Shkodër, gjendet arsenal armësh në landfillin e Bushatit

14

policia...Një sasi e konsiderueshme municionesh, janë gjetur nga punonjësit e pastrimit në Landfillin e Bushatit.

Municionet, janë evidentuar gjatë procesit të shkarkimit, e të mbetjeve urbane që depozitohen në këtë landfill. Menjëherë drejtuesit e këtij landfilli kanë njoftuar efektivët e policisë të cilët kanë bërë edhe sekuestrimin e municioneve.

Sipas informacioneve, janë rreth 100 fishekë të llojeve të ndryshme dhe një granatë dore, municionet e sekuestruara te gjetura se bashku me mbetjet te tjera urbane.

Mendohet që municionet janë hedhur nga persona të paidentifikuar në kontenierët e mbeturinave, dhe më pas ato janë depozituar nga makinat e pastrimit në landfillin e Bushatit.

Drejtori i Landfillit i bën apel të gjithë banorëve që të mos depozitojnë të tilla mbetje të rrezikshme të cilat mund të jenë fatale për punonjësit e pastrimit.