Presidenca italiane e BE-së prezanton sot prioritetet

50

uePërfaqësuesi i Delegacionit të Bashkimit Europian në Tiranë, Clive Rumbold dhe ambasadori italian, Massimo Gaiani pritet të prezantojnë mesditën e sotme në Qendrën e Informimit të BE-së prioritetet e presidencës italiane, për gjashtëmujorin e dytë të vitit 2014.
Presidenca e Këshillit, e cila mbahet me radhë nga secili prej 28 vendeve anëtare të BE-së, për një periudhë 6-mujore, luan një rol jetik në organizimin e nismave ligjore dhe procesit të vendimmarrjes në këtë institucion në Bruksel.
Që nga hyrja në fuqi e Traktatit të Lisbonës, në dhjetor 2009, Presidenca e Këshillit të BE-së nuk ka rol formal në këtë cilësi jashtë Brukselit, sidomos sa i përket politikës së jashtme. Kjo për arsyen se me traktatin e ri, që krijoi edhe Shërbimin e Veprimit të Jashtëm të BE-së, iu dha udhë një projekti ambicioz, i cili synon të garantojë një përfaqësim të jashtëm solid diplomatik evropian të BE-së, si një i vetëm. Për rrjedhojë, këtu në Shqipëri, përfaqësimi i jashtëm i BE-së, garantohet nga Delegacioni i Bashkimit Evropian.