Kryetari i Partisë Demokratike, Lulzim Basha, mblodhi të mërkurën grupin parlamentarë të PD-së, për t’i bërë dhe një herë thirrje qeverisë që të zbatojë ligjin e nëpunësit civil dhe të respektojë vendimet e Gjykatës Kushtetuese për projektligjet, si dhe ato të gjykatave për të pushuarit nga puna, si kusht për të nisur dialogun.

Kryetari i PD-së, Basha në fjalën e tij, vlerësoi faktin e mbështetjes nga aleatët dhe miqtë e Partive Popullore Evopiane, duke theksuar se na mbështesin pa hezitim në kauzën tonë në mbrojtje të vlerave të demokracisë e shtetit ligjor, që rrezikohen nga oreksi antidemokratik i kësaj mazhorance.

Ai pohoi se “kjo nuk ka qenë e lehtë për faktin se qytetarët kanë patur shpresa dhe pritshmëri të mëdha nga kjo shumicë, por me zhbërjen e përshpejtuar të këtyre iluzioneve, sa për shkak të mashtrimeve dhe ndëshkimeve, qytetarët i përmbahen vedosmërisë tonë për të bërë opozitë, mbështetur me fakte, argumente dhe arsye”.

“E drejta në këtë betejë politike është këthyer me fytyrë nga ne, shpresa gjithashtu”, tha Basha.

Gjithashtu ai theksoi se “nuk do të kishim e nuk do të kemi zë në Evropë, po mos të mbrojmë vlerat e lirisë dhe shteti ligjorë, lobimi për statusin nuk do të kishte vlerë, nuk do të mirëkuptohej, nëse ne do të shkonim për të bërë mburojën e shkeljeve të qeverisë, apo nëse do të investonim për një paqe teatrale në Tiranë, gjoja për t’ia hedhur Brukselit, truke që nuk funksionojnë”.

“Do të vazhdojmë ta bëjmë me vendosmëri punën tonë si opozitë, pavarësisht e më shumë ngushtimit të hapsirës në kuvend, apo fjalorit të ulët deri të fjalorit apor rugaçëror të Kryeministrit, e Kryetarit të Kuvendit dhe se kanë harruar ata se është detyrë e opozitës të pyes qeverinë dhe t’i kërkojë llogari qeverisë, si dhe të denoncojë aktet e qeverisë në bazë të fakteve, apo dhe dyshime të përligjura, siç bëmë javën e kaluar për marrëveshjen me FMN-në, që do i kthehemi sërisht”, tha ai.

Po ashtu, Basha pohoj se, detyra e ministrave dhe qeverisë është të japin përgjigje dhe të bëjnë transparencë, ju pëlqen apo jo, ky është kuptimi i parlamenterizmti, fyrjet dhe sharjet janë shkatërrim i palamentarizmit.  “Më la një shije të keqe, thirrja që më bëri Edi Rama në një letër të hapur ku më ftonte të më takonte për çështje të reformës administrative teritoriale.Letra që kam marrë dhe ajo që kam kthyer janë të njohura për publikun”, tha Lulzim Basha.

Lidhur me reformën administrative-territoriale, Basha theksoi se është e një rëndësie të vecantë dhe përmasat që ngërthen, kërkon si minium konsensus politik, konsensus me gjithëpërfshirje. Vetë natyra e reformëse dikton këtë. Nëse kundërshtarët tanë bien në këtë qëndrim mirëse të vinë të bëjmë dialog”.

Ai tha se “për ne dialogu ka qenë dhe është vllerë, ka qenë dhe është mjet i pazevëndësueshëm për të çuar para reformat, ka qene dhe është mendësia për t’i ballafaquar problemet e jo për t’i maisur, për t’i zgjithur e jo fshehur”.

Deputetët e opozitës u larguan sot nga mbledhja e Komisionit të Ligjeve, pas rrëzimit të kërkesës së tyre për shqyrtimin e amendimeve në Kodin Penal.
Komisioni parlamentar kishte sot në rend dite diskutimin e propozimeve për tre komisionerët e rinj të Avokatit të Popullit. Por, nënkryetari i komisionit, Oerd Bylykbashi, tha se axhenda e mbledhjes parashikonte shqyrtimin e amendimeve të Kodit Penal dhe se futja në rend dite e një çështje tjetër është bërë nga kryetari i komisionit pa u konsultuar. “Kjo është e papranueshme dhe bëhet në shkelje të perseritur te rregullores”, tha Bylykbashi.
Në përgjigjen e tij, kryetari Fatmir Xhafaj pohoi se vërtet sot ishin parashikuar të diskutoheshin amendimet në Kodin Penal, por ende nga komisionet e tjera nuk kanë ardhur propozimet.
Pas kësaj, Xhafaj hodhi në votim kërkesën e opozitës, e cila u rrëzua nga shumica në komision. Kjo më pas u shoqërua me largimin e deputetëve të opozitës.

Në kuadër të iniciativës për forcimin e kapaciteteve të Administratës Publike, muajt në vijim në të gjitha institucionet do të zhvillohen trajnime me grupet e përzgjedhura.

Burime nga Ministria e Integrimit Evropian theksojnë se kjo ministri do të ketë rol koordinues në këtë  nismë  duke monitoruar të gjitha aspektet e  këtyre trajnimeve lidhur me direktivat dhe standardet për integrim.

Sipas MIE, për të diskutuar më gjerësisht për këtëiniciativë, Kryeministri Edi Rama, me mbështetjen e ministres së MIE, Klajda Gjosha dhe ministres së Inovacionit dhe Administratës  Milena Harito, organizoi një takim në sallën e Hartave në Kryeministri.

Ky takim u zhvillua me pjesëmarrjen e ambasadorëve të huaj në Shqipëri, të gjithë trajnerëve TOT të përzgjedhur nga institucionet respektive dhe ekspertëve të huaj përzgjedhur për këtë qëllim.

Presidenti i Republikës, Bujar Nishani ka dekretuar  shpalljen e ligjit “Për dhënie amnistie” dhe ligjin “Për disa shtesa dhe ndryshime në ligjin nr. 7905, datë 21.03.1995, “Kodi i Procedurës Penale i Republikës së Shqipërisë”, të ndryshuar”. Këto dy pr/ligje u miratuan pak ditë më parë në Kuvend me shumicë të cilësuar.

Gjithashtu Presidenti Bujar Nishani ka dekretuar lirimin nga detyra të ambasadorit të Shqipërisë në Mbretërinë e Holandës, Gazmend Barbullushi.

“Në mbështetje të neneve 92, shkronja “dh” dhe 93 të Kushtetutës, si dhe të neneve 21, pika 2, dhe 31, pikat 1 dhe 2, të ligjit nr. 9095, datë 3.7.2003 “Për shërbimin e jashtëm të Republikës së Shqipërisë”, me propozim të Kryeministrit, dekretoj: Zoti Gazmend Barbullushi, lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Mbretërinë e Holandës, rezident, dhe e ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës për Ndalimin e Armëve Kimike “OPCË”, jo rezident”, thuhet në dekretin e Presidentit Nishani.

Gjithashtu Presidenti Nishani ka dekretuar edhe shpalljen e ligjit “Për aderimin e Republikës së Shqipërisë në Protokollin e Privilegjeve dhe Imuniteteve të Autoritetit Ndërkombëtar të Shtratit të Detit”.