Ish-kryetarja e Kuvendit, Jozefina Topalli ka komentuar festimet e qeverisë për 28 dhe 29 Nëntorin.
Në një postim në rrjetin “Facebook”, Topalli shkruan se: “29 nëntorin e festuan me rilindjen e babait shpirtëror, ndërkohë që në xhaketa mbanin shenjën e të rënëve britanike!Kjo ishte sadiste dhe komike”.
“Aleanca e 1 prillit Rama-Meta fyejnë dhe provokojnë shqiptarët, festën e Flamurit ,datëlindjen e 101 të Pavarësisë , përveçse e censuruan nga Vlora , e kaluan me një organizim shpërfilles, të akulltë, aspak dinjitoz edhe pse qytetarët e Vlorës dhe të Shqipërisë e prisnin me krenari! Ky ishte turp! Fillim i mbrapshtë i shekullit të dytë të Shqipërisë së pavarur!” – shkruan ish-kryetarja e Kuvendit, Jozefina Topalli.
Por, lulekuqja nuk është simbol eksluziv britanik, por eshte simbol i gjakut të të rënëve. Simbolikën e ka krijuar nje shkrimtar, i cili lidhte fushen e betejës me përgjakjen e luftëtarëve, përgjatë luftërave napoleniane në fillim të shekullit XIX-të.
Fushat që para betejës ishin të zbrazura, kur betejat mbaronin mbusheshin me lule të kuqe, nga ku lulekuqja u shndërrua në simbol të gjakut të të rënëve.
