Publikuar Ne: 29 Janar 2014
79 shikime
AKTUALITET / EKONOMI | By albaniaplus

BSH mban të pandryshuar normën bazë të interesit

OLYMPUS DIGITAL CAMERABanka e Shqipërisë mban të pandryshuar normën bazë të interesit duke e lënë në nivelin prej 3 përqind. Guvernatori i Bankës së Shqipërisë, Ardian Fullani, ndërsa ka paraqitur raportin mujor të këshillit mbikqyrës së Bankës së Shqipërisë theksoi se ulja e normës bazë të interesit u bë për të stimuluar ekonominë.

Guvernatori i Bankës së Shqipërisë Ardian Fullani ndërsa e ka cilësuar 2013-ën si një vit të vështirë për ekonominë e vendit theksoi se defiçiti dhe borxhi publik gjatë këtij viti pati rritje të ndjeshme.

Sipas Fullanit Prodhimi i Brendshëm Bruto ka rënë me 2.3 përqind në tremujorin e tretë të vitit, ndërsa shtoi se gjendja financiare e sipërmarrjeve mbetet e vështirë.

“Viti 2013 ishte një vit i vështirë për ekonominë shqiptare. Deficiti dhe borxhi publik u rri ndjeshëm. Zgjedhjet e 23 qershorit paraqitën një moment pasigurie për biznesin.Sistemi bankar vazhdon të jetë i qëndrueshëm, pavarësisht nga rritja e kredive të këqija. Inflacioni vjetor ka qëndruar me 1.5 për qind. Sipas tij, Prodhimi i Brendshëm Bruto ra me 2.3 % gjatë 3 mujori të tretë të vitit 2013”, tha Fullani.

Ai gjithashtu ka theksuar se gjatë 2013-ës janë rritur shpenzimet buxhetore, ndërsa çmimet e shportës mbeten ende të larta.

Ndërkohë për guvernatorin e Bankës së Shqipërisë viti 2014 duhet të jetë një pikë kthese për ekonominë e vendit, me politika stimuluese  dhe duke vijuar me reformat strukturore.

80 shikime 1 sote

About the Author

albaniaplus -

Komentoni

XHTML: Mund te perdorni keto html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

We use cookies to ensure that we give you the best experience on our website.
Ok