A po përgatiten rumunët dhe bullgarët për emigracion të gjerë në Evropën Perëndimore?

By

-

Nga 1 janari 2014 rumunët dhe bullgarët mund të punojnë pa kufizime në shtete të tjera të BE-së. Por pjesa më e madhe e emigracionit nga këto vende tashmë është kryer, mendojnë ekspertët.

Nicu me shumë dëshirë do të kishte qendruar në atdheun e tij, Rumani. 25 vjet me radhë ai ka punuar si elektriçist për një kompani të madhe energjitike në perëndim të vendit, një ish ndërmarrje shtetërore, blerë më pas nga investues të huaj. Gjatë viteve të fundit shumë kolegë të tij e kanë humbur punën. 45-vjeçari fillimisht e ruajti vendin e punës. “Por për shkak të shkurtimit të personelit më është dashur të bëj edhe turne të dyfishta. Lodhesha aq shumë, sa dy herë më janë mbyllur sytë në timon”, thotë Nicu, i cili nuk dëshiron të thotë mbiemrin. Në fund edhe ai e humbi punën.

Për të gjetur një punë të re në sektorin privat, ose për një aktivitet privat, i duhet të kryejë një kurs kualifikimi, megjithëse bëhet fjalë për një fushë, në të cilën ka punuar më shumë se dy dekada. 1000 euro kushton kursi dhe Nicu i papunë duhet ta paguajë nga xhepi i tij. Kjo shumë është sa dy paga mesatare mujore në Rumani. “Dhe unë nuk e di si do vazhdoj të financoj studimet e vajzës”, thotë elektriçisti. Për këtë arsye ai mendon që në 2014-n të kërkojë një punë në perëndim të Evropës, p.sh. në ndërtim ose bujqësi. Megjithatë nuk është i sigurt, nëse do të guxojë ta ndërmarrë këtë hap: “Rreziku i shfrytëzimit si punëtor nga Evropa Juglindore është i madh jashtë vendit.”

Megjithë lëvizjen e lirë të punëmarrësve në BE, që prej 1 janarit 2014 do të vlejë edhe për rumunët dhe bullgarët, “njerëzit në Rumani dhe Bullgari nuk kanë bërë gati valixhet”, mendon Sven-Joachim Irmer, drejtor i zyrës me jashtë të fondacionit Konrad Adenauer në Rumani dhe Republikën e Moldavisë. Është më se normale, që qytetarët e BE-së të kërkojnë punë, apo vende studimi në shtete të tjera të Unionit. “Vala e imigrantëve”, për të cilën paralajmërojnë shumë medie në Evropën Perëndimore, nuk do të ndodhë.

Punë të ligjshme jashtë vendit – jo risi për rumunët dhe bullgarët

Rumania dhe Bullgaria janë anëtare të BE-së që nga vitit 2007. Qysh para 2014-s qytetarët e këtyre vendeve mund të punonin legalisht në Gjermani, nëse kërkonin një leje pune në Zyrën Federale të Punësimit. Njerëz me kualifikim të lartë, të cilët punojnë në profilin e tyre, familjet e tyre dhe ata, që kryenin kualifikim profesional, ishin të çliruar nga ky rregull dhe mund të punojnë pa kufizim në Gjermani. Pra ndryshimet, që hyjnë në fuqi nga 1 janari 2014, prekin para së gjithash punonjësit e pakualifikuar nga Rumania dhe Bullgaria, të cilët deri tani mund të punojnë vetëm 6 muaj në vit si fuqi punëtore sezonale dhe që tani mund të kërkojnë edhe punë afatgjata.

Veç kësaj kufizimet ligjore në praktikë nuk kanë thuajse asnjë ndikim në valën e imigracionit, mendon Victoria Stoiciu, menaxhere programi në fondacionin Friedrich Ebert në Rumani, që ndër të tjera hulumton rreth migracionit të punës. “Këto kufizime madje e favorizojnë migracionin e paligjshëm.”

Gjithnjë e më shumë bullgarë kthehen në atdhe pas studimeve jashtë

Shifra të sakta për numrin e rumunëve, që planifikojnë të emigrojnë në shtetet perëndimore të BE-së pas 1 janarit 2014, nuk ka. Aktualisht sipas një studimi rreth 3 milionë rumunë jetojnë jashtë vendit. Në Bullgari instituti Afis pak kohë më parë kreu një anketim, në të cilin pyeste qytetarët për planet e tyre potenciale për të emigruar. Rezultati: rreth 17 për qind e bullgarëve mendojnë të largohen nga vendi duke filluar nga viti i ardhshëm dhe të kërkojnë një punë në një shtet tjetër të BE-së. Por ky nuk është një fenomen i ri: që në 2008-n sipas sondazheve një e pesta e bullgarëve kishte ndër mend të emigronte.

Punëtorë sezonalë nga të dy vendet kanë të drejtë të punojnë më së shumti 6 muaj në Gjermani

Dieter Emmer, i cili drejton filialin bullgar të sipërmarrjes gjermane Grammer, pret që para së gjithash teknikët dhe inxhinierët nga Bullgaria të kenë shanse shumë të mira në tregun gjerman të punës: “Gjermania po del nga recesioni dhe ka nevojë urgjente për këtë lloj fuqi punëtore”. Përvoja e bullgarëve në Gjermani “do të jetë më vonë shumë e vlefshme në industrinë bullgare”, thotë Emmert. “Pyetja është, se si mund të rikthehen në Bullgari këta njerëz?”

Me këtë pyetje merret Mila Natudova. Pas një praktike menaxhimi në SHBA ajo punon për shoqatën e bullgarëve të arsimuar jashtë vendit. Të rinjtë bullgarë, që përfundojnë studimet jashtë, me kthimin në atdhe zhgënjehen nga burokracia, mundësitë e kufizuara për karrierë dhe pagat e ulëta, thotë Natudova. Kjo duhet të ndryshojë, në mënyrë që Bullgaria të bëhet tërheqëse për njerëz me kualifikim të lartë. “Megjithatë sipas anketimeve tona gjithnjë e më shumë bullgarë janë të gatshëm të kthehen në atdhe pas një studimi jashtë”, thotë Natudova./DW/

PD: Arrestimi i Mziut po nxit zemëratën popullore, ku do digjet vetë Rama

By

Albania Plus

-

Partia Demokratike ka reguar sërish ditën e sotme në lidhje me arrestimin e kreut të Bashkisë Kamëz, Xhelal Mziu.Deputeti i PD-së Arben Ristani ka deklaruar se ka dyshime serioze në lidhje me arrestimin e Mziut.

“Diskreditimi mediatik familjar, duke shpifur për rrethana që nuk kanë ekzistuar kurrë, vendimi për arrestimin i marrë në mungesë, duke mos u njoftuar i akuzuari paraprakisht dhe duke iu mohuar e drejta kushtetuese dhe ligjore për t’u shprehur për akuzat e ngritura, na bëjnë të kemi dyshime serioze mbi rastin konkret”, -është shprehur Ristani.

Ristani ka akuzuar Partinë Socialiste, se me arrestimin e Mziut po nxit një zemëratë popullore dhe se do të mbajnë përgjegjësi deri në fund në lidhje me këto akte.

“Ne e kemi thënë se jemi të hapur përpara drejtësisë, jemi të barabartë në përgjegjësi e detyrime, por ne nuk do të lejojmë fushata të spastrimit politik për eliminimin e kundërshtarit. Përpara se të vendoste prokuroria për arrestimin e kryetarit të bashkisë, të gjithë përfaqësuesit e Partisë Socialiste kishin dijeni për këtë lajm, dhe ushtronin çdo ditë presion ndaj çdo demokrati të thjeshtë. I kujtojmë sot kryeministrit dhe veglave të tij qorre, se do të mbajnë përgjegjësi deri më një, për gjithë shkeljet, abuzimet dhe dhunimet që po shkaktojnë këto ditë në Kamëz. Zoti Rama nuk po bën gjë tjetër, veçse po nxit një zemëratë popullore, nga e cila ai vetë do të digjet”, -përfundoi Ristani.

Kushtrim Hoxha: Vetëgjyqësi nëse Berisha nuk na jep eshtrat e babait

By

Albania Plus

-

Aurora Allushaj

“Kufomën e babait të vdekur”. Vetëm kaq kërkon familja e Remzi Hoxhës, i zhdukur në mënyrë misterioze në qelitë famëkeqe të SHIK-ut të Berishës në tetor të vitit 1995. Kushtrimi, i biri i të ndjerit Hoxha në një intervistë ekskluzive për Albaniaplus, pohon se durimit të tyre 18 vjeçar i ka ardhur fundi dhe nëse nuk do t’iu jepen të paktën eshtrat e babait, atëherë zgjidhja do të jetë vetëgjyqësia. Pas një takimi me kryeministrin Rama pak ditë më parë, ata pohojnë se kanë marrë premtimin e tij për angazhim maksimal në zbardhjen e kësaj çështjeje që ka mbetur ende si një ngërç i pazgjidhur dhe që rëndon mbi ndëgjegjen e krimbur të drejtësisë shqiptare. Por tashmë dosja gjyqësore është stopuar në Apelin e Krimeve të Rënda me arsyetimin “Në pritje të radhës për gjykim”. Ndërkohë Shkalla e Parë dha fajësi vetëm për njërin e të pandehurve, por për ironi të fatit asnjë prej tyre nuk ndodhet në qeli, apo të ndëshkohej qoftë edhe simbolikisht. U mbushen 18 vjet e dy muaj nga dita e rrëmbimit të babait tuaj në vitin 1995 dhe gjatë kësaj kohe kemi pasur vetëm një proces gjyqësor, (pas të cilit drejtësia e ka dhënë “verdiktin” e vet), por realisht kemi veç një fajtor prej të pandehurve dhe për më tepër asnjë të ndëshkuar në qeli, për këtë ngjarje të rëndë. Cili është komenti juaj për këtë? Kjo tregon qartë se si është trajtuar kjo çështje dhe sa të implikuar kanë qenë njerëzit e pushtetit të Sali Berishës në këtë krim. Sali Berisha dhe kriminelët e tij, përveç që ia morën jetën babait tim, ata na dënuan edhe neve si familje të vuajmë këtë dhimbje deri në pafundësi. Edhe sa zgjat durimi jonë, që është afër fundit, një zot e di. Është shumë e qartë e gjithë kjo që ka ndodhur. Në një intervistë të para rreth dy viteve vellai juaj, Ardiani, numëronte rreth 30 persona, të implikuar në dosjen “Remzi Hoxha”, ose të përfshirë në të si punonjës të shtetit që merreshin me hetime apo gjykimin e saj, të vdekur në mënyrë misterioze. Së fundmi kësaj liste iu shtua edhe prokurori i çështjes. Çfarë i ka mbetur tashmë familjes Hoxha për të gjetur zgjidhjen e kërkuar prej 18 vitesh? Elizabeta Imeraj ishte kriminelja e rradhës sepse ajo e rrëzoi gjithë punën që e kishte bërë me vite i ndjeri Xhevat Hana. Ajo ua tërhoqi akuzat edhe Arben Sefgjinit edhe Avni Koldashit. Pra kemi 2 rrugë që do i ndjekim, ajo ligjore dhe ajo e ligjeve popullore, apo kanunit. Të shohim se a do jenë të mençur këta kriminelë të na i sjellin eshtrat, apo duan të na detyrojnë të vazhdojmë edhe ne të marrim gjakun. Këtu na kanë borxh të gjitha familjet e implikuara. Durimit po i vjen fundi dhe këta të ligë duket se nuk duan të na i japin eshtrat dhe po na detyrojnë t’u hakmerremi në të njëjtën mënyrë. Ne nuk do heqim dorë nga eshtrat e babait tim, deri në burrin e fundit të familijes Hoxha. Babai im ka qenë njeri i madh dhe e meriton një varr. Keni 18 vjet që kërkoni eshtrat e babait tuaj, (flasim kështu, pasi deri tashmë, faktet na vërtetojnë vdekjen e tij), deri ku keni arritur? Tani veç më është vërtetuar se babain tim e kanë mbytur nga torturat dhe eshtrat e tij i kanë fshehur. Në anën tjetër rasti ka ngelur në Gjykatën e Apelit dhe është i ngrirë, që në fakt pengon dërgimin e tij në insitucionet ndërkombtare. Kjo në fakt është më pak e rëndësishme nëse e krahasojmë me faktin që ne kërkojmë që eshtrat të na i japin. Dhe këta kriminelë po na detyrojnë që t’i marrim ato që na takojnë me po të njejtën rrugë që ata kanë vepruar. Në Shqipëri u rrëzua pushteti i Sali Berishës, të cilin ju shpeshherë e keni akuzuar si pengues për zbardhjen e çështjes së babait tuaj, çfarë prisni nga të majtët në pushtet? Presim të na gjejnë eshtrat. Shteti i ka të gjitha mundësitë dhe mekanizmat ta bëjë një gjë të tillë, por ta shohim se a e kanë vullnetin me të vërtetë. Realisht Shqipëria po hyn në rrugën e reformimit të institucioneve, cili do të jetë hapi juaj i ardhshëm për të koordinuar punën me to për zbardhjen e çështjes “Remzi Hoxha”? Kërkesa jonë është shumë e thjeshtë. Ne vetëm duam eshtrat dhe kaq. Po e presim gjykatën e shkallës së dytë se çfarë do të bëjë me vendimin dhe kur do t’a bëjë atë publik, dhe pastaj të shohim se cilin ligj do e ndjekim! Konkretisht, keni pasur takime me të majtët në Shqipëri, për këtë çështje, dhe a u është premtuar diçka? Diten e shtune kishim takim me kryeministrin Edi Rama dhe na tha se do angazhohet maksimalisht që ta zbardhë rastin tonë.

Belgjikë, arrestohen dy shtetas shqiptarë për trafik ndërkombëtar droge

By

Albania Plus

-

Autoritetet e Belgjikës kanë arrestuar një çift shqiptarësh të dyshuar për trafik ndërkombëtar droge dhe pastrim parash.

Shtetasi shqiptar Arjan Shabani dhe gruaja e tij, identiteti i së cilës nuk është bërë akoma i ditur, janë arrestuar të dy nga policia e Termondës, një qytet flamand në zonën e Flandrës.

Sipas burime policore të shpërndara për shtypin belg, bashkëshortja e Arjan Shabanit kishte fshehur në një arkë për depozitimin e sendeve personale, brenda një qendre tregtare, një çantë me rreth 120 mijë euro. Por, meqenëse politika e kontrollit të qendrës tregtare, lejon hapjen automatike të arkave çdo 10 orë, punonjësit e sigurisë kishin gjetur sasinë e madhe të parave dhe kanë lajmëruar menjëherë policinë.

Policia ka vënë menjëherë zonën nën vëzhgim, duke pritur që personi të vinte të merrte çantën, që kishte lënë. Ndërkohë, kodi i arkës ishte ndryshuar po nga policia. Dhe kurthi policor funksionoi, arrestimi i bashkëshortes së Shabanit ka ardhur në momentin që ajo ankimohet brenda qendrës tregtare, se kodi i arkës ku ajo kishte sendet e saj personale nuk hapej.

Sipas policisë, arrestimi i saj u krye pasi dyshohet për pastrim parash, pasi së bashku me paratë në çantë ndodhej dhe një çelës i një kasafortë bankare, ku ishin depozituar po ashtu shuma të mëdha parash.

Sipas burimeve policore, paratë dyshohen se vijnë nga trafiku ndërkombëtar i drogës, në të cilën është përfshirë edhe bashkëshorti i saj Arjan Shabani.

Buxheti 2014, LSI propozon tre amendamente

By

Albania Plus

-

Në një Konferencë për shtyp, kreu i Grupit Parlamentar të LSI-së, Petrit Vasili deklaroi se LSI ka depozituar në Komisionin e Ekonomisë dhe Financës 3 amendamente, që kanë lidhje me buxhetin 2014 dhe që do të diskutohen në seancë plenare, ditën e shtunë.

Këto amendamente sipas Vasilit, kanë të bëjnë me kalimin e 20% të të ardhurave të akcizës mbi duhanin, si fond për Ministrinë e Shëndetësisë; rritjen e moshës për “chek-up’ nga 60 vjeç që është aktualisht në 65 vjeç; dhe me mos ndryshimin e tatimit mbi biznesin fason, pra ky tatim të ngelet në shifrën 10%.

“Në mënyrë konkrete grupi parlamentar i LSI-së ka propozuar që së paku 20 % e të ardhurave të realizuara nga rritja e akcizës për duhanin të kalojë si një fond shtesë në fondet e Ministrisë së Shëndetësisë. Sepse siç dihet, rritja e kësaj akcize ka pasur një motiv themelor, unik, pikërisht mbështetjen për shëndetin publik duke e konsideruar pirjen e duhanit si një dëmtues madhor të shëndetit publik. Shtimi i këtyre fondeve në drejtim të Ministrisë së Shëndetësisë do të ishte shumë i rëndësishëm, jo vetëm për organizimin e fushatave të promocionit për luftën kundër duhanit, jo vetëm për të zbatuar mirë ligjin për duhanin në ambientet publike, por edhe për të reflektuar për shtesa të caktuara të barnave në mënyrë të veçantë për sëmundjet respiratore, pra të rrugëve të frymëmarrjes, që shkaktar kryesor kanë pirjen e duhanit.

Së dyti, ne kemi propozuar gjithashtu një ndryshim tjetër që ka lidhje përsëri me shëndetësinë që ka të bëjë me “check-up”-in, pra kontrollin nga mosha 40 deri në 60 vjeç siç është propozuar nga Ministria e Shëndetësisë, propozim që ne e mbështesim në tërësinë e tij, por është shumë e rëndësishme që ky “check-up” të zgjerohet deri në moshën 65 vjeç për disa arsye të rëndësishme që janë arsye të karakterit edhe shkencor, por edhe fiziologjik, sepse siç mund ta gjykoni edhe ju lehtësisht mbulohet një fashë aktive.

Një amendament tjetër i rëndësishëm, është propozimi ynë që për sa i takon biznesit fason tatimi mbi të ardhurat lidhur me këtë biznes të vazhdonte të qëndronte në masën 10% “- tha Vasili.

Yjet duke festuar Krishtlindjen

By

Albania Plus

-

Gjyqtarët: Jemi gati të luftojmë korrupsionin në gjyqësor

By

Albania Plus

-

Këshilli Ekzekutiv i Konferencës Gjyqësore Kombëtare pas takimit mbi analizën e raport progresit të BE-së ka dalë me një deklaratë.

Në këtë deklaratë thuhet se gjyqtarët janë të ndërgjegjshëm për problemet që ekzistojnë dhe janë të gatshëm të kontribuojnë për të luftuar fenomenet negative që lidhen me korrupsionin në gjyqësor.

“Gjyqtarët janë të ndërgjegjshëm për problemet që ekzistojnë e të gatshëm të kontribuojmë maksimalisht në luftën kundër fenomeneve negative, që ulin besimin e publikut dhe cenojnë parimet themelore të organizimit dhe funksionimit të shtetit demokratik… Këshilli Ekzekutiv në emër të Konferencës Gjyqësore dënon me forcë rastet korruptive që komprometojnë integritetin e gjyqësorit dhe misionin e dhënies së drejtësisë. Ai inkurajon median, shoqërinë civile dhe tërë mekanizmat e zbatimit të ligjit të kontribuojnë në luftën kundër fenomenit të korrupsionit në gjithë shoqërinë shqiptare, e në veçanti në sistemin e drejtësisë. Këto fenomene nuk duhet që të eklipsojnë punën e madhe që bëhet çdo ditë nga gjyqtarët në përmbushje të misionit të tyre për dhënien e drejtësisë… Këshilli Ekzekutiv vlerëson procesin e vazhdimit të reformave për një gjyqësor më të përgjegjshëm e më të pavarur. Ky proces kërkon një klimë bashkëpunimi dhe gjithëpërfshirje. Këshilli shpreh gatishmërinë në realizimin e saj, si dhe bindjen se reformat duhet të kryhen në respektim të parimit të pavarësisë së pushtetit gjyqësor….”.

Paris, një person me veturën e tij tenton hyrjen me forcë në Pallatin Presidencial

By

Albania Plus

-

Një person është arrestuar, teksa tentonte të godiste me automjetin e tij, kangjellat e Pallatit Presidencial francez ‘Elysée’, por pa arritur të hyjë brenda.

Sipas burimeve policore franceze, personi me origjinë italiane, i ndodhur në automjetin e tij, vetëm sa ka goditur kangjellat e Pallatit Presidencial dhe me një shpejtësi relativisht të ulët.

Një perimetër sigurie është vendosur menjëherë nga forcat e rendit, prezent në atë moment.

Sipas burimeve paraprake policore, që janë shpërndarë për shtypin francez, bëhet e ditur se, personi i ndaluar është prezantuar si Drejtor Teatri, që ka vepruar në këtë mënyrë për “të protestuar kundër mungesës së subvencioneve”, por gjithçka për momentin sipas burimeve policore duhet marrë me rezerva, derisa hetimi të zbardhë këtë situatë.

Fshirja e Serverit të Tatimeve, Tabaku: Qeveria frikë nga Komisioni Parlamentar

By

Albania Plus

-

Partia Demokratike në një deklaratë për mediat, e ka cilësuar mos pranimin nga ana e shumicës qeverisëse, të ngritjes së një Komisioni Hetimor Parlamentar mbi çështjen e fshirjes së serverit të Tatimeve, një akt frike dhe paniku. Ndonëse kreu i grupit parlamentar të PS-së Gramoz Ruçi shpjegoi pozicionin politik të partisë së tij duke sqaruar se ngritja e një Komisioni të tillë nuk ka kuptim, kur Prokuroria është duke e hetuar si vepër penale, PD insiston se mos ngritja e Komisioit është shenjë dobësie e qeverisë.

Deputetja Jorida Tabaku deklaroi në emër të PD-së se, kërkesa është e bazuar në ligj dhe se rrëzimi i saj është antikushtetues. Tabaku thekson se ligji po shkelet me bekimin e qeverisë në një akt të paprecedentë.

“Kërkesa për ngritjen e komisionit hetimor u bë nga 1/4 e deputeteve dhe në këto kushte, Kushtetuta përcakton se ngritja e tij është e detyrueshme. Rrëzimi i kërkesës është veprim antikushtetues. Po ashtu, sipas Gjykatës Kushtetuese, komisionet hetimore janë një instrument i fuqishëm kontrolli i parlamentit mbi qeverinë dhe administratën për të siguruar se këto veprojnë në bazë të ligjit. Gjykata Kushtetuese, thotë se, në mënyrë të veçantë, komisioni hetimor është një instrument i fuqishëm kontrolli ne duart e opozitës.

Përmes këtij komisioni ne kërkuam që të hetohet, me qellim kontrollin e zbatimit të ligjit dhe identifikimin e nevojave për ndërhyrje legjislative, që kjo shkelje me pasoja të renda publike dhe individuale, të mos përsëritet më. Dhe kjo është plotësisht ne përputhje me nenin 77 të Kushtetutës, e nuk ka për qëllim hetimin penal të personave përgjegjës, pra nuk e pengon prokurorinë në punën e saj. I kujtojmë publikut se, një akt i paprecedentë, një shkelje seriale e ligjit, me bekimin e qeverisë dhe me mbështetjen e drejtuesve të sistemit tatimor, ndodhi ne mesin e muajit të shkuar, që solli si pasojë mosfunksionimin e sistemit elektronik tatimor për më shumë se dy javë. Kjo ka cenuar të dhënat konfidenciale të qytetarëve të mbrojtura me ligj, dhe i ka shkaktuar një dëm të madh biznesit dhe arkës së shtetit.

Rrëzimi me votë i kërkesës sonë, shton edhe më shumë dyshimet se ndërhyrjet e paligjshme në serverin e tatimeve janë bërë për interesa klienteliste e për favore politiko-ekonomike. Rrëzimi i kërkesës tonë, është një shenjë dobësie dhe frike e qeverisë dhe e mazhorancës parlamentare për t’u hetuar e për t’u përballur me të vërtetën”- tha Tabaku.

Egjipt, “Vëllazëria Myslimane” organizatë terroriste

By

Albania Plus

-

Sulmi në Mansoura i ka vendosur “Vëllezërit Myslimanë” nën shënjestrën e një ligji të ashpër antiterrorist. Qeveria u ka ndaluar anëtarëve të lëvizjes myslimane islamiste të manifestojnë, ndërkohë që përkrahësit e saj mobilizohen thuajse në mënyrë të përditshme.

Vendimi ka ardhur nën presionin e turmave, që kanë manifestuar zemëratën e tyre përballë Vëllazërisë Myslimane. Ato akuzohen se janë autorë të atentatit me bombë në një rajon policie, që shkaktoi 14 të vdekur. Një akt gjithsesi i dënuar nga Lëvizja dhe i marrë përsipër nga një grup xhihadist që thuhet se mbështeten nga Al-Kaeda.

Të ndaluar, por gjithsesi të toleruar nga regjimi i Mubarakut dhe të dalë nga ilegaliteti me ikjen e tij më 2011, “Vëllazëria Myslimanë” po kalojnë një nga periudhat më të vështira të historisë së tyre.

Që prej heqjes së presidentit islamist të zgjedhur Muhamed Morsi korrikun e kaluar, vëllazëria është shndërruar në një shënjestër shtypëse të përgjakshme nga ana e autoriteteve ushtarake që drejtojnë de facto vendin.