Një 55-vjeçar është vrarë me armë zjarri paraditen e sotme në rrethin e Mirditës.
Ngjarja e rëndë ka ndodhur në zonën e Prosekës ku 55-vjeçari Preng Lleshi është qëlluar për vdekje me armë zjarri ndërsa policia ka identifikuar edhe autorin e vrasjes.
Sipas policisë, është shpallur në kërkim 75-vjeçari Llesh Lleshi I cili dyshohet se pas një sherri për motive të dobëta me viktimën e ka qëlluar atë me armë duke e lënë të vdekur në vend.
Menjëherë pas krimit, i moshuari është larguar nga vendngjarje ndërsa policia po vijon kërkimet për kapjen e tij.
Gjithashtu uniformat blu të rrethit të Mirditës po vijojnë hetimet për zbardhjen e plotë të shkaqeve të vrasjes së 55-vjeçarit Preng Lleshi.
