Është arrestuar pas disa ditë gjurmimi personi, që vuri në alarm Parisin, pas tre sulmeve të nëpasnjëshme. Abdelhakim Dekhar është kapur dje në një gjendje gjysëm të pandërgjegjshme, pasi kishte konsumuar një sasi të konsiderueshëm ilaçesh. Dekhar u gjet në një veturë të parkuar në një parkim nëntokë në periferi të Parisit, pasi kishte marrë një dozë ilaçesh.
Për kapjen e tij, ndihmoi informata e një personi, i cili e strehonte herë pas here.
Ministri i Brendshëm francez Manuel Valls deklaroi se, me sa duket personi ka tentuar të vetëvritet por nuk ia ka arritur dot, çka do të na ndihmojë për të zbardhur faktet, të vërtetën e motivit të sulmeve të kanalit BFM, të gazetës Libération dhe Bankës Société Générale.
ADN tregoi qartë që Abdelhakim Dekhar ka qenë personi që ka shkaktuar të tre ngjarjet. Ai figuron i dënuar në çështjen Florence Rey-Maupin, pasi kishte pajisur me armë dy të rinj, që më pas kishin vrarë 5 persona ku tre prej tyre ishin punonjës policie, më tetor 1994 në Paris.
