Ish-sekretari amerikan i Mbrojtjes, Donald Rumsfeld, i cili ka mbërritur në fundjavë në Tiranë me ftesë të ministrit Fatmir Mediu pritet të nisë sot takimet zyrtare.
Rumsfeld do të dekorohet sot nga presidenti i Republikës së Shqipërisë, Bujar Nishani, e më pas do të takohet edhe me kryeministrin e vendit, Sali Berisha.
Gjithashtu ish-shefi I Pentagonit do të marrë pjesë në një bashkëbisedim për NATO-n dhe sfidat e saj, takim që do të zhvillohet së bashku me kryeministrin Berisha dhe ministrin Mediu, ku do te marrin pjesë dhe shumë të ftuar.
Gjatë pasdites, Rumsfeld do të jetë pjesëmarrës në një ceremoni të promovimit të librit të tij, të botuar në gjuhën shqipe.
Ramsfeld është një prej mbështetësve kryesorë të procesit të anëtarësimit të Shqipërisë në NATO, si dhe një prej miqëve të shumtë të Shqipërisë në arenën politike ndërkombëtare.
Vizita e tij në Tiranë zhvillohet në javën përmbyllëse të fushatës elektorale të zgjedhjeve të 23 qershorit
