Arrestohet për llogari të drejtësisë italiane arkitekti i Bashkisë së Durrësit, Adlei Likmeta.
Burime nga policia e qytetit bregdetar bëjnë të ditur se 34-vjeçari ishte shpallur në kërkim ndërkombëtar, pasi është dënuar nga drejtësia italiane me 17 vjet burg, nën akuzën e trafikut të qenieve njerëzore dhe pjesëmarrje në organizata kriminale.
Mësohet se arrestimi i Likmetës është kryer paraditen e sotme në zyrat e Bashkisë së Durrësit, ku arkitekti ishte paraqitur si çdo ditë për të nisur punën.
