Policia e qytetit të Shijakut, ka arrestuar paraditen e sotme një 32-vjeçar, pasi akuzohet për armëmbajtje pa leje. Bëhet me dije se i arrestuari punonte si fatorino i një furgoni.
Sipas burimeve zyrtare shtetasi, Fatmir Bylyshi, është vënë në pranga nga autoritetet lokale, pasi dispononte pistoletë në furgonin me të cilin transportonte 15 nxënësit e shkollës.
Sipas policisë, Bylyshaj, një person me precedent të shumtë penalë, ishte konfliktuar me një drejtues të një furgoni tjetër të linjës Sukth-Hamallaj për shkaqe konkurrence dhe kishte planifikuar një sulm me armë ndaj tij në fshatin Hamallaj.
Fatorino me precedentë penalë
Me anë të njoftimi për shtyp, policia bën të ditur se sot shërbimet e komisariatit të policisë Shijak, gjatë një ndërhyrjeje të realizuar gjatë paradites, bënë të mundur kapjen e një shtetasi që mbante me një armë zjarri në brez. Sipas policisë, ky person krahas precedentëve të mëparshëm penalë, kishte dhe konflikte të tjera të tjera. Ndërhyrja e policisë u bë në kohë, duke mundur evitimin e pasojave të rënda që mund të vinin nga veprimet e tij. Bylyshaj është akuzuar e dënuar disa herë për vepra të ndryshme penale, si “plagosje me armë zjarri, kanosje me armë zjarri, prishje e rendit, armëmbajtje pa leje, shkelje të qarkullimit rrugor, disa plagosje me mjete të forta, si dhe njihet i përfshirë në disa konflikte”.
