Ambasadori i Shteteve të Bashkuara të Amerikës, Aleksandër Arvizu është pyetur sot sërish, në lidhje me armët kimike siriane gjatë vizitës së tij në qytetin e Kukësit.
Ambasadori deklaroi se, me të dyja palët situata është thjesht në nivel negociatash dhe nuk ka ndonjë vendim. Arvizu theksoi se për Shtetet e Bashkuara të Amerikës shëndeti dhe mirëqenia e shqiptarëve është shumë e rëndësishme.
“Ashtu siç ka thënë ministri i Jashtëm, Ditmir Bushati ne kemi vetëm negociata dhe nuk ka ndonjë vendim konkret. Por po e përsëris që për ne është shumë i rëndësishëm shëndeti i çdo njeriu këtu, është i rëndësishëm për ne mirëqenia e shqiptarëve, që përbën qëllimin e palëkundur të SHBA-së”,- tha Arvizu.
