Reshjet e orëve të para të mëngjesit kanë rënduar gjendjen në qytetin e Durrësit. Bllokimi i pusetave ka bërë që të dalin në siperfaqe edhe ujërat e zeza. Situata më e emergjente është në rrugën Egnatia dhe atë Mujo Ulqinaku.
E bllokuar është edhe unaza e qytetit, ndërsa trafiku në rrugët e Durrësit është tejet i rënduar, me radhë të gjata makinash.
Kanalizmiet në qytetin e Durrësit janë shndërruar në problematikë, pasi përmbytjet bëhen të zakonshme gjithmonë kur bie shi.
