Mbledhja e Këshillit të Punëve të Përgjithshme, që do të zhvillohet më 17 Dhjetor në Bruksel pritet të adoptojë konkluzione, mbi zgjerimin e BE-së dhe të aprovojë mandatin për fillimin e negociatave me Serbinë. Sipas Progres-Raportit të përvitshëm të Komisionit të publikuar më tetor, Këshilli i kryesuar nga Ministri i Punëve të Jashtme të Lituanisë Linas Linkevičius, do të adoptojë konkluzionet mbi zgjerimin dhe procesin e stabilizim asocimit. Këshilli do të vlerësojë gjithashtu progresin e bërë nga Shqipëria, Bosnja dhe Hercegovina, Islanda, Mali i Zi, Kosova, Maqedonia, Serbia dhe Turqia.
Ministrat do të përgatisin mbledhjen e Këshillit Europian të 19-20 Dhjetorit. Ato do të diskutojnë gjithashtu draft konkluzionet, duke përfshirë edhe çështjet mbi Sigurinë e Përbashkët dhe Politikat Mbrojtëse, thellimin e Unionit Ekonomik dhe Monetar Politikat Ekonomike dhe Sociale, energjinë, zgjerimin dhe migrimin.
