeshtë kanë vënë një ‘smiley’, ndërkohë që nuk ishin të paktë ata që ‘hapësirat shtetërore ballkanike’ i kanë mbushur me fjalën “LUFTË”.

Të paktë ishin të anketuarit që ia dinin emrin ndonjë shteti në Ballkan, por edhe ata që vendosnin emrin e ndonjë shteti ballkanik, hapësira gjeografike nuk përkonte me emërtimin.

Në një nga përgjigjet është shkruar: “Këto janë shtete false”, por ka edhe nga ata që vizatuan zemra, duke shkruan “Më vjen keq, ju dua!”.

Edhe pse në hartën e ofruar Kosova ishte pjesë e Serbisë njëri nga të anketuarit ka arritur ta identifikojë Kosovën, duke e ndarë vetë me stilolaps.

Ndërsa në shtetet e Ballkanit në një anketë shkruhej, “Më vjen shumë keq, ju jeni të mrekullueshëm” .

Shumica e të anketuarve kishin njohuri të sakta për Italinë, Francën,Gjermaninë etj.

Kapet një nga të burgosurit e arratisur në Greqi

Albania Plus

Policia greke arreston një nga të arratisurit nga burgjet shqiptare. Gëzim Toma është vënë në pranga, ndërsa policia është vënë në ndjekje të dy të arratisurve të tjerë.

Mediet greke raportojnë se, Toma është kapur me një kallashnikov në Kastoria.

Autoritetet shqiptare më parë kishin dërguar informacion në Greqi dhe Maqedoni lidhur me kalimin e mundshëm të kufirit nga tre të arratisurit nga burgu i Drenovës.

Mësohet se mes të arratisurve shqiptare dhe policisë greke ka pasur përleshje rreth orës 19:00, ndërsa të burgosurit po përpiqeshin të largoheshin nga malet e Kastoria-s. Gjatë shkëmbimit të zjarrit nuk ka pasur të plagosur apo të vrarë.

Pak ditë më parë, shtatë të burgosur nga burgu i sigurisë së lartë në Drenovë të Korçës u arratisën pas një plani të organizuar nga Admir Tafili.

Berlusconi nxirret jashtë Parlamentit Italian

Albania Plus

Nga ora 17:43 e ditës mërkurë, Silvio Berluskoni nuk është më anëtar i Parlamentit të Italisë. Kjo u vendos nga votat e Senatit. Vendimi erdhi pas një debati të gjatë disa orësh deri në shpalljen e votimeve.

“Ajo që ne bëmë është miratimi, vetëm dhe vetëm për zbatimin e ligjit dhe afirmimin e një parimi, domethënë, se ligji është i barabartë për të gjithë “, tha Loredana De Petris.

Për të biseduar me grupin e ri të ish- PDL ishte presidenti Renato Schifani . ” Ne do të votojnë kundër të distancohet nga një faqe e errët e demokracisë tonë parlamentare . Sistemi duhet të zbatohet pa parë ngjyrime politike, ligji është i barabartë për të gjithë, por ne besojmë se neni 3 nuk është zbatuar për qytetarin Silvio Berluskoni “, tha Schifani.

Ndërkohë që pas daljes në shesh të Berluskonit, e fejuara e tij Françeska Paskale, e ka pritur me pankarta ku shkruante se demokracia italiane ishte cënuar nga vendimi i sotëm.

Ngjarje e sotme ka pasur vëmendjen e mediave të huaja dhe është përcjellë si një moment shumë i rëndësishëm për Italinë dhe italianët.

*La Repubblica

Rama: Duhet të bindim vendet e dyzuara për hyrjen në BE

Albania Plus

Kryeministri Edi Rama pohoi në Kuvend se javët që vijnë janë vendimtare për të bindur vendet e dyzuara për hyrjen në BE. Kryeministri shprehu angazhimin e qeverisë së tij për të krijuar një platformë dialogu kombëtar për integrimin evropian, ku të jetë e përfshirë opozita dhe shoqëria civile.

“Statusi nuk është gati deri në sekondën e fundit, dhe se sigurisht edhe kjo përpjekje kjo rezolutë ky debat dhe votimi në fund, ndihmon për të shkuar deri në çastin e fundit me gjithçka ne kemi në dorë që të ofrojmë si shprehje të një vullneti për të avancuar luftën ndaj krimit të organizuar dhe korrupsioni në mënyrë të veçantë, ashtu siç e ka nënvizuar edhe KE. Ende duhet të bindim një numër vendesh anëtare, këtë e dimë ne dhe ju, ketë s’kemi pse ta fshehim me këtë dijeni duhet që të gjithë bashkë që rezultati i dhjetorit të jetë pozitiv, dhe Shqipëria ta marrë statusin e vendit kandidat.”- deklaroi kryeministri.

Duke vlerësuar rezolutën për integrimin që Partia Demokratike ka paraqitur në Kuvend, kryeministri Rama theksoi se do të çmonte gjithashtu çdo përpjekje të opozitës për të kapërcyer atë që ai e cilësoi si pengesën e fundit në marrjen e statusit kandidat, që lidhet me hezitimin e disa vendeve të BE-së.

“Ky nuk është vendi për të rrahur gjoksin se kush është më shumë evropian dhe kush e do më shumë Shqipërinë. Ky është vendi për të bërë detyrat që na kanë ngarkuar ata që na kanë votuar. Si ne, si ju në fund të ditës nuk kemi asnjë arsye që të ndahemi kur vjen fjala tek ky proces i ndërlikuar dhe i domosdoshëm për Shqipërinë, siç është procesi i integrimit. E çmoj paraqitjen e rezolutës nga ana juaj. Do çmoja çdo përpjekje për të kapërcyer pengesën e fundit për kapërcimin e hezitimit të një sërë vendesh anëtare. Për të kapërcyer këtë nuk duhet vetëm që qeveria të prodhojë rezultate, por që edhe opozita të mos ngatërrojë atë që është pjesë e një qëllimi që unë besoj të përbashkët që është integrimi evropian. Nuk është vetëm vdekja që duhet të na bashkojë por është dhe ajo pjesë e jetës së përditshme të punë sonë që lidhet jo me ne por me të ardhmen e fëmijëve tanë. “- deklaroi Rama.

Duke renditur arritjet e qeverisë në dy muajt e para të punës së saj, kreu i maxhorancës tha se ka ende shumë për të bërë por qeveria është e vendosur për të bërë gjithçka duhet bërë.

Duke i cilësuar si dy muaj plotësisht të suksesshëm, kryeministri veçoi operacionet e suksesshme kundër krimit e korrupsionit, apo anulimin e koncesioneve dhe kontratave që sipas tij janë bërë në dëm të interesave të qytetarëve.

“Mund ta konsiderojmë këtë periudhë dy mujore të suksesshme. Në Shqipëri po qeveriset për shumicën, jo për pak njerëz që përfaqësojnë shumicën në këtë sallë apo në qeverinë e këtij vendi. Kemi anuluar licenca për ndërtimin e impianteve energjetike, 13 të tilla. 6 janë në rishikim. Do ti anulojmë të gjitha kontratat e bëra në dëm të interesave të Shqipërisë dhe interesave të publikut shqiptar dhe të tilla janë të gjitha këto që po anulohen. Jemi duke riparë një numër koncesionesh të tjera që sjellin dëme të mëdha për buxhetin e shtetit dhe xhepat e shqiptarëve”-deklaroi Rama.

Duke iu referuar akuzave të opozitës për lëvizjet në administratë, Rama tha: “Nuk ka asgjë të ngjashme me lëvizjet e viteve më parë. Por synohet t’i kthehen publikut institucionet e marra peng.”

101- Vjetori i Pavarësisë, mbledh në Vlorë krerët e shtetit

Albania Plus

Nesër shënohet 101-Vjetori i Pavarësisë së Shqipërisë dhe priten një tersi aktivitetesh në kryeqytet, por edhe në Vlorë. Mësohet se krerët e shtetit kanë planifikuar të udhëtojnë nesër drejt Vlorës. Mësohet nga axhendat se, Presidenti, Kryeministri dhe kabineti qeveritar do të jenë nesër në Vlorë për të shënuar 101-Vjetorin Shpalljes së Pavarësisë.

Presidenca njoftoi nëpërmjet një komunikimi për shtyp, se nesër, Presidenti i Republikës, Bujar Nishani do te marre pjesë në orën 11:00, në ceremoninë e ngritjes së Flamurit ne Vlorë dhe më pas në 11:30 do të zhvillojë një vizitë në shtëpinë e patriotit Osman Haxhiu (Ibrahim Haxhiu, i biri) lagjja “4 Heronjtë” (Topana). Në mbrëmje Presidenti, Bujar Nishani do të organizojë një pritjen zyrtare në pallatin e Brigadave.

Ndërkaq, gjatë një konference për shtyp, ministrja e Kulturës, Mirela Kumbaro, e pyetur për aktivitete e parashikuara për këtë ditë, tha se “Qeveria dhe Kryeministri kanë organizuar një axhendë të posaçme në Vlorë”.

“28 Nëntori, që është dita e 101-Vjetorit të Pavarësisë, është Ditë e Flamurit dhe për këtë qeveria dhe Kryeministri kanë organizuar një axhendë të posaçme në Vlorë. Zyra e komunikimit do t’jua bëjë të njohur këtë axhendë, e cila ka, padiskutim, në qendër të vëmendjes një datë të pashlyeshme dhe që në 101Vjetorin, në 102-Vjetorin dhe në të gjithë vitet që do të pasojnë, i mbetet kryeqytet Vlora”,- tha Kumbaro.

1...319320321...550 Page 320 of 550