Rama: Berisha nuk është gati për tu përballur me hijet e të vdekurve

52

Rama_rilindje1Lideri socialist Rama, gjatë mbledhjes së grupit kuvendor të PS, ka deklaruar, se këto zgjedhje do te vendosin nëse, Shqipëria do të rilindë ose jo. Imazhi i Shqipërisë, sipas liderit Socialist, është ai i një vendi, që s’bën dot zgjedhje të lira e të ndershme, se nuk e kapërcen dot imazhin e së shkuarës. Berisha, sipas Ramës, nuk është i gatshëm të shkojë në opozitë, sepse nuk mund të përballet dot me hijet që e ndjekin, me 4 të vrarët e 21 Janarit, me 26 të vrarët e Gërdecit e me dhjetëra të vrarë, kot e më kot.

“Ne jemi këtu, si e vetmja forcë dhe mundësi për të përmirësuar këtë imazh. Qytetarët shqiptarë, që gjenden jashtë vendit ndjehen me keq se 4 vite më parë, por edhe për qytetarët që jetojnë brenda vendit dhe ua bën më këmbëngulës idenë, se duhet te lënë Shqipërinë. Vetëm një lidership i ri, mund të hapë perspektivën, dhe ky s’mund të jetë asnjë tjetër, përveç lidershipit te Partisë Socialiste. 

Sot po përjetojmë një farsë, një Kryeministër që s’ka asgjë të mirë për të bërë, veçse të kopjojë programin e opozitës, që është angazhuar në më shumë se një vit rresht për të shkruar një program, që është qeverisës. Në këtë fazë të rëndësishme dhe delikate ne të gjithë duhet të funksionojmë si një skuadër kompakte, që duhet të bëjë betejën zgjedhore të fushatës në gjithë territorin. Askush nuk do të jetë i përjashtuar, gjithkush do të marrë përgjegjësi qeverisëse. 

Këto zgjedhje nuk do i fitojmë me 10 vota, por me një plebishit kombëtar. 

Çfarë përfaqëson degjenerimi me ulërima i Kryetares së Kuvendit. Komisoni Hetimor është veçse, një vulë turpi që i vihet në ballë Shqipërisë. Kjo tregon, se ato nuk janë të gatshëm të lënë pushtetin, nuk janë te gatshëm të përballojnë hijet, që kanë pas vetes dhe i ndjekin, hijet e 4 te vrarëve më 21 janar, hijet e 26 të vrarëve ne Gërdec, e atyre grave dhe burrave të vrarë kot më kot. Nuk janë të gatshëm të përballen me faktin, se i kanë lënë shqiptarët rrugëve, me faktin qe sot Shqipëria regjistron një shifër 57% analfabetizëm funksional. Nuk janë të gatshëm të përballen me transparencën, mbi regjistrimin e popullsisë në funksion të regjistrimit te tokës se njerëzve. Nuk janë të gatshëm të përballen me faktin se e kanë zhytur Shqipërinë në një borxh të lartë. Nuk janë të gatshëm të përballen, me faktin se çfarë fshehin ato kompani te grabitjes së tokës shqiptare, as me xhunglën kriminale, që kane krijuar ne Bulqizë, as me ato autobotet e naftës së Albpetrolit,” – ka deklaruar Rama gjatë mbledhjes së grupit Kuvendor./a.b/

 

Këto janë pjesë e një paniku, që ne na thotë vetëm një gjë, që ne jemi këtu te nxisim çdo shqiptar të dalë në zgjedhje. Vetëm me votë me një transformim demokratik të shumicës, me votë ky pushtet mund të shkërmoqet brenda 24 orëve sikur të mos kishte ekzistuar kurrë.’’