Schultz: Zgjerimi i BE-së s’është prioritet kryesor

45

European Parliament - Martin SchulzZgjerimi i BE-së nuk mund të jetë prioritet kryesor i Brukselit tani për tani, kur kriza ekonomike po trondit themelet e saj. Kështu shprehet Presidenti i Parlamentit Evropian, Martin Schultz.

Eurodeputeti gjerman në një intervistë për gazetën serbe NIN, thotë se gjithsesi procesi i zgjerimit do të vazhdojë.

“BE nuk po u mbyll derën anëtarësimeve të reja të vendeve të Ballkanit Perëndimor dhe anëtarësimi i Kroacisë është një provë për këtë”, deklaron Schultz.

Kreu i PE-së shton se, “BE do t’i kalojë këto vështirësi që po kalon tani”. “Be duhet të zgjerohet akoma. Edhe pse Gjermania nuk mund të krahasohet me SHBA-të apo Kinën, por e gjithë BE-ja nuk është e vogël. Së bashku GDP-ja jonë dhe popullsia është më e madhe se ajo e SHBA-ve”, shprehet ai.

Eurodeputeti thekson, ajo që po ndodh mes Beogradit dhe Prishtinës është “një zhvillim historik”. “Kam ndjekur nga afër dhe kam mbështetur bisedimet mes kryeministrave Daçiç dhe Thaçi. Liderët serb kanë dëshmua aftësi dhe aftësi, guxim dhe vizion.” Schultz shton se PE prêt që mes Serbisë dhe Kosovës marrëdhëniet të normalizohen sa më shpejt.