Publikuar Ne: 10 Prill 2014
50 shikime
BOTA / Lajmet e fundit | By albaniaplus

Asambleja parlamentare e KE miraton rezolutë kundër Rusisë

Komisioni Europian/ foto Albaniaplus

Komisioni Europian/ foto Albaniaplus

Asambleja parlamentare e Këshillit të Evropës ka miratuar mbrëmë një rezolitë sipas të cilës dënon Rusinë për aneksimin e gadishullit Krimeja nga Ukraina.

Asambleja përmes rezolutës ka bërë me dije se Rusia nëpërmjet këtij veprimi ka shkelur kushtetutën e Ukrainës.

Parlamentarët kanë miratuar këtë rezolutë gjatë një takimi urgjent që e kanë mbajtur ditën e djeshme në Strasburg.

Asnjë argument i përdorur nga Rusia për të arsyetuar veprimet e saj të muajve të fundit, sipas rezolutës, nuk qëndrojnë.

“Shkëputja nga Ukraina dhe aneksimi i Krimesë e bashkimi i këtij gadishulli me federatën Ruse, u inicua nga autoritetet ruse, nën mbulesën e ndërhyrjes ushtarake”, thuhet mes të tjerash në rezolutë.

Rezoluta e njëh si legjitime qeverinë e re në Kiev, duke vlerësuar se “ndryshimi i pushtetit ka hapur rrugë të reja për zhvillimin demokratik të Ukrainës”.

Përfaqësuesi rus në Asamblenë Parlamentare të KE, Alexei Pushkov, e  ka kundërshtuar rezolutën, ndërsa ka shtuar se kjo do ta nxisë Rusinë që urgjentisht të rishikojë politikën dhe parimet e saj të jashtme.

51 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

We use cookies to ensure that we give you the best experience on our website.
Ok