Sipas raportit Shqipëria gjatë pesë viteve të fundit ka pasur një imazh pozitiv, por ky trend ndyshoi në vitin 2012. “Freedom House” thotë se në Shqipëri institucionet kryesore drejtohen nga njerëz pranë qeverisë dhe se ekziston një kulturë pandëshkueshmërie. Shqipëria ka pësuar renie në treguesit për qeverinë qëndrore, qeverinë lokale dhe korrupsionin.
Procesi elektoral ose vota demokratike është vlerësuar me notën 4.25, shoqëria civile ka një vlerësim 4.25, pavarësia e mediave me notën 4, qeverisja kombëtare me notën 5, qeverisja lokale me notën 3.5, pavarësia e gjuqësorit me notën 4.75 dhe korrupsioni me notën 5.25.
Vlerësimet sipas “Freedom House” janë bazuar në një shkallë nga 1 deri në 7, ku 1 përfaqëson nivelin më të lartë të përparimit demokratik dhe 7 më të ulët.