Zona 51 ekziston, CIA pranon të vërtetën

76
Zona 51, pamje nga sateliti
Zona 51, pamje nga sateliti

Agjencia CIA e Shteteve të Bashkuara e ka pranuar zyrtarisht ekzistencën e lokacionit sekret për prova, në shkretëtirën e Nevadës, të njohur si “Area 51”.

Pas disa dekadash të fshehtësisë ekstreme për këtë lokacion, CIA u është përgjigjur kërkesave të shumta publike nga George Washington University dhe e ka publikuar një histori josekrete të këtij lokaliteti.

Në këtë dokument përshkruhet se si CIA ka filluar ta përdorë këtë lokacion të largët afër liqenit Groom, në mes të viteve ‘50, për provën e aeroplanit të spiunimit U-2.

Publikimi i dokumentit konsiderohet si një kthesë e madhe, pasi qeveria më parë kishte refuzuar të pranojë ekzistencën e lokacionit.

“Area 51” ka luajtur një rol dominant në mesin e teoricienëve konspirativë, që për vite të tëra kishin dyshuar se lokaliteti ka mundur të jetë i përfshirë në aktivitetet e anijeve kozmike nga ndonjë botë tjetër.