Qeveria e Kosovës nuk është duke u treguar e drejtë me popullin e saj dhe po e mban të fshehtë thellësinë e dialogut në Bruksel, ka theksuar drejtori i KIPRED-it, Ilir Deda, gjatë prezantimit të analizës politike për marrëveshjet ndërmjet Kosovës dhe Serbisë. Deda ka numëruar ngecjet dhe ecjet e marrëveshjeve të arritura në Bruksel. Normalizimi i marrëdhënieve midis dy shteteve nuk mund të ndodhë pa zbardhjen e fatit të të pagjeturve, pasi që normalizimi duhet të prekë edhe popullatën, ka thënë ai.
Sipas Dedajt, rreziku më i madh mund të vijë nga bashkësia e komunave nëse nuk ndryshohet dhe nuk sqarohet përfshirja e këtij asociacioni me Kushtetutë.
Për Dedajn, kjo bashkësi mund të shfrytëzojë dhe të keqshfrytëzojë secilën kushtetutë, ashtu siç i leverdis asaj, duke krijuar pushtet të tretë në këtë pjesë të Kosovës. / KOHA.net
