Basha: Refuzimi i statusit faji i shumicës në pushtet

46

Lulezim Basha_2_1Gjatë zhvillimit të një tryeze të rrumbullakët ditën e sotme, me përfaqësuesit e bizneseve të huaja në Shqipëri, Partia Demokratike foli edhe mbi çështjen e statusit dhe refuzimin e tij.

Ndonëse në rast akordimi të statusit të vendit kandidat, PD do të kërkonte njohjen e rolit të saj në këtë proces, duke marrë përsiper suksesin përkatës, e kundërta po ndodh me refuzimin e tij. 

Edhe pse, Këshilli i BE-së nuk shprehu në asnjë paragraf të konkluzioneve të tij, se fajin për refuzim e ka qeveria në pushtet, kreu i PD-së Basha deklaron se humbja e statusit është përgjegjësi vetëm e shumicës në pushtet.

“Maxhoranca nuk po reflekton siç duhet për humbjen e statusit të Bashkimit Europian. Humbja e statusit është përgjegjësi e drejtpërdrejtë e maxhorancës. Maxhoranca me revanshin ndaj administratës dëmtoi procesin. Është e pafalshme që kryeministri Rama thotë se nuk ka rëndësi data kur e marrin statusin. Data me rëndësi, pasi humbim shumë, jo vetëm për proceset, por edhe për mbështetjen ekonomike.”- deklaroi Basha.