1000 të arrestuar nga protestat në Rusi

By

-

Policia në Rusi ka ndaluar më shumë se 1018 njerëz gjatë protestave në vend kundër një rregulli të propozuar për pensionet, tha një grup monitorimi i pavarur.

Protestuesit u mblodhën të diellën në Rusi kundër një kundër një propozimi të qeverisë për të rritur moshën e daljes në pension.

Protestat u organizuan nga mbështetësit e udhëheqësit të opozitës, Aleksei Navalny, i cili është nën arrest administrativ për organizimin e një tubimi pa miratim në kryeqytet në janar.

Shpërthimi ishte më i rëndë në qytetin e dytë më të madh të Rusisë, Shën Petersburg, sipas mediave të pavarura lokale dhe OVD-Info, një organizatë jofitimprurëse që monitoron ndalimet, raporton CNN.

Grupi tha se të paktën 452 persona u arrestuan në qytet.

Imazhe nga protestat e Shën Petersburgut janë bërë virale. Në fotot e publikuara shihet arrestimi në një djali të vogël dhe një pensionisti të vjetër.

TV Rain, një kanal televiziv i pavarur, tha se një nga korrespondentët e saj, Masha Borzunova, u godit me shkop nga policia që ndëhyri për të shpëndarë protestuesitnë Moskë.

Navalny është përjashtuar kryesisht nga valët shtetërore, por ka arritur një audiencë të gjerë përmes një kanali YouTube dhe mediat sociale.

Protestat e organizuara nga Navalny janë bërë një mjet për të shprehur pakënaqësinë ndaj presidentit rus Vladimir Putin dhe korrupsionit qeveritar. Vlerësimet e Putinit mbeten në nivele të larta, por janë dëmtuar nga polemikat e pensioneve.

Shkarkohet nga detyra prokurori i Apelit të Durrësit Bujar Hoti

By

Albania Plus

-

Komisioni i Pavarur i Kualifikimit ka shkarkuar nga detyra prokurorin e Apelit të Durrësit Bujar Hoti.

Vendimi u mor pas hetimeve të zhvilluara nga komisioni i përbërë nga anëtarët Lulzim Hamitaj, Olsi Komici dhe relatorja Brunilda Bekteshi.

Sipas KPK, nga hetimet rezulton se Bujar Hoti ka probleme me pasurinë.

Ndërkohë, avokati i Hotit, Julian Mërtiri tha se vendimin e KPK do ta ankimojnë.

Seanca dëgjimore u zhvillua në 6 shtator

Sipas relatores Bekteshi prokurori Hoti, ka deklaruar se ka në pronësi një apartament banimi 157 m2, dhe shtesë 30 m2, në qytetin e Durrësit, me vlerë 4 milionë e 400 mijë lekë, i blerë me kredi.

Një automjet tip Audi A4, blerë për 6500 euro, një tokë arë 4 mijë m2 në Spitall në Durrës, fituar nga ligji 7501, një zyrë noteriale me sipërfaqë 41.3 m2 dhe një shtesë prej 19.6 metra katrorë.

Për njërin nga fëmijët e Hotit është paguar një tarifë për shkollimin në Universitetin e Oxfordit, në Angli.

Nga hetimit të KPK-së, ka rezultuar se apartamenti në pronësi të Hotit prej 157 m2 është porositur në vitin 2004, për një vlerë prej 70 mijë euro.

E njëjta gjë ka rezultuar edhe për një garazh, kontrata për të cilin është revokuar.

Ndërsa për apartamentin prej 157 m2 ka paguar 68 mijë euro.

KPK ka arritur ne konkluzionin se, Hoti ka kryer deklarim të një çmimi fiktiv shitjeje për këtë apartament. KPK ka thënë se përsa i përket 4 mijë m2 tokë në Spitall, Durrës, familja e Hotit është larguar nga Qerreti në Durrës që në vitin 1990 dhe sipas ligjit, nuk duhet të përfitonte më tokë, pasi ka përfituar një banesë në Durrës.

Gjithashtu, KPK sqaron se toka nuk është tokë bujqësore, pasi ndodhet shumë pranë detit. Ne lidhje me këtë fakt KPK ka kërkuar informacion nga prefektura, por ende nuk është marrë një përgjigje.

Vete Hoti dhe avokati, i tij kanë pretenduar se pasuria e tij eshte e justifikuar duke kërkuar konfirmimi ne detyre.

Edhe përfaqësuesi i Operacionit Ndërkombëtar të Monitorimit, Teo Jacobs, ka replikuar me prokurorin Hoti, ku i ka thënë se prokurori, po përpiqet të shesë nje skenar panelit të KPK-së.

Thaçi sot takon me liderët politik të Luginës së Preshevës

By

Albania Plus

-

Në kulmin e debatit për ndryshimin e kufijve dhe një ditë pas vizitës së Presidentit serb Aleksandër Vuçiç në Kosovë, Presidenti Hashim Thaçi sot do të takohet me liderët politik të Luginës së Preshevës.
Lajmi është bërë i ditur nga zyra e informacionit të presidentit, sipas së cilës Thaçi dhe liderët e Luginës së Preshevës, pas takimit, pritet t’u drejtohen mediave me një konference të përbashkët, raporton Indeks.

Gjendet trupi i pajetë i një të moshuari në Kavajë

By

Albania Plus

-

Një person është gjetur i pajetë ditën e djeshme. Policia thotë se në fshatin Gjoc në Kavajë, në një kanal, është gjetur një trup i pajetë i gjinisë mashkull, rreth moshës 60-70 vjeç, i cili nga kqyrjet paraprake nuk rezulton të ketë shenja dhune në trup apo dëmtime të tjera.

Drejtoria Vendore e Policisë Tiranë kërkon ndihmën dhe bashkëpunimin e qytetarëve për identifikimin e trupit të pajetë.

“Trupi i pajetë ka këto karakteristika fizike, është rreth 1.70 m i gjatë, me flokë të thinjura dhe në momentin e konstatimit kishte të veshur një këmishë me mëngë të shkurtra ngjyrë e bardhë me vija blu dhe të kuqe, pantallona ngjyrë blu e errët, si dhe në dorë mbante një orë me fushë të bardhë me mbishkrimin “Quartz-Ëoke”, thuhet në njoftimin e policisë.

Policia thotë se çdo qytetar që disponon informacion të nevojshëm është i lutur të telefonoj në numrin pa pagesë 112 ose në numrin e Sallës Operative 0694110202.

Piloti italian kap frenat e kundërshtarit në garë

By

Albania Plus

-

E diela e motorëve në San Marino do të mbahet mend nga një episod i shëmtuar që ndodhi në garën e Moto 2.

Piloti italian Romano Fenati u përjashtua nga gara dhe u dënua me dy gara të tjera pezullim pasi, me më shumë se 200 km/h, kapi frenat e një piloti kundërshtar me të cilin po duelonte ashpër prej disa xhirosh.

“Fenati nuk duhet lejuar më që të hipë mbi motor. Kur të kthehej në bokse, skuadra duhet t’i kishte dhënë një shkelm b… dhe ta përjashtonte përgjithmonë”, tha Cal Crutchlow, pilot i MotoGP.

7 të plagosur në Paris, sulmpo me thikë kalimtarët

By

Albania Plus

-

Sulmi ndodhi pak para orës 23:00, në distriktin 19 të kryeqytetit francez. Agresori, i cili mësohet se është nga Afganistani, u arrestua disa orë më vonë nga policia. Incidenti aktualisht nuk është duke u trajtuar si një sulm terrorist.

Burri fillimisht ka goditur me thikë dy burra dhe një grua pranë kinemasë MK2 në Quai de Loire, përgjatë kanalit Ourcq, thonë raportet. Dëshmitari okular Youssef Najah, 28 vjeç, tha se po ecte pranë kanalit kur pa një njeri që vraponte dhe mbante një thikë rreth 25-30 cm të gjatë.

“Kishte rreth 20 njerëz që e ndiqnin atë dhe filluan të hedhin topa në drejtim të tij. Rreth katër ose pesë topa e goditën në kokë, por ata nuk ishin në gjendje ta ndalonin”, shtoi ai.

Tirana mes 10 vendeve të lira për të vizituar sipas DailyMail

By

Albania Plus

-

Po mendoni një vend për të vizituar, por jeni lodhur nga vendet ku shkoni zakonisht? Ndoshta është koha të mendosh jashtë “kornize”. Kështu nis artikulli i Daily Mail, i cili rendit 10 vende që ia vlejnë të vizitohen, por ku më kryesorja është kursimi nga udhëtimi që nuk do ju zhgënjejë.

Shikoni listën tonë për udhëtimet me buxhet më të mirë, mund të mos jenë në listën tuaj të vendeve që shumica e njerëzve preferon, por ia vlen që t’i eksploroni, shkruan DailyMail. Më tej prestigjiozja britanike vë në dukje për lexuesit e saj se ata do të habiten nga sa do të kursejnë duke udhëtuar në këto destinacione.

Mes 10 vendeve në listën e DailyMail është edhe Tirana. “Një tjetër destinacion ndoshta më pak i mundshëm për fundjavën, kryeqyteti i Shqipërisë i përshtatet atyre me një dell aventure. Duke vizituar muzetë historike dhe duke ecur përgjatë Bulevardi “Dëshmorët e Kombit” me ndërtesat e epokës komuniste, rekomandohet një udhëtim në Bunk’Art. Ky është një art bashkëkohor dhe muze i historisë moderne i vendosur në një ish-bunker të Luftës së Ftohtë. Në sheshin Skënderbej në qendër do të gjeni edhe shtëpinë e operas”, shkruan DailyMail për Tiranën.

Salvini: Zgjedhjet europiane mundësi për forcat e ekstremit të djathtë

By

Albania Plus

-

Ministri i Brendshëm italian, Matteo Salvini i sheh zgjedhjet europiane të muajit maj si një mundësi për forcat e ekstremit të djathtë që të kthehen në grupin kryesor parlamentar.

Këto zgjedhje, deklaroi Salvini një ditë më parë gjatë një forumi politiko-ekonomik në qytetin verior Cernobbio, janë shansi për një ndryshim historik dhe mundësia e fundit për të shpëtuar Europën.

Këto koment, kreu i Lega Nord i bëri një ditë pas takimit me Steve Bannon që ka çelur në Bruksel një fondacion të quajtur “Lëvizja”. Qëllimi i këtij fondacioni është të lidhë elementët e ekstremit të djathtë në mbarë Europën.

Për Bannonin, në këtë mënyrë do t’i bëhet rezistencë politikave të integrimit europian, të mbështetura nga kancelarja gjermane Angela Merkel dhe presidenti i Francës, Emmanuel Macron.

Drejtori ekzekutiv i “Lëvizjes”, Mischawl Modrikamen, e përshendeti pjesëmarrjen e Salvinit duke thënë se fakti që ministri e mbështet këtë iniciativë, tregon qartë që ajo përbën vendin e duhur për bashkimin e lëvizjes populiste në kontinentin e vjetër.

Giorgia Meloni, liderja e Fratelli d`Italia, një tjetër parti konservatore nacionaliste në Itali, deklaroi të premten se do t’i bashkohet lëvizjes së Bannonit. Në takimin e Cernobbios ishte dhe udhëheqësi i partisë popullore holandeze, Geert Wilders.

Në fund të gushtit, Salvini u takua edhe me kryeministrin hungarez Viktor Orban dhe të dy ranë dakord të ecin në të njëjtën rrugë pasi diskutuan krijimin e një froni kundër emigrantëve, i cili t`i kundërvihet politikave të kreut të shtetit francez.

Meta drekon me Thaçin: Stabilitetit rajonal qëllim i përbashkët

By

Albania Plus

-

Presidenti, Ilir Meta, zhvilloi sot një takim me homologun e tij nga Kosova,Hashim Thaçi.

Në qendër të diskutimeve mes tyre në drekën e punës të zhvilluar tek Currilat në Durrës, ka qenë forcimi i stabilitetit rajonal dhe perspektivës europiane të rajonit është qëllim i përbashkët.

Meta ka nënvizuar se është me rëndësi vazhdimi i dialogut për normalizimin përfundimtar të marrëdhënieve Kosovë – Serbi që do të garantojë jo vetëm njohje reciproke midis dy vendeve si edhe të ardhmen e tyre në BE, por dhe një bashkëjetesë të përhershme midis shqiptarëve e serbëve në interes të gjeneratave të ardhshme.

Në takimin mes tyre, dy Presidentët kanë theksuar se rritja e mëtejshme e shkëmbimeve të gjithanshme midis Shqipërisë dhe Kosovës është një prioritet i përbashkët.

“Forcimi i stabilitetit rajonal dhe perspektivës europiane të rajonit është qëllim i përbashkët”.
Një ditë më parë, Meta pati një takim dhe me kreun e Vetëvendosjes, Albin Kurti.

Gjykata e Tiranës kthen pas padinë e Panuçit

By

Albania Plus

-

Panucci named as head coach of the Albanian national team — epa06096092 Italian Christian Panucci during a press conference in Tirana, Albania, 19 July 2017. Christian Panucci was named as head coach of the Albanian national team with a two-year contract to lead the Albanian team during the qualifying for the 2018 World Cup. EPA/Malton Dibra

Gjykata e Tiranës ka kthyer padinë e trajnerit të kombëtares së futbollit, Kristian Panuçi, që i drejtohet ish-presidentit të republikës Bujar Nishani.

Anila Karanxha, gjyqtarja e çështjes, ka argumentuar se padia ku kërkohej 100 mijë euro dëmshpërblim, kishte të meta në formulimin e saj, mangësi të cilat duhet të plotësohen brenda 20 ditësh.

Nëse ky afakt nuk respektohet atëherë padia do të cilësohet e rrëzuar. Mbetet për tu parë nëse avokatët e Panuçit do të reagojnë për këtë betejë me Nishanin. Trajneri i kombëtares paditi ish-presidentin për shkak se ky i fundit ishte shprehur pas humbjes me Kosovës duke e quajtur Panuçin: “Sharlatan që shkatërron edhe atë që ishte ngritur.”