Portugali, Policia proteston dhe tenton futjen në Parlament

51

A demonstrator shouts after breaking through a line of policemen guarding the Portuguese parliament in LisbonForcat policore dhe të xhandarmërisë portugeze, kanë manifestuar më 21 nëntor në Lisbonë, kundër masave shtrënguese ekonomike që qeveria po aplikon. Xhandarmëria do të humbasë rreth 15% të buxhetit të 2014-s. Edhe pse kjo nuk është protesta e parë në Portugali, manifestuesit rreth 10 mijë në numër, u gjenden mes një situate të tensionuar, pasi përballë policisë me uniformë ishin kolegët e tyre, policë të veshur civilë.

Protestuesit disa prej tyre me kapuçë në kokë, kanë rrëzuar barrierat e mbrojtjes policore, kanë çarë kordonin e policisë duke tentuar të futen në Parlament.

Ndërhyrja e grupeve speciale policore, ka bërë të mundur spostimin e turmës, që shtynte për tu futur në parlament.

Ministri i Brendshëm Miguel Macedo, e ka vlerësuar ngjarjen për ‘Publico’ si ‘absolutisht të papranueshme’. Së pari, pasi rregullat e sigurisë duhet të respektohen dhe sepse ato që i kanë për mision t’i respektojnë, nuk mund të japin shembullin e dhunimit të tyre.

Paulo Valente Guedes, Drejtori Kombëtar i Policisë, ka dhënë dorëheqjen të nesërmen e ngjarjeve të ndodhura para Parlamentit.

Kryeministri Pedro Passos Coelho, sipas “Ipsilon” ka deklaruar se “ mos respektimi i rregullave në manifestimin e policisë nuk duhet të kishte ndodhur kurrë” dhe se “kjo nuk ishte një indikator i mirë i autoritetit të forcave të sigurisë”.

Presidenti António Cavaco Silva, ka bërë thirrje për qetësi duke theksuar respektin e tij të madh për forcat e rendit : “Ruani qetësinë në këto kohë të vështira për Portugalinë, ndërkohë që ne varemi nga kreditorët, që na vëzhgojnë çdo ditë”