Policia greke ka sekuestruar 215 kg marijuanë në kufirin shqiptaro-grek. Mësohte se droga është sekuestruar në Filat të Igumenicës. Mësohet se droga është gjetur në një furgon që vinte nga Shqipëria përmes kufirit të gjelbër, në tentativë për të hyrë në brendësi të territorit grek.
Në furgon, policia gjeti dhe sekuestroi 194 pako me 215 kg 412 gr marijuanë. Në pranga menjëherë u vu drejtuesi i mjetit, shqiptari Emiliano Stefani, 44 vjeç lindur në Sarandë e banues në Athinë.
Ai dyshohet se është bashkëpunëtor me një grup trafiku në qytetin e Sarandës dhe për këtë policia greke ka nisur hetimet. Gjithashtu është zbuluar se, droga ka kaluar me mushka nga fshati Vërvë i Sarandës dhe më pas është ngarkuar në furgonin që do ta çonte në Athinë.
Shifrat e trafikut të drogës, flasin për një rekord si asnjëherë më parë, ku vetëm në Igumenicë e Prevezë janë sekuestruar që nga fillimi i vitit, plot 2.8 tonë drogë.
